Ghana Betel Mligbelemɔ Nɔyaa He Amaniɛbɔɔ

Wɔyɛ he miishɛɛ akɛ wɔɔbɔ nyɛ amaniɛ akɛ wɔ́tee hiɛ jogbaŋŋ yɛ kɔnkret kɛ blɔkii ni wɔkɛtsuɔ bú ni atsa kɛha niiasɛɛyaahe lɛ he nii lɛ mli. Ágbe klɛŋklɛŋ shi ni atsa kɛha nihoomɔhe kɛ niyelihe lɛ mligbelemɔ lɛ naa, ni ebaagbele gbɛ kɛha nitsumɔ ni yaa hiɛ babaoo. Akɛni akɛ dɛŋdadei babaoo ni he hiaa amrɔ nɔŋŋ lɛ ba yɛ February hewɔ lɛ, wɔto gbɛjianɔ akɛ wɔbaagbe hei ni wɔje jɛmɛ nitsumɔ shishi momo lɛ naa, ní wɔje nitsumɔ ni fa babaoo lɛ shishi kɛha nubu lɛ, tsɔnei amaamɔhe kɛ tsũ ni abaagbele mli kɛha tsumaa nitsumɔ lɛ nɔkwɛmɔ lɛ. Wɔmiibi ni nyɛkɛ sɔlemɔ afĩ wɔ sɛɛ koni wɔshɛ otii ni wɔkɛmamɔ wɔhiɛ kɛha nyɔji ni baa lɛ ahe.

Kɛ agbe Betel Mligbelemɔ Nitsumɔ lɛ naa lɛ, nɔ ni abaaná ji Nihoomɔhe kɛ niyelihe hee ni alɛɛ mli, wɔɔhei ni ji shikpɔŋ tsũi kakadaji etɛ, ɔfis srɔtoi ni alɛɛ mli, Maŋtsɛyeli Asa hee, woji anaabuamɔhe ni afee lɛ ehee (Woji Amajemɔ Nitsumɔhe) kɛ nibii asaamɔ nitsumɔhei.