Sɔɔmɔ Kpee He Gbɛjianɔtoo

Otsi ni Jeɔ Shishi May 8

Lala 2

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ May 1 Buu-Mɔɔ aha, kɛ gbɛ ni abaatsɔ nɔ akɛ May Awake! lɛ he klɛŋklɛŋ shiɛmɔ wiemɔ lɛ atsu nii. Yɛ nɔkwɛmɔnii lɛ ekome mli lɛ, ha shiɛlɔ lɛ kɛ May 1 kɛ April 15 Buu-Mɔɔ kɛ May Awake! lɛ aha mɔ ni eyahaa lɛ woji tɛtrɛbii lɛ daa ní nine shɛko April 15 Buu-Mɔɔ lɛ nɔ lɛ. Kɛ akɛ woji tɛtrɛbii etɛ lɛ miiha lɛ, esa akɛ awie ekome pɛ he. Shiɛlɔi baanyɛ aya mɛi ni amɛyahaa amɛ woji tɛtrɛbii lɛ daa lɛ aŋɔɔ shikome loo shii enyɔ yɛ nyɔŋ kome mli.

Min. 20: “‘Nyɛnyiɛa Misɛɛ Daa.’”a Okɛ shiɛlɔ ko ni feɔ nɔkwɛmɔnɔ kpakpa ni bɔɔ mɔdɛŋ ni eha eshihilɛ afee mlɛo, ni haaa nibii ni etiuɔ sɛɛ lɛ afá bɔni afee ni efee babaoo koni ekɛha Maŋtsɛyeli lɛ he nibii lɛ aya hiɛ ní esɔmɔ mɛi krokomɛi lɛ agba sane kuku. Ha etsɔɔ jɔɔmɔi ni enine shɛɔ nɔ yɛ nakai ni efeɔ lɛ hewɔ.

Min. 15: “Fó Mɛi Krokomɛi Anɔ̃ Mli—Kɛtsɔ Mlijɔlɛ Kpojiemɔ Nɔ.”b Too gbɛjianɔ kɛtsɔ hiɛ koni shiɛlɔ kome loo mɛi enyɔ agba bɔ ni amɛná mlijɔlɛ kpo ni amɛjieɔ yɛ shiɛmɔ nitsumɔ lɛ mli lɛ he sɛɛ amɛha lɛ amɛtsɔɔ. Wó mɛi fɛɛ hewalɛ ni amɛkase Yehowa, ni ji wɔ-Nyɔŋmɔ ni mli jɔ lɛ yɛ shiɛmɔ nitsumɔ lɛ mli.

Lala 86 kɛ naagbee sɔlemɔ.

Otsi ni Jeɔ Shishi May 15

Lala 9

Min. 5: Asafoŋ adafitswai. Wó mɔ fɛɛ mɔ hewalɛ koni ekwɛ vidio ni ji Noah—He Walked With God (Noa—Ekɛ Nyɔŋmɔ Nyiɛ) lɛ, ni ekɛsaa ehe kɛha Sɔɔmɔ Kpee ni abaafee yɛ May 29 otsi lɛ mli lɛ.

Min. 13: Asafoŋ niiashikpamɔi. Ha toibolɔi atsɔɔ jɔɔmɔi ni amɛná be mli ni amɛkɛ amɛhe wo shiɛmɔ nitsumɔ lɛ mli waa yɛ March kɛ April mli lɛ. Esa akɛ amɛtsɔɔ yibiiwoi ni amɛná be mli ni amɛjeɔ Biblia mli nikasemɔi ashishi kɛ beni amɛkɛ yelikɛbuamɔ haa mɛi heei lɛ koni amɛba Kaimɔ lɛ. Kɛ be yɛ lɛ, ha toibolɔi lɛ atsɔɔ yibiiwoi kpakpai ni amɛná beni amɛkɛ woji ni ji Tsɔɔlɔ loo Biblia lɛ Tsɔɔ lɛ tsu nii yɛ shiɛmɔ mli loo beni amɛkɛtsu nii yɛ amɛ diɛŋtsɛ amɛweku lɛ mli lɛ.

