Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ February mli lɛ nɔ

“Mɛi ni wɔkɛgba sane lɛ hiɛ susumɔi srɔtoi yɛ Biblia lɛ he. Mɛi komɛi kɛɛ eji Nyɔŋmɔ Wiemɔ, ni mɛi komɛi hu kɛɛ etamɔ woji krokomɛi lɛ nɔŋŋ. Mɛni ji bo hu osusumɔ yɛ Biblia lɛ he?” Ŋmɛɛ gbɛ ni eha hetoo. Okɛ sane ni yɔɔ February 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ aha lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ February 1

“Mɛi babaoo miisumɔ ni tai asɛɛ afo. Kɛ́ okwɛ lɛ ani nilee yɛ mli akɛ mɔ ko baakpa gbɛ akɛ toiŋjɔlɛ baaba jeŋ fɛɛ? [Ŋmɛɛ gbɛ ni eha hetoo.] Kadimɔ shiwoo ni Biblia lɛ kɛhaa. [Kanemɔ Lala 46:10.] Miishɛɛ sane ji akɛ nibii ni tee nɔ yɛ Jeŋ Ta I lɛ mli kɛ esɛɛ fɛɛ lɛ haa wɔnáa hiɛnɔkamɔ akɛ etsɛŋ kwraa ni Nyɔŋmɔ baaha gbalɛ nɛɛ aba mli, ni ebaaha tai asɛɛ afo kɛya naanɔ. Wolo tɛtrɛɛ nɛɛ tsɔɔ enɛ mli.”

Awake! February

“Wɔmiisara mɛi ni wɔkɛ amɛ agba sane kuku ko ni kɔɔ mɛi fɛɛ ahe. Etamɔ nɔ ni wɔnaaa be ni fa ni wɔkɛtsu nɔ fɛɛ nɔ he nii. Ani osusuɔ akɛ nibii ni wɔyɔɔ feemɔ lɛ ni fa tsɔ, aloo wɔ ni wɔfiteɔ be lɛ? [Ŋmɛɛ gbɛ ni eha hetoo.] Mɛi babaoo lé akɛ Biblia lɛ woɔ wɔ ŋaa yɛ bɔ ni wɔɔfee wɔkɛ wɔbe atsu nii yɛ nilee mli lɛ he. Ŋaawoi nɛɛ ekome nɛ.[Kanemɔ Filipibii 1:10a.] Wolo tɛtrɛɛ nɛɛ tsɔɔ nibii ejwɛ ni eye ebua mɛi pii ni amɛkɛ amɛbe etsu nii yɛ nilee mli.”