Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ

“Kɛ́ wiemɔ ni ji ‘Harmagedon’ lɛ gbɛɛ yɛ mɛi atoiaŋ lɛ, nɔ ni baa mɛi babaoo ajwɛŋmɔ mli ji hiɛkpatamɔ kpele ko ni yɔɔ gbeyei. [Okɛ akrabatsa ni yɔɔ baafa 3 lɛ atsɔɔ lɛ.] Kɛ́ mɔ ko kɛɛ bo akɛ Harmagedon ji nibii ni he baaba sɛɛnamɔ eha wɔ fe fɛɛ lɛ ateŋ ekome lɛ, ani ohiɛ baafee bo yaa? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ nɔ hewɔ ni akɛɔ nakai lɛ mli.” Kanemɔ 2 Petro 3:13.

Awake! Dec. 8

“Miisumɔ ni magba bo be ko ni mɔ fɛɛ mɔ baaná he ko kpakpa ehi lɛ he sane. Ani onaaa akɛ eji mɔbɔ sane akɛ mɛi babaoo bɛ he ko ni amɛwɔɔ? [Ŋmɛɛ gbɛ ni eha hetoo. No sɛɛ lɛ kanemɔ Yesaia 65:21, 22.] Wolo tɛtrɛɛ nɛɛ tsɔɔ nɔ hewɔ ni anáaa he ko awɔ lɛ mli. Egbálaa bɔ ni Nyɔŋmɔ baaha shiwoo ni wɔkane nɛɛ aba mli lɛ hu mli.”

Buu-Mɔɔ Dec. 15

“Bɔ ni Blonya kɛ afi hee gbijurɔyeli lɛ ebatsɔ nifeemɔ ni akɛyeɔ jara lɛ haoɔ mɛi babaoo. Ani osusuɔ akɛ yiŋtoo hewɔ ní ayeɔ gbii juji nɛɛ lɛ etsake? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ bɔ ni gbijurɔyeli kusumii etsake yɛ be ni eho lɛ mli lɛ mli. Egbálaa gbɛ ni wɔbaanyɛ wɔtsɔ nɔ wɔkɛ woo diɛntsɛ aha Nyɔŋmɔ kɛ Kristo lɛ hu mli.” Kanemɔ Yohane 17:3.

Awake! Dec. 22

“Aaafee afii 85 ni eho nɛ lɛ, tsɛŋemɔ hela ko gbe gbɔmɛi, ni mɛi ni egbe yɛ otsii 24 mli lɛ fa fe mɛi ni AIDS egbe yɛ afii 24 mli lɛ. Mɛi komɛi tsɛɔ lɛ akɛ tsɛŋemɔ hela ni ehiii fe fɛɛ yɛ yinɔsane mli. Ani ole nɔ ni ji Spanish flu lɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ kɛji akɛ nɔ ko ni tamɔ nɛkɛ baaba ekoŋŋ. Etsɔɔ yiŋtoo hewɔ hu ni esa akɛ aná hiɛnɔkamɔ lɛ mli.” Kanemɔ Yesaia 33:24.