Min. 27: “Fɔmɔ kɛ Abifao Gbɛiwoo Nifeemɔi.”c Esa akɛ onukpa ni he esa atsu he nii. Nifeemɔ nɛɛ damɔ January 1, 2005 Buu-Mɔɔ lɛ mli sane ni yitso ji: “Kwɛmɔ Jogbaŋŋ yɛ Kusumii ni Esaaa Nyɔŋmɔ Hiɛ lɛ Ahe” lɛ nɔ. Esa akɛ wielɔ lɛ asaa ehe jogbaŋŋ ni enu shishitoo mlai ni yɔɔ mli lɛ ashishi jogbaŋŋ. Ha akane kukuji lɛ fɛɛ amli ni okɛ sanebimɔi ni akɛha lɛ atsu nii koni okɛha emli saji otii lɛ afee faŋŋ. No sɛɛ lɛ, wo mɛi fɛɛ hewalɛ koni amɛ diɛŋtsɛ amɛkane nakai Buu-Mɔɔ lɛ mli sane ni atsɛ́ yisɛɛ lɛ.

Lala 106 kɛ naagbee sɔlemɔ.

Otsi ni Jeɔ Shishi May 22

Lala 91

Min. 12: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni atsɔɔ akɛ nine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni hi ha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ May 15 Buu-Mɔɔ lɛ aha, kɛ gbɛ ni abaatsɔ nɔ akɛ May Awake! lɛ he shiɛmɔ wiemɔ ni ji enyɔ lɛ atsu nii. Yɛ nɔkwɛmɔnii lɛ amli lɛ, ha afee weku ko ni miikase bɔ ni amɛkɛ shiɛmɔ wiemɔi lɛ baatsu nii aha lɛ he nɔkwɛmɔnɔ.

Min. 15: Asafoŋ hiamɔ nii.

Min. 18: Gbɔmɔtsoŋ Hesaamɔ Kpakpa. Toibolɔi kɛ sanegbaa ni damɔ Sɔɔmɔ Skul wolo lɛ baafa 131-133 lɛ nɔ. Tsɔɔmɔ shishitoo mlai srɔtoi enumɔ ni ato naa ni kɔɔ wɔtadewoo kɛ hesaamɔ he lɛ. Tsĩi tã otsɔɔ akɛ wɔbaanyɛ wɔtsɔ ŋaa gbɛ nɔ wɔkɛ nɔ ni aŋma nɛɛ atsu nii ni wɔkɛye wɔbua Biblia mli nikaselɔi koni amɛle bɔ ni esa akɛ amɛsaa amɛhe jogbaŋŋ kɛba asafoŋ kpeei.

Lala 215 kɛ naagbee sɔlemɔ.

Otsi ni Jeɔ Shishi May 29

Lala 42

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha May lɛ aha.

Min. 10: Ní Wɔkɛ Ekomefeemɔ Aaatsu Nii yɛ Kristo Hiɛnyiɛmɔ Shishi. Wiemɔ ni damɔ saneyitso bibioo ni ji “Nɔ ni Gbɛfaŋnɔ ni Etsuɔ He Nii lɛ ni Wɔɔkpɛlɛ nɔ lɛ Tsɔɔ” lɛ mli sane ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii lɛ baafa 13-15 lɛ nɔ.

