Nɔ ni Esa akɛ Owie yɛ Woji Tɛtrɛbii lɛ Ahe

The Watchtower May 15

“Ani osusuɔ akɛ abaanyɛ ale Nyɔŋmɔ? [Ŋmɛɛ gbɛ ni eha hetoo.] Obaakpɛlɛ nɔ akɛ ewa waa akɛ wɔɔhe mɔ ko ni wɔleee lɛ tsɔ lɛ wɔye. Yɛ anɔkwale mli lɛ, Biblia lɛ woɔ wɔ hewalɛ koni wɔtao Nyɔŋmɔ sɛɛgbɛ. [Kanemɔ Bɔfoi lɛ Asaji 17:27.] Nɛkɛ woji nɛɛ tsɔɔ wɔ bɔ ni wɔɔfee ni wɔnyɛ wɔle Nyɔŋmɔ ojogbaŋŋ.”

Awake! May 22

“Je lɛŋ hiɛnyiɛlɔi lɛ eka susumɔi babaoo amɛkwɛ yɛ mɔdɛŋ ni amɛbɔɔ koni amɛtsu wɔnaagbai lɛ ahe nii lɛ mli. Atsɛɔ ŋaa gbɛ hee ko ni aná lɛ akɛ jeŋ fɛɛ tsabaa. Yɛ wolo tɛtrɛɛ nɛɛ mli lɛ, obaanyɛ okane nɔ ko yɛ bɔ ni nɛkɛ mɔdɛŋbɔɔ hee nɛɛ etsɔ hiɛ momo enáa oshihilɛ nɔ hewalɛ lɛ he sane. Obaanyɛ okane jeŋ fɛɛ tsabaa ni agba he sane afɔ̃ shi yɛ Biblia lɛ mli lɛ hu he sane.” Kɛkɛ lɛ, kanemɔ Mateo 6:9, 10.

The Watchtower June 1

“Nibii ni baa nyɛsɛɛ nɛɛ miiha mɛi babaoo miisusu nɔ hewɔ ni mɛi ni lé nɔ ni yaa nɔ lɛ he nɔ ko lɛ gboɔ kpatu gbele lɛ he. Ani osusu nɔ hewɔ ni gbɔmɛi gboɔ lɛ he? [Ŋmɛɛ gbɛ ni eha hetoo, ni no sɛɛ lɛ ogbele kɛya tao ni yɔɔ baafa 7 lɛ.] Ani obaasumɔ ni ole nɔ ni Biblia lɛ kɛɔ yɛ adesãi ni egbɛ eshwã nɛɛ ateŋ ekome he?” Kɛ́ eeehi lɛ, kanemɔ ŋmalɛ ni aŋmalako emli wiemɔi lɛ.

Awake! June 8

“Mɛi babaoo nuɔ he akɛ jamɔ kɛ jeŋ nilee kɛ amɛhe kpãaa gbee. Mɛi komɛi po nuɔ he akɛ mɔ ko ni yɔɔ jeŋ nilee lɛ nyɛŋ ahe Nyɔŋmɔ nɔ aye. Te onuɔ enɛ he ohaa tɛŋŋ? [Ŋmɛɛ gbɛ ni eha hetoo.] Awake! lɛ wieɔ sane nɛɛ he yɛ gbɛ ni haa mɔ náa nilee waa nɔ.”