Sɔɔmɔ Kpee He Gbɛjianɔtoo
Otsi ni Jeɔ Shishi December 13
Lala 47
Min. 10: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó mɔ fɛɛ mɔ hewalɛ koni ekwɛ No Blood—Medicine Meets the Challenge vidio lɛ, ni ekɛsaa ehe kɛha emli sanegbaa ni baaya nɔ wɔsɛɛ otsi lɛ. Tsĩi shiɛmɔ he gbɛjianɔ krɛdɛɛ ni ato kɛha December 25 kɛ January 1 lɛ tã. Ha afee nɔkwɛmɔnii ni tsɔɔ bɔ ni abaafee akɛ December 1 Buu-Mɔɔ kɛ December 8 Awake! lɛ aha.
Min. 15: “Oyelikɛbuamɔ He Miihia.” Okɛ onukpa ko agba sane kuku. Ha etsɔɔ nɔ ni wo lɛ hewalɛ koni eha ehe asa kɛha sɔɔmɔ yɛ asafo lɛ mli, kɛ nɔ ni ye ebua lɛ ni eshɛ taomɔ nii lɛ ahe.
Min. 20: “Te Esa akɛ Wɔye Wekumɛi Odase Wɔha Tɛŋŋ?” Okɛ sanebimɔi ni akɛha lɛ atsu nii. Ha toibolɔi lɛ agba bɔ ni amɛnyɛ amɛtee amɛwekui amɛmiishɛɛ shi ni amɛye amɛ odase lɛ he sane kuku.
Lala 17 kɛ naagbee sɔlemɔ.
Otsi ni Jeɔ Shishi December 20
Lala 68
Min. 5: Asafoŋ adafitswai.
Min. 15: “Bɔ ni Teokrase Sɔɔmɔ Skul lɛ He Baa Sɛɛnamɔ Kɛhaa Wɔ.” Wiemɔ ni skul nɔkwɛlɔ lɛ baaha. Okɛ wiemɔi ni yɔɔ nɔ ni aŋma ahɔ October 2004 Wɔ Maŋtsɛyeli Sɔɔmɔ lɛ mli lɛ afata he. Tsɔ hiɛ oto gbɛjianɔ koni mɔ kome loo mɛi enyɔ agba bɔ ni amɛnáa skul lɛ he sɛɛ lɛ he sane amɛtsɔɔ.
Min. 25: “Ná No Blood—Medicine Meets the Challenge Vidio lɛ He Sɛɛ.” Toibolɔi ni akɛaagba sane ni damɔ No Blood vidio lɛ nɔ, okɛ sanebimɔi ni yɔɔ baafa 6 lɛ atsu nii. No sɛɛ lɛ kanemɔ naagbee kuku lɛ. Wó mɛi fɛɛ hewalɛ koni amɛba nikasemɔ wɔsɛɛ otsi kɛha gbɛjianɔtoo hee ni baaye abua wɔ koni wɔtsi wɔhe kɛjɛ lá he lɛ.
Lala 50 kɛ naagbee sɔlemɔ.
Otsi ni Jeɔ Shishi December 27
Lala 36
Min. 10: Asafoŋ adafitswai. Shika he akɔntaabuu. Kaimɔ shiɛlɔi koni amɛkɛ shiɛmɔyaa he akɔntaabui kɛha December lɛ aha. Wiemɔ August Sɔɔmɔ Akɔntaabuu lɛ he kuku. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnii ni tsɔɔ bɔ ni abaafee akɛ December 15 Buu-Mɔɔ kɛ December 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Yɛ nɔkwɛmɔnii lɛ eko fɛɛ eko mli lɛ, ha atsɔɔ gbɛ kroko ni abaanyɛ atsɔ nɔ ashiɛ aha mɔ ni tsĩɔ sanegbaa naa ni kɛɔ akɛ “I am already acquainted with your work” (Ashiɛ aha mi aahu) lɛ.—Kwɛmɔ Reasoning wolo lɛ baafa 20.
