Sɔɔmɔ Kpee He Gbɛjianɔtoo
Otsi ni Jeɔ Shishi June 11
Lala 178
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó mɔ fɛɛ mɔ hewalɛ ni ekwɛ vidio ni ji Jehovah’s Witnesses Stand Firm Against Nazi Assault (Yehowa Odasefoi Damɔ Shi Shiŋŋ yɛ Nazi Tutuamɔ Shishi) ni amɛkɛsaa amɛhe kɛha sanegbaa yɛ June 25 otsi lɛ Sɔɔmɔ Kpee lɛ mli.
15 min: “Yaa Nɔ ‘Ofee Ekpakpa.’” Ŋmalɛ naa wiemɔ ni woɔ mɔ hewalɛ ni onukpa ko kɛbaaha.
20 min: “Shɛ́ Onikaselɔ lɛ Tsui He.” Okɛ gbɛtsɔɔmɔi ni anyɛɔ atsuɔ he nii ni tsɔɔ bɔ ni aaafee aye abua mɛi heei koni amɛná hemɔkɛyeli kɛ suɔmɔ yɛ amɛtsuii amli kɛha Yehowa kɛ Yesu lɛ afata he. Okɛ saji otii ni yɔɔ July 15, 1999 Buu-Mɔɔ lɛ baafa 14 lɛ kuku 18-20 lɛ atsu nii.
Lala 184 kɛ naagbee sɔlemɔ.
Otsi ni Jeɔ Shishi June 18
Lala 194
7 min: Asafoŋ adafitswai. Shika he akɔntaabuu. Tĩi akrabatsa ni ji “Ghana Betel Mligbelemɔ Nɔyaa He Amaniɛbɔɔ” lɛ mli.
10 min: Mɛi ni kɛ Ekãa Tsiɔ Sanegbaa Naa lɛ ni Okɛ Amɛ Aaagba Sane. Toibolɔi ni akɛaagba sane. Tĩi “Emlitsɔɔmɔ” ni yɔɔ Reasoning wolo lɛ fã ko lɛ shishitsɔɔmɔ ni yɔɔ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafa 7-8 lɛ mli. Halamɔ shitee-kɛ-woi komɛi ni akɛkpeɔ yɛ nyɛshikpɔŋkuku lɛ mli lɛ kɛjɛ baafa 8-12 lɛ. Ha toibolɔi lɛ agba hetooi ni tsuɔ nii jogbaŋŋ kɛhaa amɛ lɛ kɛ nɔ hewɔ.
28 min: “2001 ‘Nyɔŋmɔ Wiemɔ lɛ Tsɔɔlɔi’ Yehowa Odasefoi a-Kpokpaa Wulu nɔ Kpee.” Woloŋmalɔ lɛ kɛ sanebimɔ kɛ hetoo baatsu sane ni aŋma ahɔ mli lɛ he nii. Maa bɔ ni ehe hiaa ni atsɔ hiɛ abi gbɛ yɛ nitsumɔ mli mra, bɔni afee ni aná be kɛya kpee lɛ fɛɛ, ní Sohaa fata he lɛ nɔ mi. Jiemɔ mɔ fɛɛ mɔ yi yɛ ekome ni amɛkɛ Asafo lɛ feɔ yɛ gbɛjianɔ ni eto lɛ mli lɛ hewɔ.
Lala 212 kɛ naagbee sɔlemɔ.
Otsi ni Jeɔ Shishi June 25
15 min: Asafoŋ adafitswai. Tĩi woji ni akɛbaaha yɛ July kɛ August mli lɛ mli. Maa woji bibii enyɔ ni nyɛyɔɔ eko yɛ nyɛ asafo lɛ mli lɛ mli saji otii anɔ mi. Ha afee nɔkwɛmɔnii ni asaa he jogbaŋŋ yɛ mli ni tsɔɔ bɔ ni aaafee akɛha yɛ sɔɔmɔ nitsumɔ lɛ mli. Bɔni afee ni oná shiɛmɔ wiemɔi ni akɛha lɛ, kwɛmɔ afi 1995 kɛyashi afi 1998 lɛ mli July kɛ August Wɔ Maŋtsɛyeli Sɔɔmɔ srɔtoi ni je kpo lɛ asɛɛgbɛ baafai lɛ.
