Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ June mli lɛ nɔ

“Etamɔ nɔ ni mɔ fɛɛ mɔ kwraa ni wɔkɛgbaa sane lɛ miishwe ni toiŋjɔlɛ ahi je lɛ mli. Kɛlɛ, aawu ta lolo. Yɛ osusumɔ naa lɛ, mɛni hewɔ toiŋjɔlɛ bɛ je lɛ mli kwraa lɛ?” Ŋmɛɛ gbɛ ni eha hetoo. Agbɛnɛ okɛ June 1 Buu-Mɔɔ lɛ sɛɛ atsɔɔ lɛ, ni okɛlɛ asusu sane ni yɔɔ klɛŋklɛŋ sanebimɔ lɛ shishi lɛ kɛ kɛ́ hooo kwraa lɛ ŋmalɛi ni atsɛ lɛ ateŋ ekome he. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Kadimɔ: Esa akɛ afee nɔkwɛmɔnii nɛɛ kɛ́ aafee kpee kɛha shiɛmɔyaa yɛ June 1 lɛ nɔ.

Buu-Mɔɔ June 1

“Wɔmiisara mɛi ni yɔɔ akutso lɛ mli lɛ kɛha sanegbaa kuku ko ni kɔɔ naagba ko ni kɔɔ wɔ fɛɛ wɔhe lɛ he. Mɛi babaoo ena nɔ yɛ mɛi ahe jwɛŋmɔ ni ejaaa ni anáa lɛ he. Ani osusuɔ akɛ he ko yɛ je nɛŋ ni anaaa mɛi ahe jwɛŋmɔ ni ejaaa? [Ŋmɛɛ gbɛ ni eha hetoo.] Kwɛmɔ bɔ ni Nyɔŋmɔ naa adesai fɛɛ ehaa. [Kanemɔ Bɔfoi lɛ Asaji 10:34.] Wolo tɛtrɛɛ nɛɛ tsɔɔ bɔ ni Nyɔŋmɔ baafee ekɛ mɛi ahe jwɛŋmɔ ni ejaaa ni anáa lɛ aba naagbee kwraa shi kome nyɔŋlo.”

Awake! June

“Wɔbaasumɔ ni wɔle osusumɔ yɛ sane ko he. Mɔ fɛɛ mɔ kwraa sumɔɔ ni ená shihilɛ kpakpa. Ani osusuɔ akɛ heloonaa nibii babaoo ni wɔbaahe lɛ baaha wɔna shihilɛ kpakpa? [Ŋmɛɛ gbɛ ni eha hetoo.] Kwɛmɔ nilee wiemɔ ko ni Yesu wie. [Kanemɔ Luka 12:15.] Wolo tɛtrɛɛ nɛɛ tsɔɔ bɔ ni abaafee aŋmɛ pɛpɛɛpɛ yɛ heloonaa nibii ahe, ni ekɛ ŋaawoo hu ni tsɔɔ shika ni wɔfiteɔ yɛ nihemɔ he lɛ hu haa.”