Sɔɔmɔ Kpee He Gbɛjianɔtoo
Otsi ni Jeɔ Shishi August 11
Lala 101
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni yɔɔ baafa 8 lɛ atsu nii ni oha afee nɔkwɛmɔnii srɔtoi enyɔ ni tsɔɔ bɔ ni abaafee ni akɛ August 15 Buu-Mɔɔ lɛ kɛ August 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ aaawie he. Yɛ nifeemɔ lɛ ekome mli lɛ, ha afee gbɛ ni abaatsɔ nɔ atsu mɔ ni baanyɛ atsĩ sanegbaa naa akɛ “I’m busy” (Mibɛ dekã) lɛ he nii lɛ he nɔkwɛmɔnɔ.—Kwɛmɔ Reasoning wolo lɛ baafa 19.
15 min: “Kasemɔ Yehowa Ekpakpafeemɔ Lɛ.” Ha toibolɔi agba niiashikpamɔi kukuji ni tsɔɔ bɔ ni mlihilɛ nifeemɔi egbele gbɛ kɛha amɛ koni amɛye odase lɛ. Jiemɔ asafo lɛ yi yɛ mɔdɛŋ ni amɛbɔ koni amɛkɛye amɛbua nanemɛi heyelilɔi lɛ hewɔ.
20 min: “Gbɛgbamɔ Nitsumɔ lɛ Mli Jɔɔmɔi.” Okɛ sanebimɔi ni akɛha lɛ atsu nii. Ha gbɛgbalɔ kome loo mɛi enyɔ awie jɔɔmɔi ni amɛná kɛjɛ gbɛgbamɔ nitsumɔ lɛ mli lɛ he. Tsĩi tã otsɔɔ akɛ mɔ fɛɛ mɔ ni yɔɔ gbɛgbamɔ nitsumɔ lɛ he miishɛɛ lɛ nine baanyɛ ashɛ gbɛbimɔ wolo nɔ kɛjɛ woloŋmalɔ lɛ dɛŋ.
Lala 11 kɛ naagbee sɔlemɔ.
Otsi ni Jeɔ Shishi August 18
Lala 82
12 min: Asafoŋ adafitswai. Shika he akɔntaabuu. Susumɔ “Gbɛjianɔtoo Hee Kɛha Maŋtsɛyeli Asa Nɔ Wojiatoohei” lɛ he kuku. Tsɔɔmɔ mɔ ni baasɔmɔ akɛ Maŋtsɛyeli Asa nɔ Wojiatoohe nɔkwɛlɔ lɛ.
15 min: “Nitsumɔ ni Haa Mɔ Tsui Nyɔɔ Emli.” Too gbɛjianɔ kɛtsɔ hiɛ ni oha mɛi enyɔ loo etɛ asaa amɛhe koni amɛwie bɔ ni Kristofoi asɔɔmɔ nitsumɔ lɛ haa amɛtsui nyɔɔ amɛmli lɛ he.
18 min: “Nyɛhaa Wɔhiɛa Wɔjamɔhe lɛ Jogbaŋŋ.” (Kuku 1-5) Okɛ sanebimɔi ni akɛha lɛ atsu nii. Kɛ́ oosusu kuku 3 kɛ 4 lɛ he lɛ, tĩi gbɛjianɔ ni asafo lɛ eto kɛha Maŋtsɛyeli Asa lɛ saamɔ lɛ mli. Gbalamɔ jwɛŋmɔ kɛya saji fɛɛ ni ebiɔ ni asusu he jogbaŋŋ lɛ nɔ. Jiemɔ asafo lɛ yi yɛ mɔdɛŋ ni amɛbɔɔ koni amɛha anɔkwa jamɔhe lɛ he atse be fɛɛ be lɛ hewɔ.
Lala 114 kɛ naagbee sɔlemɔ.
Otsi ni Jeɔ Shishi August 25
Lala 175
10 min: Asafoŋ adafitswai. Okɛ gbɛtsɔɔmɔi ni yɔɔ baafa 8 lɛ atsu nii ni oha afee nɔkwɛmɔnii srɔtoi enyɔ ni tsɔɔ bɔ ni abaafee ni akɛ September 1 Buu-Mɔɔ lɛ kɛ September 8 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ aaawie he. Feemɔ fɔlɔ ko ni kɛ ebinuu loo ebiyoo fioo miifee nɔkwɛmɔnɔ kɛmiisaa amɛhe kɛha woji tɛtrɛbii kɛhamɔ lɛ he nɔkwɛmɔnɔ yɛ eko fɛɛ eko mli. Amɛsusu gbɛtsɔɔmɔi lɛ eko fɛɛ eko he kuku dani amɛfee he nɔkwɛmɔnɔ.
