Sɔɔmɔ Kpee He Gbɛjianɔtoo
Otsi ni Jeɔ Shishi July 10
15 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ March shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Gbalamɔ jwɛŋmɔ kɛya akrabatsa ni ji “Kwɛmɔ Baafa ni Yɔɔ Sɛɛgbɛ Lɛ” nɔ, ní oha afee shiɛmɔ wiemɔi ni akɛha lɛ mli ekome ni baahi jogbaŋŋ kɛha nyɛshikpɔŋkuku lɛ he nɔkwɛmɔnɔ. Tĩi “Gbi Kome Kpee Krɛdɛɛ He Gbɛjianɔtoo Hee” lɛ mli. Tsɔɔmɔ gbi ni abaafee kpee krɛdɛɛ lɛ.
15 min: “Wɔnyɛŋ akɛ Ja Wɔwie.” Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ-kɛ-hetoo he sanegbaa anyiɛ sɛɛ. Maa yiŋtoi ahewɔ ni wɔkɛ hiɛdɔɔ tsuɔ wɔshiɛmɔ nitsumɔ lɛ he nii waa lɛ nɔ mi. Okɛ saji otii ni jɛ January 15, 1997 Buu-Mɔɔ lɛ baafai 23-24 afata he.
15 min: “Nyɛhaa Afea Fɛɛ Bɔ ni Mɛi Anane Aaamɔ Shi.” Onukpai enyɔ agba nikasemɔ lɛ he sane. Nyɛkanea kuku fɛɛ kuku kɛ ŋmalɛi ni aŋmalako emli wiemɔi lɛ. Nyɛmaa shishitoo mlai ni yɔɔ mli lɛ nɔ mi. Nyɛmaa bɔ ni ehe hiaa ni akɛ sɛɛyoomɔ atsu nii beni atsuɔ jarayeli saji ahe nii loo beni akɛ shika woɔ nitsumɔi amli lɛ nɔ mi. Amɛtĩ ŋaawoo ni yɔɔ March 15, 1997 Buu-Mɔɔ lɛ baafai 18-19, 22 lɛ mli.
Lala 15 kɛ naagbee sɔlemɔ.
Otsi ni Jeɔ Shishi July 17
15 min: Asafoŋ adafitswai. Shika he akɔntaabuu. Okɛ be kuku atsɔɔ bɔ ni akɛ Divine Name wolo bibioo lɛ baatsu nii koni akɛye abua mɔ ni yɔɔ wiemɔ lɛ he miishɛɛ lɛ, koni ehiɛ asɔ bɔ ni ehe hiaa akɛ eeele Nyɔŋmɔ gbɛi diɛŋtsɛ kɛ bɔ ni ekɛbaatsu nii eha.—Kwɛmɔ Reasoning wolo lɛ baafai 196-197.
10 min: “Mɛni Hewɔ Esa akɛ Okɛha Yehowa?” Wiemɔ ni damɔ November 1, 1996 Buu-Mɔɔ lɛ baafai 28-30 lɛ nɔ. Maa yiŋtoi ejwɛ hewɔ ni wɔhaa nii lɛ nɔ mi.
20 min: Namɔ Esa akɛ Okase akɛ Onɔkwɛmɔnɔ? Tsɛ ko kɛ ebi kome loo enyɔ ni yeko afii nyɔŋmai enyɔ feɔ eweku nikasemɔ. Nɔ ni ekpa shi ena nyɛsɛɛ nɛɛ ji akɛ, bei pii lɛ amɛgbaa saji ni kɔɔ mɛi ni he esa yɛ kpɔiaŋgbɔlemɔ mli, sini mli gbɔmɛi ni ehe gbɛi, TV mli gbɔmɛi, kɛ lalafolɔi ahe. Etsɔɔ bɔ ni ehao eha, ejaakɛ miishɛɛ ni anáa yɛ nibii ni tamɔ nɛkɛ he lɛ ji je lɛ mumɔ lɛ ni jeɔ kpo faŋŋ. Amɛgba May 22, 1998 Awake! lɛ baafai 12-14 lɛ he sane. Oblahii kɛ oblayei bibii lɛ yɔse akɛ oshara yɛ mɛi ni ehe gbɛi yɛ je lɛ mli lɛ ni aaafee amɛ nyɔŋmɔi lɛ he, ni amɛkpɛlɛ nɔ akɛ gbɛi ni aheɔ yɛ je lɛ mli lɛ he bɛ sɛɛnamɔ ko kwraa kɛha Kristofoi. Amɛsusu sɛɛnamɔi ni yɔɔ amɛfɔlɔi, asafoŋ onukpai, mɛi krokomɛi ni feɔ nɔkwɛmɔ kpakpa yɛ asafo lɛ mli—kɛ titri lɛ Yesu Kristo—ni amɛkɛ amɛ baafee nɔkwɛmɔnɔ ni amɛkase amɛ lɛ he.