Min. 25: “Nɔkwɛmɔnɔ Kɛha Gbekɛbii kɛ Onukpai Fɛɛ.” Kɛ okɛ nɔ ni shɛɛɛ miniti kome kpa hiɛ ogbe naa lɛ, okɛ sanebimɔi ni ato naa yɛ kuku ni ji enyɔ lɛ mli lɛ fɛɛ atsu nii koni okɛ toibolɔi abɔi Noah vidio lɛ mli sanebimɔi lɛ ahe sanegbaa amrɔ nɔŋŋ. Kɛ mɛi komɛi ekwɛ nɔ ni yɔɔ DVD nɔ̃ lɛ nɔ lɛ, no lɛ bi wekui ni tamɔ nɛkɛ lɛ koni amɛgba bɔ ni amɛná “Learning Activities” (Nifeemɔi ni Akɛkaseɔ Nii) ni akɛha yɛ DVD nɔ̃ lɛ nɔ, ní amɛkɛ amɛhe wo mli lɛ he sɛɛ amɛtsɔɔ. No sɛɛ lɛ, nyɛsusua sanebimɔ kɛ ŋmalɛi ni yɔɔ kuku ni ji etɛ lɛ mli lɛ he.

Lala 9 kɛ naagbee sɔlemɔ.

Otsi ni Jeɔ Shishi June 5

Lala 176

Min. 5: Asafoŋ adafitswai.

Min. 20: Susumɔ Yehowa Nitsumɔi lɛ Ahe. (Lala 77:13) Wiemɔ kɛ toibolɔi ni akɛaagba 2006 Yearbook lɛ he sane. Wiemɔ saji otii ni woɔ mɔ hewalɛ ni yɔɔ wolo ni jɛ Nɔyeli Kuu lɛ dɛŋ lɛ mli lɛ he. (bf. 3-5) Nyɛsusua saneyitso bibioo ni ji “Bible Translation” lɛ mli sane lɛ he. (bf. 10-11) Ofainɛ kadimɔ akɛ, abaanyɛ ana baafai ni atsĩ tã kɛtsɔ hiɛ lɛ yɛ nɔ ni aŋma ahɔ mli lɛ baafa 3-5 lɛ hu mli. Wiemɔ saji otii kɛ niiashikpamɔi ni tee nɔ yɛ nyɛsɛɛ afi lɛ mli ni yɔɔ 2006 Yearbook lɛ mli lɛ ekomɛi ahe. (bf. 6-64) Ha toibolɔi lɛ awie saji otii ni amɛná he miishɛɛ yɛ 2006 Yearbook lɛ kanemɔ mli lɛ he sane. Wó mɛi fɛɛ hewalɛ koni amɛkɛ 2006 Yearbook lɛ atsu nii kɛye abua Biblia mli nikaselɔi lɛ koni amɛná hiɛsɔɔ amɛha Yehowa asafo lɛ.

Min. 20: Bɔ ni Aaafee Aye Omanye yɛ Sɛɛsaramɔi Amli. Toibolɔi ni akɛaagba sane ni damɔ November 15, 2003 Buu-Mɔɔ lɛ akrabatsa ni yɔɔ baafa 16 lɛ nɔ. Wiemɔ gbɛtsɔɔmɔi kpawo lɛ eko fɛɛ eko he, ni oha toibolɔi lɛ atsɔɔ bɔ ni amɛbaanyɛ amɛkɛ enɛɛmɛi atsu nii yɛ shikpɔŋkuku lɛ mli. Wó shiɛlɔi ahewalɛ ni amɛkɛfee oti ni ma amɛhiɛ akɛ amɛbaatsɔ sɛɛkuu-kɛsaramɔi afeemɔ nɔ amɛkɛ mɛi fɛɛ ni heɔ woji loo amɛjieɔ miishɛɛ kpo yɛ wiemɔ lɛ he lɛ aje Biblia mli nikasemɔi ashishi. Ha akɛ gbɛtsɔɔmɔi ni yɔɔ January 2006 Wɔ Maŋtsɛyeli Sɔɔmɔ lɛ baafa 6 lɛ atsu nii kɛfee nɔkwɛmɔnɔ ni tsɔɔ gbɛ nɔ ni aaatsɔ aha mɔ ko ale ákɛ akɛ lɛ baafee Biblia mli nikasemɔ be mli ni afeɔ sɛɛkuu-kɛsaramɔ lɛ.

Lala 57 kɛ naagbee sɔlemɔ.

[Shishigbɛ niŋmai]