Sanebimɔ He

◼ Ani esa akɛ atswa dɛ kɛ́ atswa adafi akɛ asaa áhe mɔ ko ekoŋŋ kɛba asafo lɛ mli lɛ?

Yehowa Nyɔŋmɔ etsɔ emɔbɔnalɛ lɛ nɔ ekɛ gbɛ ni atsɔɔ nɔ yɛ Ŋmalɛ naa lɛ eha, koni efɔŋfeelɔi ni etsake amɛtsui lɛ aná ehiɛ duromɔ ekoŋŋ ni ahé amɛ kɛba Kristofoi asafo lɛ mli ekoŋŋ. (Lala 51:14, 19) Kɛ eba lɛ nɛkɛ lɛ, awoɔ wɔ hewalɛ koni wɔha wɔsuɔmɔ lɛ mli awa yɛ mɛi ni kɛ anɔkwayeli tsakeɔ amɛtsui nɛɛ anɔ.—2 Kor. 2:6-8.

Kɛ nakai po lɛ, taakɛ bɔ ni wɔnáa miishɛɛ waa beni áhe wekunyo ko loo naanyo ko kɛba asafo lɛ mli ekoŋŋ lɛ, esa akɛ akɛ dioofeemɔ ni woo yɔɔ mli atsu nii yɛ be mli ni atswaa mɔ lɛ hemɔ kɛbaa asafo lɛ mli ekoŋŋ lɛ he adafi lɛ. October 1, 1998 Buu-Mɔɔ lɛ baafa 17 lɛ tsɔɔ saji amli yɛ nɛkɛ gbɛ nɔ akɛ: “Shi kɛlɛ, esa akɛ wɔkai akɛ asafo lɛ mli bii lɛ ateŋ mɛi babaoo leee shihilɛi diɛŋtsɛ ni ba ni ha ashwie mɔ lɛ kɛjɛ asafo lɛ mli loo asaa ahe lɛ kɛba asafo lɛ mli ekoŋŋ lɛ. Kɛfata he lɛ, ekolɛ mɛi komɛi yɛ asafo lɛ mli ní mɔ ni eshwa ehe lɛ nɔ fɔŋ feemɔ lɛ sa amɛhe diɛŋtsɛ loo eye amɛ awui—ekolɛ yɛ be kpalaŋŋ ko mli. No hewɔ lɛ, akɛni saji nɛɛ dɔɔ amɛ waa hewɔ lɛ, kɛ́ atswa adafi akɛ asaa ahe mɔ lɛ kɛba asafo lɛ mli ekoŋŋ lɛ, shishinumɔ yɛ he akɛ wɔwieŋ wiemɔi ni wɔkɛaahere lɛ ekoŋŋ lɛ amrɔ nɔŋŋ, kɛyashi be mli ni wɔɔnyɛ wɔfee nakai yɛ wɔkɛ mɔ lɛ diɛŋtsɛ teŋ.”

Eyɛ mli akɛ wɔnáa miishɛɛ waa akɛ wɔɔna akɛ mɔ ko eku esɛɛ kɛba anɔkwale lɛ mli ekoŋŋ moŋ, shi dɛ ni abaatswa yɛ be mli ni átswa ehemɔ kɛbaa asafo lɛ mli ekoŋŋ lɛ he adafi lɛ ebafeŋ nɔ ni sa.