Sɔɔmɔ Kpee He Gbɛjianɔtoo
Otsi ni Jeɔ Shishi May 13
Lala 37
15 min: Asafoŋ adafitswai. Adafitswai ní ahala kɛjɛ Wɔ Maŋtsɛyeli Sɔɔmɔ lɛ mli. Okɛ ŋaawoi ní yɔɔ baafa 8 lɛ atsu nii ní oha afee nɔkwɛmɔnii enyɔ ní okɛtsɔɔ bɔ ni akɛ May 15 Buu-Mɔɔ kɛ May 22 Awake! lɛ baaha. Yɛ nɔkwɛmɔnɔ lɛ eko fɛɛ eko mli lɛ, tsɔɔmɔ gbɛ̀i srɔtoi ni abaanyɛ atsɔ nɔ atsu mɔ ni tsĩɔ sanegbaa naa akɛ, “I am busy” (Mibɛ dekã) lɛ he nii.—Kwɛmɔ Reasoning wolo lɛ baafa 19-20.
15 min: Asafoŋ hiamɔ nii loo niiashikpamɔi ni jɛ shiɛmɔ wiemɔi ni yɔɔ nɔ ni aŋma ahɔ January 2002 Wɔ Maŋtsɛyeli Sɔɔmɔ lɛ mli lɛ kɛ nitsumɔ mli.
15 min: Pɛpɛɛpɛ ni Wɔɔŋmɛ yɛ Anɔkwa ni Wɔyeɔ Nyɔŋmɔ kɛ Wɔhe Shi ni Wɔbaa Wɔhaa Wɔ Hefatalɔ lɛ Mli. Wiemɔ ni damɔ “Sanebimɔi ni Jɛ Kanelɔi Adɛŋ” ni yɔɔ December 15, 2001 Buu-Mɔɔ mli lɛ nɔ.
Lala 106 kɛ naagbee sɔlemɔ.
Otsi ni Jeɔ Shishi May 20
Lala 130
13 min: Asafoŋ adafitswai. Shika he akɔntaabuu. Tĩi Sanebimɔ He lɛ mli.
12 min: “Obaanyɛ Okpoo Mumɔŋ Tsui Hela ni Baa Trukaa Lɛ.” Wiemɔ ni damɔ sane ni aŋma yɛ December 1, 2001, Buu-Mɔɔ lɛ mli yɛ baafa 9-13 lɛ nɔ lɛ. Hiɛmɔ jwɛŋmɔ ni ja.
20 min: “Ghana Betel Mligbelemɔ Nɔyaa He Amaniɛbɔɔ.”* Wó hiɛsɔɔ ni ayɔɔ kɛha nitsumɔhe nine hee lɛ mligbelemɔ lɛ mli hewalɛ. Wó nyɛmimɛi lɛ hewalɛ koni amɛfi nitsumɔ lɛ sɛɛ bɔ ni amɛaanyɛ.
Lala 30 kɛ naagbee sɔlemɔ.
Otsi ni Jeɔ Shishi May 27
Lala 208
12 min: Asafoŋ adafitswai. Kaimɔ shiɛlɔi koni amɛkɛ amɛ shiɛmɔyaa he akɔntaabui kɛha May lɛ aha. Okɛ ŋaawoo ni yɔɔ baafa 8 lɛ atsu nii, ni oha shiɛlɔ ko ni eda afee bɔ ni akɛ June 1 Buu-Mɔɔ haa lɛ he nɔkwɛmɔnɔ, ni oha shiɛlɔ ni edako atsɔɔ bɔ ni akɛ June 8 Awake! lɛ haa lɛ he nɔkwɛmɔnɔ. Yɛ nɔkwɛmɔnɔ lɛ eko fɛɛ eko mli lɛ, wiemɔ bɔ ni abaanyɛ akɛ ŋmalɛ ko afata shiɛmɔ wiemɔ lɛ he yɛ gbɛ ni waaa nɔ lɛ he.
15 min: “Ani Nyɛ Asafo lɛ Yɛ Shikpɔŋkuku ni Da?” Wiemɔ kɛ toibolɔi ni akɛaagba sane ni shiɛmɔ nitsumɔ nɔkwɛlɔ lɛ baatsu he nii. (Asafoi ni yɔɔ shikpɔŋkuku bibioo lɛ baanyɛ asusu sane ni ji “Okɛ Obe Atsu Nii Jogbaŋŋ,” ni yɔɔ June 1999 Wɔ Maŋtsɛyeli Sɔɔmɔ lɛ mli lɛ he.) Wiemɔ shikpɔŋkukuji abɔ ni asafo lɛ yɔɔ kɛ nɔ ni anyɛ atsu mli nii yɛ nyɛsɛɛ afi ni ho mli lɛ he. Tsɔɔmɔ bɔ ni abaanyɛ akɛ ŋaawoi ni akɛha lɛ baatsu nii yɛ nyɛ asafo lɛ mli. Tĩi gbɛjianɔi ni ato koni akɛtsu shikpɔŋkuku ni afɔɔɔ mli nitsumɔ yɛ wɔsɛɛ be ni ebɛŋkɛ lɛ mli lɛ he nii lɛ mli.