15 min: Asafoŋ hiamɔ nii.
20 min: Ná Ekãa ni Okɛshiɛ. (1 Tes. 2:2) Wiemɔ kɛ toibolɔi kɛ sanegbaa. Tsɔɔmɔ nɔ hewɔ ni mɛi pii shashaoɔ shi akɛ amɛaabɛŋkɛ mɛi krokomɛi ni amɛshiɛ Maŋtsɛyeli shɛɛ sane lɛ amɛha amɛ lɛ. Enɛ ji anɔkwale yɛ mɛi ni efee ekãa afii babaoo lɛ po agbɛfaŋ. Gbaa niiashikpamɔi komɛi ni yɔɔ December 1, afi 1999 Buu-Mɔɔ lɛ baafa 25; December 15, afi 1999 Buu-Mɔɔ lɛ baafa 25; kɛ April 1, afi 1996 Buu-Mɔɔ lɛ baafa 31 lɛ otsɔɔ. Ha toibolɔi atsɔɔ bɔ ni amɛnyɛ amɛná ekãa ni amɛshiɛ sanekpakpa lɛ amɛtsɔɔ yɛ shihilɛ ko ni amɛshe he gbeyei lɛ mli. Okɛ hewalɛwoo kɛha hewalɛ ni aaana kɛjɛ Yehowa ŋɔɔ, ni damɔ December 15, afi 1999 Buu-Mɔɔ lɛ baafa 23-24 lɛ nɔ lɛ aha, ni okɛmu naa.
Lala 125 kɛ naagbee sɔlemɔ.
Otsi ni Jeɔ Shishi September 1
Lala 84
10 min: Asafoŋ adafitswai. Kaimɔ shiɛlɔi koni amɛkɛ amɛshiɛmɔyaa he akɔntaabui kɛha August aha. Tsɔɔmɔ woji ni akɛbaaha yɛ September. Too gbɛjianɔ kɛtsɔ hiɛ ni oha mɔ kome aloo mɛi enyɔ asaa amɛhe koni amɛgba niiashikpamɔi ni woɔ mɔ ekãa ni amɛná beni amɛyeɔ trukaa odase yɛ kpee ko shishi, beni amɛba hejɔɔmɔ, loo yɛ shihilɛi krokomɛi amli yɛ nyɔji ni ho lɛ amli lɛ amɛtsɔɔ.
15 min: Ani Oyeɔ Oshiwoo akɛ Obaaku Osɛɛ Ekoŋŋ lɛ Nɔ? Wiemɔ kɛ toibolɔi kɛ sanegbaa ni damɔ September 15, afi 1999 Buu-Mɔɔ lɛ baafa 10-11 lɛ nɔ, yɛ yitso ni ji “Gbɛ̀i Krokomɛi ní Wɔɔtsɔ Nɔ Wɔye Wɔshiwoi Anɔ” lɛ shishi. Kɛ́ wɔnine shɛ mɛi ni amɛjie miishɛɛ kpo yɛ wɔshiɛmɔ nitsumɔ lɛ mli lɛ anɔ lɛ, bei babaoo lɛ wɔtoɔ gbɛjianɔ koni wɔyatsá sanegbaa lɛ nɔ be kroko. Ani wɔjɛɔ anɔkwayeli mli wɔkuɔ wɔsɛɛ taakɛ wɔwo shi lɛ? Tĩi Biblia mli shishitoo mla ni esa akɛ ekanya wɔ koni wɔye wɔ shiwoi anɔ lɛ mli. Fɔ̃ɔ nine otsɛ toibolɔi ni amɛgba niiashikpamɔi ni tsɔɔ bɔ ni amɛsɛɛ ni amɛku yɛ be naa lɛ bafee jɔɔmɔ kɛha amɛ lɛ amɛtsɔɔ.
20 min: “Nyɛhaa Wɔhiɛa Wɔjamɔhe lɛ Jogbaŋŋ.” (Kuku 6-12) Okɛ sanebimɔi ni akɛha lɛ atsu nii. Maa hiamɔ ni yɔɔ Maŋtsɛyeli Asa lɛ ni aaakwra lɛ jogbaŋŋ lɛ he lɛ nɔ mi, ni otĩ akrabatsa ni yɔɔ baafa 5 lɛ mli. Okɛ amaniɛbɔɔ kuku ni kɔɔ bɔ ni nyɛ Maŋtsɛyeli Asa lɛ yɔɔ ha lɛ he lɛ afata he, ni otsɔɔ gbɛjianɔi ni ato kɛha esaamɔ loo kɛha hiɛyaai krokomɛi lɛ.
Lala 41 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.