Sɔɔmɔ Kpee He Gbɛjianɔtoo

Otsi ni Jeɔ Shishi March 10

Lala 131

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ March 1 Buu-Mɔɔ lɛ kɛ March Awake! lɛ kɛ Kaimɔ lɛ he ninefɔ̃ɔ wolo lɛ aha.

Min. 20: Mɛni Hewɔ Esa Akɛ Wɔkpe Kutuu? Wiemɔ kɛ toibolɔi ni akɛaagba sane ni damɔ May 15, 2007, Buu-Mɔɔ lɛ baafa 11-13 lɛ nɔ. Ha toibolɔi atsɔɔ bɔ ni amɛná asafoŋ kpeei ni amɛbaa lɛ he sɛɛ amɛha, kɛ gbɛ nɔ ni amɛtsɔ amɛye gbɛtsiinii komɛi anɔ ni no eha amɛnyɛɔ amɛbaa kpeei daa lɛ.

Min. 15: “Wɔ Fɛɛ Wɔyɛ Nɔ ko ní Wɔbaanyɛ Wɔkɛha Yehowa.”a Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.

Lala 8

Otsi ni Jeɔ Shishi March 17

Lala 144

Min. 8: Asafoŋ adafitswai. Kaimɔ toibolɔi ni amɛkɛ April 1 Buu-Mɔɔ lɛ kɛ April Awake! lɛ aba Sɔɔmɔ Kpee kɛha otsi ni nyiɛ sɛɛ lɛ shishi, ni amɛkɛ woji tɛtrɛbii nɛɛ ahe shiɛmɔ wiemɔi ni hi kɛha nyɛsafo lɛ shikpɔŋkuku lɛ asaa amɛhe kɛha ehe susumɔ. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 17: Sanebimɔ He ni yɔɔ baafa 6 lɛ. Onukpa ko baatsu he nii. Kanemɔ kuku fɛɛ kuku ni okɛ toibolɔi lɛ agba he sane. Maa bɔ ni ehe hiaa ni akɛ Ŋmalɛ mli ŋaawoo ni kɔɔ bɔ ni esa akɛ aya nɔ ahiɛ Kristofoi ahetsemɔ mli lɛ nɔ mi.

Min. 20: “Mɛɛ Gbɛ nɔ Wɔbaanyɛ Wɔtsɔ Wɔye Wɔbua Mɛi ni Baaba Kaimɔ Lɛ?”b Kɛ́ nyɛmiisusu kuku 5 lɛ he lɛ, ha afee nɔkwɛmɔnɔ ko ní tsɔɔ bɔ ni abaafee akɛ gbɔ ko ni ba Kaimɔ lɛ shishi lɛ aje Biblia mli nikasemɔ shishi.

Lala 214

Otsi ni Jeɔ Shishi March 24

Lala 111

Min. 10: Asafoŋ adafitswai. Saamɔ Ohe ni Okɛ Woji Tɛtrɛbii Heei lɛ Aha. Toibolɔi ni akɛaagba sane. Beni okpa April 1 Buu-Mɔɔ lɛ kɛ April Awake! lɛ hiɛ kuku sɛɛ lɛ, bi toibolɔi lɛ ni amɛtsɔɔ saji ni yɔɔ woji tɛtrɛbii lɛ amli lɛ ateŋ nɔ ni mɛi ni yɔɔ shikpɔŋkuku lɛ mli lɛ baanya he, kɛ nɔ hewɔ ni amɛkɛɔ nakai. Ha toibolɔi lɛ atsɔɔ otii pɔtɛɛ komɛi ni yɔɔ saji ni amɛhala akɛ amɛkɛbaatsu nii lɛ mli. Mɛɛ saji abaanyɛ abi kɛje sanegbaa shishi? Mɛɛ ŋmalɛ ni yɔɔ sane lɛ mli abaanyɛ akane yɛ no sɛɛ? Ha akɛ shiɛmɔ wiemɔi ni atsɔɔ akɛ ebaahi aha nyɛshikpɔŋkuku lɛ atsu nii kɛfee nɔkwɛmɔnɔ ni tsɔɔ bɔ ni abaafee akɛ April 1 Buu-Mɔɔ loo April Awake! lɛ aha.