Min. 25: Nyɔŋmɔ Famɔ akɛ Ahi Lá lɛ Toi ni Aaabo. Wiemɔ ni onukpa ko baadamɔ wolo ni nitsumɔhe nine lɛ kɛha lɛ nɔ eha. Tsii tã yɛ shishijee mli akɛ esaaa akɛ aŋmalaa DPA woji lɛ anɔ nii gbɛkɛ nɛɛ. Kɛ́ wielɔ lɛ miikane wolo lɛ, ebaanyɛ ekɛ wiemɔi kukuji afata he ni ekɛmamɔ saji otii anɔ mi, shi esaaa akɛ ekɛ nɔkwɛmɔnii loo ŋmalɛi krokomɛi fataa he. Ebaanyɛ ekane ŋmalɛi ni aŋmalako amɛ mli wiemɔi lɛ, loo ewie amɛmli wiemɔi lɛ ahe bɔ ni be baaŋmɛ gbɛ. Gbalamɔ jwɛŋmɔ kɛya wiemɔi ni yɔɔ akrabatsa ni hiɛ yitso akɛ “Gbɛjianɔtoo Hee ni Baaye Abua Wɔ Koni Wɔhi Lá” lɛ nɔ yɛ hei ni sa. Esa akɛ woloŋmalɔ lɛ aha shiɛlɔi fɛɛ ni abaptisi amɛ lɛ DPA wolo kɛ “Gbɛtsɔɔmɔi ni Akɛŋmalaa DPA Wolo lɛ Nɔ Nii” lɛ eko, bɔni afee ni amɛnyiɛ sɛɛ be ni nikasemɔ lɛ yaa nɔ lɛ. Esa akɛ woloŋmalɔ lɛ akwɛ akɛ ayɛ Identity Cards falɛ bɔ ni sa.
Min. 10: Gbɛfaŋnɔ ni Ohenilee Tsuɔ. Wiemɔ ni onukpa ko baaha ni damɔ June 15, 2004, Buu-Mɔɔ lɛ baafa 23-24, kuku 16-19 lɛ nɔ. Maa nɔ mi akɛ yiŋ ni ehe bahiaa ni wɔdamɔ henilee nɔ wɔkpɛ lɛ yɛ hiɛdɔɔ, ejaakɛ ekɔɔ wɔkɛ Yehowa teŋ wekukpaa lɛ he.
Lala 8 kɛ naagbee sɔlemɔ.
Otsi ni Jeɔ Shishi January 3
Lala 27
Min. 5: Asafoŋ adafitswai. Tsɔɔmɔ wolo ni akɛbaaha yɛ January.
Min. 15: “Ní Wɔɔfee Biblia Mli Nikasemɔi ni Yaa Hiɛ—Fã 4.” Kɛ́ odamɔ kuku 1 lɛ nɔ okɛ nɔ ni faaa fe miniti kome kpa wiemɔ lɛ hiɛ sɛɛ lɛ, ha adamɔ kuku 2-3 lɛ nɔ akɛ minitii enumɔ afee nɔkwɛmɔ ko ni kɔɔ Biblia nikasemɔ nɔkwɛlɔ ko ni miitsɔɔ enikaselɔ lɛ bɔ ni asaa he kɛha nikasemɔ lɛ he. Okɛ kuku ko ni yɔɔ Nilee wolo lɛ mli loo Taoɔ wolo bibioo lɛ mli lɛ afee nɔkwɛmɔnɔ lɛ. Okɛ sanebimɔ kɛ hetoo atsa nɔ kɛjɛ kuku 2-5 lɛ, ni omamɔ nɔkwɛmɔnɔ lɛ mli saji otii lɛ anɔ mi.
Min. 25: “Kasemɔ Nikanemɔ kɛ Niŋmaa.” Onukpa ko ni sa baatsu he nii. Wo mɛi hewalɛ ni okɛ jwɛŋmɔ kpakpa awie. Ha asafo lɛ ale gbɛjianɔ hee ni ato kɛha nikanemɔ kɛ niŋmaa yɛ asafoi lɛ amli lɛ. Tsii nitsɔɔmɔ wolo hee lɛ mli nibii lɛ ekomɛi atã, ni owo mɛi ni miitao eko lɛ hewalɛ koni amɛshɛ eko kɛ́ akpa kpee lɛ nɔŋŋ.
Lala 79 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.