30 min: “Midamɔ Shi Shiŋŋ! Midamɔ Shi Shiŋŋ! Midamɔ Shi Shiŋŋ!” Toibolɔi ni akɛaagba Stand Firm (Damɔ Shi Shiŋŋ) vidio lɛ he sane, yɛ be mli ni akɛ sanebimɔi ni yɔɔ kuku 2 lɛ tsuɔ nii lɛ. No sɛɛ lɛ asusu kukuji 3-4 lɛ he. Muu naa kɛ niiashikpamɔ ni yɔɔ November 22, 1999 Awake! lɛ baafa 31 lɛ. Wɔbaati vidio ni ji The New World Society in Action (Jeŋ Hee Asafo lɛ Miitsu Nii) lɛ mli yɛ August mli.
Lala 29 kɛ naagbee sɔlemɔ.
Otsi ni Jeɔ Shishi July 2
13 min: Asafoŋ adafitswai. Kaimɔ shiɛlɔi koni amɛkɛ June shiɛmɔyaa he akɔntaabui aha. Tĩi akrabatsa ni ji “Ani Obɛ Yearbook Komɛi yɛ Owojiatoohe Lɛ?” lɛ mli. Gbaa niiashikpamɔi kukuji komɛi ni jɛ Yearbook kɛha afii 1989, 1990, 1991, 1994, 1995, 1999, loo afi 2000 lɛ mli koni okɛtsɔɔ bɔ ni amɛmli saji lɛ ajara wa ha. Wó mɛi fɛɛ ni bɛ Yearbook srɔtoi nɛɛ eko yɛ amɛwojiatoohe lɛ hewalɛ koni amɛshɛ be mli ni eko yɔɔ lolo nɛɛ.
15 min: Oblahii kɛ Oblayei—Nyɛkɛ Nilee Atsua Nii yɛ Nyɛnitsumɔ Halamɔ Mli. Enɛ ji Sɔɔmɔ Kpee lɛ mli fãi etɛ lɛ mli klɛŋklɛŋ nɔ̃ ni baatĩ wolokasemɔ ni akɛ eko fataa he lɛ naa Ŋmalɛ mli shishitoo mlai amli. Kristofoi oblahii kɛ oblayei komɛi miitiu heloonaa nitsumɔi asɛɛ kɛtsɔ wolokasemɔ ni yaa hiɛ nɔ, ni enɛ miiná amɛmumɔŋ shidaamɔ nɔ hewalɛ yɛ gbɛ fɔŋ nɔ. Nɛkɛ fã nɛɛ ji sanegbaa ni baaya nɔ yɛ fɔlɔi enyɔ kɛ amɛbinuu loo biyoo ni yeko afii nyɔŋmai enyɔ teŋ. Oblanyo loo oblayoo lɛ eshɛ he ko ni ebiɔ ni efee yiŋkpɛɛ ni hiɛdɔɔ yɔɔ mli ni kɔɔ wɔsɛɛ be mli otii ni akɛmamɔɔ hiɛ lɛ ahe. Eyɛ mli akɛ ekolɛ mɛi komɛi baasumɔ ni amɛtiu shika gbɛfaŋ sɛɛnamɔi, hiɛnyam, loo ogbɔjɔ shihilɛi asɛɛ moŋ, shi weku lɛ pɛi Biblia lɛ mli amɛkwɛ nɔ ni ejieɔ yi. (Kwɛmɔ Young People Ask lɛ baafa 174-175; August 15, 1997 Buu-Mɔɔ lɛ baafa 21, kɛ September 1, 1999 nɔ̃ lɛ baafa 19-21, kukuji 1-3 kɛ 5-6.) Oblanyo loo oblayoo lɛ kpɛlɛ nɔ akɛ nilee yɛ mli akɛ aaatiu shihilɛ gbɛ ko ni baaye abua lɛ jogbaŋŋ ni eshɛ teokrase otii ahe koni eha Maŋtsɛyeli lɛ he nibii lɛ aya hiɛ.
17 min: “Ohiɛ Ahi Ohe Nɔ Kɛtao Mumuii yɛ Nyɛshikpɔŋkuku lɛ Mli.” Kɛji akɔntaabuu yɛ lɛ, tsɔɔmɔ mumuii ni anaa yɛ nyɛsafo lɛ shikpɔŋkuku lɛ mli lɛ ayibɔ. Gbaa niiashikpamɔ ni yɔɔ February afi 1998 Wɔ Maŋtsɛyeli Sɔɔmɔ lɛ baafa 3, kuku 7 lɛ mli lɛ.
Lala 32 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.