Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ May 1

“Mɛi akpekpei abɔ ni yɔɔ jeŋ fɛɛ lɛ naa nɔ̃ waa yɛ ohia ni amɛyeɔ lɛ hewɔ. Mɛni osusuɔ akɛ abaanyɛ afee ni akɛye abua amɛ? [Ŋmɛɛ gbɛ ni eha hetoo. No sɛɛ lɛ kanemɔ 1 Petro 2:21.] Wolo tɛtrɛɛ nɛɛ tsɔɔ bɔ ni wɔɔfee wɔkase Yesu nɔkwɛmɔnɔ lɛ yɛ mɔ hesusumɔ kpo ni aaajie atsɔɔ ohiafoi lɛ mli.”

Awake! May

“Ani osusu nɔ hewɔ ni wɔgbɔlɔɔ lɛ he pɛŋ? [Ŋmɛɛ gbɛ ni eha hetoo.] Sanemlitsɔɔmɔ ni Biblia lɛ kɛhaa yɛ nɔ hewɔ ni wɔgbɔlɔɔ lɛ he lɛ tsɔɔ bɔ ni Nyɔŋmɔ eto gbɛjianɔ koni wɔnyɛ wɔhi wala mli daa. [Kanemɔ Yesaia 25:8.] Awake! nɛɛ tsɔɔ susumɔi komɛi ni ahiɛ amrɔ nɛɛ yɛ bɔ ni feɔ ni mɔ gbɔɔ lɛ he.”

Buu-Mɔɔ May 15

“Ani osusuɔ akɛ obaaná miishɛɛ kɛ́ ohi shihilɛi ni atsɔɔ yɛ ŋmalɛ kuku ni ajɛ mumɔ mli aŋma nɛɛ mli lɛ mli? [Kanemɔ 2 Petro 3:13. No sɛɛ lɛ, ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ nɔ ni ŋwɛi hee lɛ kɛ shikpɔŋ hee lɛ ji lɛ mli. Etsɔɔ bɔ ni shihilɛ baafee srɔto eha kɛ́ Nyɔŋmɔ ha yiŋtoo ni eyɔɔ kɛha shikpɔŋ lɛ ba mli lɛ hu mli.”

Awake! May

“Mɛi komɛi heɔ amɛyeɔ akɛ kɛji obaaye omanye yɛ je lɛŋ ŋmɛnɛ lɛ, no lɛ esa akɛ ofee mɔ ni hiɛ yɔɔ laŋlaŋ. Nɔ ni tamɔɔɔ nakai lɛ, kwɛmɔ nɔ ni Yesu kɛɛ akɛ esa akɛ afee. [Kanemɔ Mateo 5:5, 9.] Ani okɛ enɛ kpãa gbee? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ sɛɛnamɔi etɛ ni jɛɔ shi ni ahiɔ akɛ mɔ ni he jɔ lɛ mli kɛbaa.” Wiemɔ sane ni jeɔ shishi yɛ baafa 28 lɛ he.