Sanebimɔhe

Hɛɛ, esa akɛ akɛ asafo lɛ shikpɔŋkuku lɛ he map awo tao nɔ ni akɛkpɛtɛ gbogbo lɛ he yɛ Maŋtsɛyeli Asa lɛ nɔ. Esaaa akɛ akɛwoɔ adafitswaa tao lɛ nɔ. Esa akɛ atsɔɔ asafo lɛ shikpɔŋkuku lɛ husui lɛ anaa kɛ shikpɔŋkukuji bibii ni yɔɔ mli lɛ hu ahusui anaa yɛ map lɛ nɔ, ni aŋma shikpɔŋkukuji bibii lɛ eko fɛɛ eko nɔmba awo nɔ. Abaatsɔɔ asafoi srɔtoi ni kpeɔ yɛ Maŋtsɛyeli Asa kome nɔ lɛ ashikpɔŋkukuji lɛ ahusui anaa yɛ map lɛ nɔ. Enɛ baaye abua shiɛlɔi lɛ kɛ mɛi hei ni ená wiemɔ lɛ he miishɛɛ lɛ ni amɛna asafo ni amɛyɔɔ eshikpɔŋkuku mli. Kɛfata he lɛ, kɛ́ akadi hei ni shiɛmɔyaa kui srɔtoi lɛ kpeɔ yɛ lɛ yɛ map lɛ nɔ lɛ, ebaaye ebua asafoŋbii lɛ fɛɛ ni amɛna he ni amɛshiɛmɔyaa kui lɛ yɔɔ. Kɛ́ afee tsakemɔ ko lɛ, esa akɛ akɛwo map lɛ nɔ.

Kɛ́ akɛ map ni tamɔ nɛkɛ kpɛtɛ shi lɛ, ebaakai shiɛlɔi lɛ fɛɛ akɛ, ehi akɛ amɛ fɛɛ amɛaaná amɛ diɛŋtsɛ amɛshikpɔŋkuku ni amɛbaatsu mli nii, kɛ́ ebaahi. Map lɛ baaye abua mɛi ni miitao aná shikpɔŋkuku ni bɛŋkɛ amɛshĩai lɛ. Bei komɛi hu lɛ, ebaaye ebua koni akafite be yɛ kpeei kɛhã shiɛmɔyaa lɛ shishi, ejaakɛ ebaahã mɔ ni kwɛɔ nɔ lɛ anyɛ aja shikpɔŋkukuji lɛ oya.

Kɛfata he lɛ, kɛ́ akɛ map lɛ kpɛtɛ shi lɛ, no baatsɔɔ akɛ ato asafo lɛ he gbɛjianɔ koni amɛnyɛ amɛshiɛ Maŋtsɛyeli sane lɛ yɛ amɛshikpɔŋkuku lɛ mli fɛɛ.​—Luka 9:6.