Sɔɔmɔ Kpee He Gbɛjianɔtoo
Otsi ni Jeɔ Shishi May 14
10 min: Asafoŋ adafitswai; adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Gbalamɔ jwɛŋmɔ kɛya shiɛlɔi ayifalɛ hee lɛ nɔ.
15 min: Mɛɛ Gbɛjianɔ Oto Kɛha Gbɛhamɔ Be Lɛ? Onukpa ko loo asafoŋ sɔɔlɔ kɛ eweku lɛ gba gbɛjianɔ ni amɛto kɛha gbɛhamɔ be lɛ. Amɛwie akɛ amɛbaaya kpokpaa bibii loo gbi kome kpee krɛdɛɛ lɛ fɛɛ, amɛkɛ amɛhe baawo gbɛgbamɔ nitsumɔ lɛ mli, ni ekolɛ amɛbaajɔɔ amɛhe ni amɛná hiɛtserɛjiemɔ ko mli ŋɔɔmɔ. Amɛ fɛɛ amɛkpɛlɛ nɔ akɛ amɛsumɔŋ ni amɛkpoo teokrase nitsumɔi tamɔ asafoŋ kpeei yaa, he ni akɛwoɔ shiɛmɔ nitsumɔ lɛ mli, kɛ amɛweku Biblia mli nikasemɔ feemɔ, kɛji amɛfã gbɛ kɛtee he kroko po. Amɛbaakwɛ koni amɛkɛ amɛshiɛmɔyaa he akɔntaabuu aha woloŋmalɔ lɛ amrɔ nɔŋŋ, ekɔɔɔ he eko kɛji amɛyɛ shia loo amɛfã gbɛ kɛtee he kroko.
20 min: “Hiamɔ Kɛha Maŋtsɛyeli Asai ni Aaashɛ He yɛ Maji ni Nibii Fioo Pɛ Amɛyɔɔ lɛ Amli.” Nɔ ni aŋma ahɔ mli lɛ he susumɔ yɛ kuku 1-13.
Lala 31 kɛ naagbee sɔlemɔ.
Otsi ni Jeɔ Shishi May 21
10 min: Asafoŋ adafitswai. Shika he akɔntaabuu.
15 min: “Hiamɔ Kɛha Maŋtsɛyeli Asai ni Aaashɛ He yɛ Maji ni Nibii Fioo Pɛ Amɛyɔɔ lɛ Amli.” Nɔ ni aŋma ahɔ mli lɛ he susumɔ yɛ kuku 14-22. Ye obua mɛi fɛɛ ni amɛna gbɛfaŋ nɔ ni amɛtsuɔ yɛ gbɛjianɔtoo hee lɛ mli.
20 min: Gbɛjianɔtoo ni Suɔmɔ Yɔɔ Mli Kɛha Wɔ Helatsamɔ. Wiemɔ ni onukpa ko ni he esa kɛbaaha. Maa nɔ mi akɛ nine shɛɔ mla naa hebuu ni hi fe fɛɛ ni akɛteɔ shi awoɔ lá ni asumɔɔɔ ni agbalaa awoɔ gbɔmɔtso lɛ mli lɛ nɔ kɛtsɔ “Advance Medicial Directive/Release” wolo lɛ nɔ nii ni aŋmalaa lɛ nɔ. Kɛ agbe kpee nɛɛ naa lɛ, abaaha shiɛlɔi ni abaptisi amɛ lɛ wolo nɛɛ eko, shi ESAAA akɛ aŋmalaa woji nɛɛ anɔ nii gbɛkɛ nɛɛ. Kɛ agbe Asafo Woloŋ Nikasemɔ ni baanyiɛ sɛɛ lɛ naa lɛ, abaatsu woji fɛɛ ni akɛ waonaa gbɛi baawo shishi, ehe odaseyeli, kɛ gbi ni abaaŋma yɛ nɔ lɛ he nii kɛ́ eeehi lɛ yɛ woloŋ nikasemɔ nɔkwɛlɔ lɛ gbɛtsɔɔmɔ shishi. Esa akɛ mɛi ni kɛ amɛ waonaa gbɛi woɔ shishi akɛ mɛi ni yeɔ he odase lɛ akwɛ koni amɛna akɛ mɔ ni hiɛ wolo lɛ kɛ ewaonaa gbɛi miiwo wolo lɛ shishi lɛɛlɛŋ. Esa akɛ woloŋ nikasemɔ nɔkwɛlɔi lɛ akwɛ ní mɛi fɛɛ ni yɔɔ amɛkuu lɛ mli lɛ aná yelikɛbuamɔ ni he hiaa amɛ koni amɛŋmala “Advance Medical Directive/Release” wolo lɛ nɔ nibii lɛ. Kɛ́ agbe kpee nɛɛ naa lɛ, fɔlɔi anine baashɛ “Identity Card” lɛ eko nɔ amɛha amɛbii lɛ. Shiɛlɔi ni abaptisiko amɛ lɛ baanyɛ akwɛ wolo nɛɛ nɔ wiemɔi lɛ ni amɛfee lɛ bɔ ni baasa amɛ diɛŋtsɛ amɛ shihilɛi kɛ amɛhemɔkɛyelii koni amɛkɛŋma amɛ diɛŋtsɛ amɛ gbɛtsɔɔmɔ he wolo ni amɛkɛbaatsu nii amɛha amɛhe kɛ amɛbii.