18 min: “Ani Okɛ Taoɔ Wolo Bibioo lɛ Miitsu Nii Kɛmiije Nikasemɔi Ashishi?” (Esa akɛ mɛi fɛɛ kɛ nɔ ni aŋma ahɔ January 2002 Wɔ Maŋtsɛyeli Sɔɔmɔ lɛ mli lɛ aba kɛha sanegbaa nɛɛ.) Jee shishi kɛtsɔ ha ni oooha shiɛlɔ ko ni esaa ehe jogbaŋŋ lɛ afee bɔ ni aaafee aje nikasemɔ shishi lɛ he nɔkwɛmɔnɔ, ni ekɛ nɔkwɛmɔnɔ ni yɔɔ kuku 3 lɛ atsu nii lɛ nɔ. Yɛ no sɛɛ lɛ, tsĩi wolo bibioo lɛ mli saji otii titrii komɛi atã, ni otsɔɔ bɔ ni ato he gbɛjianɔ jogbaŋŋ kɛha nikasemɔi ashishijee lɛ mli. Tsɔɔmɔ sɛɛnamɔ ni yɔɔ shiɛmɔ wiemɔi ahe ŋaawoi ni akɛha yɛ nɔ ni aŋma ahɔ January 2002 lɛ mli lɛ mli. Bi toibolɔi lɛ ni amɛtsɔɔ ŋaawoi ni amɛye omanye yɛ mli. Muu naa kɛtsɔ nɔkwɛmɔnɔ ni yɔɔ ŋwɛigbɛ lɛ ni oooti mli lɛ nɔ.
Lala 93 kɛ naagbee sɔlemɔ.
Otsi ni Jeɔ Shishi June 3
Lala 178
15 min: Asafoŋ adafitswai. Ha shiɛlɔi agba jɔɔmɔi ni amɛna yɛ amɛhe ni amɛkɛwo gbɛgbalɔi awamɔ loo daa gbɛgbamɔ nitsumɔ lɛ mli yɛ March, April, loo May mli lɛ mli.
15 min: Bɔ ni Reasoning Wolo lɛ kɛ Biblia Shishitsɔɔmɔi Krokomɛi Tsuɔ Nii Ehaa. Wiemɔ kuku ni toibolɔi kɛ sanegbaa baanyiɛ sɛɛ. Kanemɔ Reasoning wolo lɛ baafa 8, kuku 2 lɛ, ni otsɔɔ nɔ hewɔ ni esa akɛ ama Biblia lɛ nɔ mi yɛ wɔshiɛmɔ nitsumɔ lɛ mli kɛ gbɛ ni abaatsɔ nɔ afee enɛ aha lɛ mli. Tsĩi Biblia gbɛi ni afolɔ lɛ kukuji ni ato naa yɛ baafa 6 lɛ tã, ni otsɔɔ nɔ hewɔ ni wɔkɛ shishitsɔɔmɔi krokomɛi tsuɔ nii lɛ. Gbaa kɔkɔbɔi ni atsĩ tã yɛ October 1, 1997, Buu-Mɔɔ, baafa 16, kuku 2, kɛ baafa 20, kuku 15 mli lɛ he sane. Okɛ saneyitsei ni ji “Apostolic Succession,” (Bɔfoi lɛ Asɛɛyeli), “Images,” (Amagai), kɛ “Trinity” (Triniti) ni yɔɔ Reasoning wolo lɛ mli lɛ atsu nii ni ofɔ̃ toibolɔi lɛ anine ni amɛtsɔɔ bɔ ni shishitsɔɔmɔi ni akɛaato he lɛ baanyɛ aye abua yɛ anɔkwale lɛ tsɔɔmɔ mli lɛ mli.
15 min: “Wɔ Hemɔkɛyeli Tsirɛɔ Wɔ ni Wɔtsuɔ Nitsumɔi Kpakpai.”* Kɛ́ oowie kuku 2 lɛ he lɛ, okɛ Odasefonyo ko ni yɔɔ ekãa lɛ agba sane kuku. Ha shiɛlɔ lɛ atsɔɔ bɔ ni odase ni eyeɔ mɛi krokomɛi lɛ tsɔɔ hemɔkɛyeli ni eyɔɔ, kɛ kanyamɔ ni ekanyaa ehemɔkɛyeli lɛ mli.
Lala 56 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.