Lala 34 kɛ naagbee sɔlemɔ.
Otsi ni Jeɔ Shishi July 24
5 min: Asafoŋ adafitswai.
15 min: Wɔhe ni Wɔkɛtsɔɔ akɛ Nyɔŋmɔ Sɔɔlɔi. Asafoŋ sɔɔlɔi enyɔ asusu Ŋmalɛ naa ŋaawoo ni akɛha yɛ December 15, 1998 Buu-Mɔɔ lɛ baafai 19-20 lɛ he. Amɛjie hiɛsɔɔ kpo amɛtsɔɔ bɔ ni ehe hiaa ni amɛhe asa jogbaŋŋ akɛ asafoŋ sɔɔlɔi, ni amɛtĩ nɔ ni amɛ diɛŋtsɛ amɛbaanyɛ amɛfee koni amɛtsɔɔ akɛ amɛmiitsu nitsumɔi ni akɛwo amɛdɛŋ lɛ he nii lɛ mli. Amɛna bɔ ni ehe hiaa ni amɛfee nɔkwɛmɔnii kpakpai yɛ shiɛmɔ nitsumɔ lɛ mli, ni amɛsusu gbɛ̀i ni amɛbaanyɛ amɛtsɔ nɔ koni amɛhe aba sɛɛnamɔ kɛha onukpai lɛ yɛ be mli ni amɛyeɔ amɛbuaa mɛi krokomɛi lɛ he. Amɛkpɛlɛ nɔ akɛ, amɛmiisumɔ ni amɛfee nɔ fɛɛ nɔ ni amɛbaanyɛ koni amɛye amɛbua asafo lɛ ni amɛle bɔ ni hiamɔ eba bei lɛ ahe lɛ, ni amɛdara ni amɛshwere yɛ mumɔŋ.
10 min: Mɛi ni Wɔnyɛɛɛ Wɔya Amɛ Ŋɔɔ lɛ ni Wɔɔŋmala Amɛ Woji. Wiemɔ kɛ toibolɔi ni akɛaagba sane. Akɛni eefee nɔ ko ni wa be fɛɛ be akɛ aaana mɛi yɛ shia hewɔ lɛ, shiɛlɔi komɛi woɔ yibii kpakpai kɛtsɔ woji aŋmalamɔ nɔ. Susumɔ gbɛtsɔɔmɔi nɛɛ ahe okwɛ. Esa akɛ woji lɛ afee kuku, ní edamɔ Ŋmalɛ nɔ, ní bulɛ ahi mli. Okɛ woji ni ogbɛi bɛ nɔ akamaje. Ŋmaa loo okɛ taip atswa lɛ fɛfɛo ni eje shi faŋŋ. Tsɔɔmɔ Maŋtsɛyeli Asa lɛ adrɛs kɛ bei ni akɛfeɔ asafoŋ kpeei lɛ, ní otsɔɔ yɛ mli akɛ oofɔ̃ lɛ nine koni eba eko. Okɛ adrɛs ni Asafo lɛ nine shɛɔ woloŋmaa nɔ kɛtsɔɔ nɔ lɛ akatsu nii. Tĩi gbɛtsɔɔmɔi ni akɛha yɛ School Guidebook lɛ baafai 87-88 lɛ, kɛ November 1996 Wɔ Maŋtsɛyeli Sɔɔmɔ lɛ mli Sanebimɔ He lɛ mli.