Lala 1 kɛ naagbee sɔlemɔ.
Otsi ni Jeɔ Shishi May 28
13 min: Asafoŋ adafitswai. Kaimɔ shiɛlɔi fɛɛ koni amɛkɛ amɛ shiɛmɔyaa he akɔntaabui kɛha May aha. Tĩi “Woji Tɛtrɛbii Ashɛɛ Ekoŋŋ ni Aha Efee Mlɛo lɛ He Nitsumɔ” lɛ mli. Esa akɛ nyɛmimɛi aye abua mɛi fɛɛ ni shɛɔ woji tɛtrɛbii lɛ ni amɛkaha Buu-Mɔɔ kɛ Awake! ni amɛshɛɔ lɛ miigbo.
15 min: Asafoŋ hiamɔ nii.
17 min: ‘Nyɔŋmɔ Wiemɔ lɛ Yɛ Hewalɛ.’ Okɛ nɔkwɛmɔnii enyɔ ni asaa he jogbaŋŋ yɛ mli, ní miitsɔɔ bɔ ni hiɛkpamɔ wiemɔi kukuji baanyɛ agbala jwɛŋmɔ kɛba Nyɔŋmɔ Wiemɔ lɛ nɔ lɛ afata he.
Lala 79 kɛ naagbee sɔlemɔ.
Otsi ni Jeɔ Shishi June 4
12 min: Asafoŋ adafitswai. Wiemɔ “Ghana Betel Mligbelemɔ Nɔyaa He Amaniɛbɔɔ” lɛ he.
15 min: “Okɛ Ohe Awo Nikpamɔ Nitsumɔ lɛ Mli Jogbaŋŋ Kɛmɔ Shi.” Kɛ́ oosusu kuku 4 lɛ he lɛ, okɛ nɔkwɛmɔnɔ ni yɔɔ September 15, 1996, Buu-Mɔɔ, baafa 19, kuku 10, ní miitsɔɔ nɔ ni mɛi komɛi feɔ koni amɛkɛlɛɛ amɛsɔɔmɔ nitsumɔ lɛ mli lɛ afata he.
18 min: “Wɔtsu Wɔshikpɔŋkuku lɛ Mli Nii Shii Abɔ!” Shiɛmɔ nitsumɔ lɛ nɔkwɛlɔ lɛ baatsu he nii. (Asafoi ni yɔɔ shikpɔŋkuku ni afɔɔɔ mli nitsumɔ lɛ baanyɛ ati sane ni ji “Woji Tɛtrɛbii lɛ Tswaa Maŋtsɛyeli lɛ He Adafi,” ni yɔɔ April 1998 Wɔ Maŋtsɛyeli Sɔɔmɔ lɛ mli lɛ mli.) Wiemɔ nɔ ni abaanyɛ afee yɛ asafo lɛ mli koni nyɛnyɛ nyɛtsu shikpɔŋkuku lɛ mli nii babaoo. Gbaa niiashikpamɔi ni yɔɔ 1997 Yearbook, baafa 204 lɛ, kɛ February 15, 1996, Buu-Mɔɔ, baafa 26. Maa nɔ mi akɛ shia kɛ shia kadimɔ woji ni aaaŋmala nɔ nii jogbaŋŋ ashwie shi, mɛi ni bɛ shia ni aaaku sɛɛ aya amɛŋɔɔ, kɛ sɛɛsaramɔi ni aaafee amrɔ nɔŋŋ lɛ he miihia.
Lala 142 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.