Adafitswai

◼ May kɛ June: Nyɛkɛ Buu-Mɔɔ kɛ Awake! woji tɛtrɛbii srɔtoi lɛ ahaa. Nyɛkɛ Mɛni Biblia lɛ Tsɔɔ Diɛŋtsɛ? lɛ ahaa yɛ sɛɛkuu-kɛsaramɔi amli. July kɛ August: Nyɛkɛ woji bibii fɛɛ ni sa ni nyɛyɔɔ eko ni hiɛ baafai 32 lɛ ahaa.

◼ Akɛni otsii anaagbee enumɔ yɔɔ July mli hewɔ lɛ, ebaafee nyɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika he akɔntaabuu mli yɛ June 1 loo yɛ no sɛɛ nɔŋŋ. Kɛ shika kroko yɛ ni Maŋtsɛyeli Asa nitsumɔ ajinafoi akuu lɛ kwɛɔ nɔ loo shika kroko yɛ kɛha tsumaa lɛ, no lɛ esa akɛ ato gbɛjianɔ koni akwɛ shika nɛɛ hu mli. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.

◼ Aakai Maŋtsɛyeli Asa Nitsumɔ ajinafoi akui koni amɛsaa nibii fɛɛ ni efite yɛ Maŋtsɛyeli Asa lɛ he lɛ yɛ nɛkɛ be nɛɛ mli. Esa akɛ amɛkwɛ CN-14 wolo ni amɛkɛto woji amli lɛ mli koni amɛkwɛ nibii ni eshwɛ ni esa akɛ amɛsaa yɛ Maŋtsɛyeli Asa lɛ he lɛ. Esa akɛ onukpai asɛinɔtalɔi lɛ akwɛ koni atsu enɛ he nii amrɔ nɔŋŋ.

◼ Daa nyɔŋ nɔ kɛji aakane shika he akɔntaabuu lɛ, nyɛfainɛ nyɛhaa asafo lɛ alea shika falɛ ni nyɛkɛmaje kɛha jeŋ muu fɛɛ nitsumɔ lɛ, Maŋtsɛyeli Asa Tsumaa fotro lɛ, kɛ ekrokomɛi lɛ. No sɛɛ lɛ nyɛkɛ miishɛɛ ajiea nyɛmimɛi lɛ ayi, yɛ amɛtsui mli ni amɛjɛ amɛtsu onia kɛfi Maŋtsɛyeli nitsumɔ lɛ sɛɛ lɛ hewɔ.

◼ Esa akɛ woloŋmalɔ lɛ akwɛ ni aŋmala Literature Request Form (S-14) lɛ nɔ nii bɔ ni ja jogbaŋŋ dani akɛmaje nitsumɔhe nine lɛ. Kɛfata nibii krokomɛi ahe lɛ, esa akɛ ekwɛ ni aŋmala asafo lɛ gbɛi kɛ nɔmba jogbaŋŋ. Enɛ haŋ S-14 wolo lɛ he nitsumɔ akpe sɛɛ.