15 min: Okɛ Hiɛkpamɔ Wiemɔi ni Mɔɔ Shi Atsu Nii. Halamɔ hiɛkpamɔ wiemɔi enyɔ loo etɛ ni jɛ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafai 2-7 lɛ mli, ni otsɔɔ bɔ ni abaanyɛ akɛ enɛ atsu nii jogbaŋŋ yɛ nyɛshikpɔŋkuku lɛ mli. Bi toibolɔi lɛ akɛ, “Mɛɛ hiɛkpamɔ wiemɔi okɛtsuɔ nii beni okɛ mɔ ko kpeɔ yɛ gbɛjegbɛ nɔ, beni okɛ mɔ ko kpeɔ trukaa, aloo yɛ gbɛ kroko nɔ lɛ?” Ha afee hiɛkpamɔ wiemɔ kome loo enyɔ he nɔkwɛmɔnɔ kɛ́ be yɛ.
Lala 54 kɛ naagbee sɔlemɔ.
Otsi ni Jeɔ Shishi July 31
15 min: Asafoŋ adafitswai. Kaimɔ mɛi fɛɛ koni amɛkɛ amɛshiɛmɔyaa he akɔntaabuu kɛha July aha. Ha toibolɔi agba niiashikpamɔi ni amɛ diɛŋtsɛ amɛná mli ŋɔɔmɔ yɛ nyɔŋ nɛɛ nɔ beni amɛkɛ woji bibii haa lɛ he sane.
12 min: Asafoŋ hiamɔ nii.
18 min: “Ani Ohiɛ Sɔɔ Yehowa Tsuishitoo Lɛ?” Sanebimɔi kɛ hetooi. Okɛ saji ni he hiaa ni kɔɔ Yehowa tsuishitoo lɛ he afata he.—Kwɛmɔ Insight, Kpo 2, baafai 263-264.
Lala 75 kɛ naagbee sɔlemɔ.
Otsi ni Jeɔ Shishi August 7
10 min: Asafoŋ adafitswai.
17 min: “Ani Oji Mɔ ko ni Hiɛ Gboɔ?” Sanebimɔi kɛ hetooi. Gbaa niiashikpamɔ ko ni woɔ mɔ hewalɛ ni jɛ 1997 Yearbook, baafai 43-44 lɛ mli.
18 min: Okɛ Nilee Asusu Owɔsɛɛ Be He. Wiemɔ ni onukpa ko kɛbaaha. Oblahii kɛ oblayei sumɔɔ ni amɛkɛ mɛi ni amɛsumɔɔ amɛ lɛ aná wɔsɛɛ be ni yɔɔ miishɛɛ mli ŋɔɔmɔ. Yɛ be mli ni enɛ ji adebɔɔ naa nifeemɔ lɛ, esa akɛ amɛkɛ Nyɔŋmɔ dɛŋ ŋaawoo atsu nii kɛ́ amɛbaaye omanye. (Abɛi 19:20) Suɔmɔ ni gbalaa mɔ kɛbɛŋkɛɔ mɔ ni esoro ebɔɔ su lɛ mli wa yɛ oblahii kɛ oblayei amli. Kɛ akudɔɔɔ henumɔi lɛ, nɔ ni jɛɔ mli baa lɛ baanyɛ afite nii. Sanebimɔi babaoo teɔ shi yɛ nilee ni yɔɔ mɛi ni yeko afii nyɔŋmai enyɔ ni náa suɔmɔ amɛhaa mɛi ni esoro amɛbɔɔ su, ní amɛnáa nuu kɛ yoo teŋ suɔmɔ ni haa amɛbɔɔ gbagbalii lɛ he. Tĩi ŋaawoo ni akɛha yɛ Young People Ask wolo lɛ baafai 231-235 lɛ mli. Maa saji otii ni yɔɔ November 15, 1999 Buu-Mɔɔ lɛ baafai 18-23, ní tsɔɔ bɔ ni ehe hiaa ni oblahii kɛ oblayei atsu amɛgbɛnaa nii fɛɛ ni kã amɛnɔ yɛ Nyɔŋmɔ hiɛ lɛ he nii lɛ nɔ mi. Wo mɛi ni yeko afii nyɔŋmai enyɔ lɛ hewalɛ koni amɛsusu ŋaawoo nɛɛ he ni amɛkɛ amɛfɔlɔi agba he sane kɛ́ amɛyɛ sanebimɔi.
Lala 101 kɛ naagbee sɔlemɔ.