Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ October mli lɛ nɔ

“Wɔkɛ be kukuoo ko miisara wɔkutsoŋbii lɛ ŋmɛnɛ. Mɛi babaoo ni wɔkɛgba sane lɛ kɛɛ akɛ shihilɛ ni jaraa waa ni amɛkɛkpe pɛŋ lɛ ateŋ ekome ji suɔlɔ ko gbele. Ani nakai eji yɛ bo hu ogbɛfaŋ? [Ŋmɛɛ gbɛ ni eha hetoo.] Sane ni yɔɔ biɛ lɛ wo mi hewalɛ waa.” Okɛ sane ni yɔɔ October 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu saji ni yɔɔ klɛŋklɛŋ sanebimɔ lɛ shishi lɛ, kɛ kɛ́ hooo kwraa lɛ ŋmalɛi ni yɔɔ jɛmɛ lɛ ateŋ ekome he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ October 1

“Wɔkɛ be kukuoo ko miisara mɛi ni wɔwo amɛhewalɛ ni amɛkane amɛ Biblia lɛ. Wɔle akɛ mɛi komɛi yɛ Biblia lɛ he miishɛɛ; mɛi komɛi hu bɛ he miishɛɛ. Ni bo hu? [Ŋmɛɛ gbɛ ni eha hetoo.] Biblia lɛ feɔ sane ko faŋŋ. [Kanemɔ 1 Tesalonikabii 2:13.] Okɛ mi baakpã gbee akɛ kɛ́ eji anɔkwale akɛ Biblia lɛ jɛ Nyɔŋmɔ ŋɔɔ lɛ, no lɛ, ehi waa akɛ wɔbaakane. Wolo tɛtrɛɛ nɛɛ tsɔɔ wɔ nɔ kwraa ni Biblia lɛ wieɔ he lɛ kuku kɛ nɔ hewɔ ni esa akɛ wɔná he miishɛɛ.”

Awake! October

“Masumɔ male ojwɛŋmɔ yɛ sanebimɔ nɛɛ he: Ani wɔmii baanyɛ ashɛ wɔhe kɛ́ wɔbɛ heloonaa nibii babaoo? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ. [Kanemɔ 1 Timoteo 6:8.] Wolo tɛtrɛɛ nɛɛ tsɔɔ bɔ ni esa akɛ aŋmɛ pɛpɛɛpɛ yɛ heloonaa nibii ahe, ni ewieɔ nibii etɛ komɛi ni jara wa waa ni anyɛŋ akɛ shika ahe lɛ hu ahe.”