Min. 20: “Ani Okpeɔ Sɛɛ Be Fɛɛ Be?”c Onukpa ko baatsu he nii. Kanemɔ kukuji lɛ ekomɛi bɔ ni be baaŋmɛ gbɛ. Kɛ́ nyɛmiisusu kuku 7 kɛ 8 lɛ he lɛ, bi nɔ ni mɛi komɛi feɔ ni no haa amɛbashɛɔ kpee shishi mra. Wó mɛi fɛɛ hewalɛ ni amɛbo ŋaawoo toi ni amɛfee tsakemɔi ni sa lɛ.

Min. 15: Wɔshiɛɔ Nɔ̃ Kpakpa ko he Sanekpakpa. Wiemɔ ni onukpa ko baajɛ sane ni yɔɔ July 1, 2005, Buu-Mɔɔ lɛ baafa 18-19, kuku 10-14 lɛ mli eha, beni ekɛ nɔ ni shɛɛɛ miniti kome ekpa sane lɛ hiɛ sɛɛ. Ha toibolɔi lɛ agba bɔ ni Maŋtsɛyeli shɛɛsane lɛ shɛje amɛmii, ni eha amɛná hiɛnɔkamɔ beni amɛnu he klɛŋklɛŋ kwraa lɛ amɛtsɔɔ.

Song 29

Otsi ni Jeɔ Shishi March 31

Song 37

Min. 10:  Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha March lɛ aha. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.

Min. 20: Okɛ 2008 Yearbook lɛ Atsu Nii Jogbaŋŋ. Wiemɔ kɛ toibolɔi ni akɛaagba sane. Wiemɔ “Wolo ni jɛ Nɔyeli Kuu lɛ Dɛŋ,” ni yɔɔ baafa 3-5 lɛ he. Ofainɛ kadimɔ akɛ abaanyɛ ana enɛ hu yɛ baafa 3 kɛ 4 ni yɔɔ Wɔ Maŋtsɛyeli Sɔɔmɔ nɛɛ mli lɛ. Ha toibolɔi lɛ ateŋ mɛi enyɔ loo mɛi etɛ agba niiashikpamɔ ko ni yɔɔ Yearbook lɛ mli ni ewo amɛ hewalɛ waa lɛ amɛtsɔɔ. Ha shiɛlɔ kome loo shiɛlɔi enyɔ ni oha amɛle kɛtsɔ hiɛ lɛ atsɔɔ gbɛjianɔ ni amɛto kɛkaneɔ Yearbook lɛ akɛ aŋkro. Wo mɛi fɛɛ hewalɛ ni amɛkane wolo muu lɛ fɛɛ ni okɛmu sanegbaa lɛ naa.

Min. 15: “Nyɛwowoa Nyɛhe Hewalɛ Beni Nyɛtsuɔ Shiɛmɔ Nitsumɔ Lɛ.”d

Lala 145

Otsi ni Jeɔ Shishi April 7

Lala 186

Min. 15: Asafoŋ adafitswai. Kanemɔ Sanebimɔ He ni yɔɔ baafa 4 ni yitso ji: “Namɔ esa akɛ aha lɛ Wɔ Maŋtsɛyeli Sɔɔmɔ lɛ eko?” lɛ ni okɛ toibolɔi agba he sane. Onukpai asɛinɔtalɔ lɛ baatsu he nii. Esa akɛ onukpai lɛ asusu Wɔ Maŋtsɛyeli Sɔɔmɔ lɛ yibɔ ni amɛnine shɛɔ nɔ lɛ he, ní amɛfee tsakemɔi ni sa lɛ yɛ otsi nɛɛ mli.

Min. 15: Mɛni Hewɔ Otsiɔ Baptisimɔ Otoɔ? Wiemɔ ni onukpa ko baaha ni damɔ July 1, 2006, Buu-Mɔɔ lɛ baafa 29-30, kuku 14-17 lɛ nɔ. Bi shiɛlɔ kome loo shiɛlɔi enyɔ komɛi ni abaptisi amɛ beni amɛji oblahii loo oblayei bibii lɛ saji kuku. Mɛni tsirɛ amɛ ni amɛkɔ gbɛ ni he hiaa waa nɛɛ beni amɛdarako lɛ? Mɛɛ gbɛ nɔ amɛbaptisimɔ, ni ji su ni buɔ mɔ he lɛ ye bua amɛ ni amɛtee hiɛ yɛ mumɔŋ?

Min. 15: Sanebimɔ He ni yɔɔ baafa 7 lɛ. Onukpa ko baatsu he nii. Kanemɔ kuku fɛɛ kuku ni okɛ toibolɔi lɛ agba he sane.

Lala 225

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.