Saji Ni Atsɛ Yisɛɛ Yɛ Wɔshiɛmɔ Kɛ Wɔshihilɛ Kpee Nifeemɔ Wolo Lɛ Mli
© 2023 Watch Tower Bible and Tract Society of Pennsylvania
MAY 8-14
Pɛimɔ Ŋmalɛi Lɛ Amli Jogbaŋŋ
it-1 1271 kk. 2
Yehoram
Nakai pɛpɛɛpɛ eba lɛ. Yehowa ŋmɛ gbɛ ni Arabbii kɛ Filistibii batutua shikpɔŋ lɛ, ni amɛŋɔ Yehoram ŋamɛi kɛ ebihii lɛ nom. Mɔ pɛ ni Nyɔŋmɔ eŋmɛɛɛ gbɛ ni aŋɔ lɛ nom ji Yehoram nakutsoŋ bi Yehoahaz (atsɛɔ lɛ Ahazia hu), ni efee nakai yɛ Maŋtsɛyeli kpaŋmɔ ni yɔɔ ekɛ David teŋ lɛ hewɔ. “Enɛɛmɛi fɛɛ sɛɛ lɛ, Yehowa hã hela ko ni anyɛɛɛ atsa mɔ [Yehoram musuŋ nii].” Afii enyɔ sɛɛ lɛ, “emusuŋ nii je kpo” ni fiofio lɛ, egbo. Nɛkɛ gbɛ nɔ tsɔ ni efɔŋfeelɔ nɛɛ gbo, ni “egbele lɛ edɔɔɔ mɔ ko mɔ ko.” Afu lɛ yɛ David Maŋ lɛ mli, “shi amɛfuuu lɛ yɛ maŋtsɛmɛi lɛ afuuhei lɛ.” Ebinuu Ahazia baye maŋtsɛ yɛ esɛɛ.—2Kr 21:7, 16-20; 22:1; 1Kr 3:10, 11.
MAY 15-21
NYƆŊMƆ WIEMƆ LƐ MLI JWETRII | 2 KRONIKA 22-24
“Yehowa Jwereɔ Mɛi Ni Feɔ Ekãa Lɛ”
Naanyobɔɔ Gbonyo Hã Yehoash Je Yehowa Sɛɛ
BE KO bashɛ ni nibii eyaaa nɔ jogbaŋŋ yɛ Yerusalem, he ni Nyɔŋmɔ sɔlemɔ shĩa lɛ yɔɔ lɛ. No mli lɛ, agbe Maŋtsɛ Ahazia etsɛko. Shi nɔ ni Ahazia mami, Atalia, fee yɛ no sɛɛ lɛ jeee feemɔ nii. Ehã agbe Ahazia bihii lɛ, ni ji lɛ diɛŋtsɛ enabii lɛ! Ole nɔ hewɔ?—Koni lɛ moŋ ebatsɔ nɔyelɔ, shi jeee amɛteŋ mɔ ko.
Shi ahere Atalia nabii lɛ ateŋ mɔ kome, ni ji abifao Yehoash, yiwala ni Atalia leee he eko po. Obaasumɔ ni ole bɔ ni afee ahere eyiwala?—Abifao Yehoash yɛ nyɛkwɛ ko ni atsɛɔ lɛ Yehosheba, ni lɛ ekɛ Yehoash yatee yɛ Nyɔŋmɔ shĩa lɛ. Enyɛ efee nakai, ejaakɛ ewu ji Osɔfonukpa Yehoiada. Amɛfee ekome kɛbu Yehoash he.
Naanyobɔɔ Gbonyo Hã Yehoash Je Yehowa Sɛɛ
Akɛ Yehoash tee yɛ sɔlemɔ shĩa lɛ afii ekpaa. Atsɔɔ lɛ Yehowa Nyɔŋmɔ kɛ emlai lɛ fɛɛ ahe nii yɛ jɛmɛ. Naagbee lɛ, be ni Yehoash ná afii kpawo lɛ, Yehoiada to gbɛjianɔ koni awó Yehoash maŋtsɛ. Ani obaasumɔ ni ole gbɛ ni Yehoiada tsɔ nɔ efee enɛ, kɛ nɔ ni ba Maŋnyɛ Atalia, mɔ ni yitsoŋ wa lɛ nɔ?—
Yehoiada bua mɛi ni aje gbɛ atsɔse amɛ koni amɛbu maŋtsɛmɛi ni hi Yerusalem lɛ ahe lɛ anaa yɛ teemɔŋ. Ekɛɛ amɛ bɔ ni ekɛ eŋa here Maŋtsɛ Ahazia binuu abifao lɛ yiwala. Kɛkɛ ni Yehoiada kɛ Yehoash tsɔɔ bulɔi nɛɛ, ni amɛna akɛ lɛ ji mɔ ni sa akɛ eye nɔ. Ni amɛtsɔ ŋaa.
Yehoiada kɛ Yehoash je kpo, ni ekɛ maŋtsɛ fai lɛ bu lɛ. Kɛkɛ ni maŋbii lɛ bɔi “amɛdɛ̃ tswaa ni amɛkɛɛ akɛ: ‘Maŋtsɛ yi aná wala!’” Bulɔi lɛ bɔle Yehoash he kɛkpe koni amɛbu ehe. Be ni Atalia nu nyamɔ lɛ he lɛ, eje kpo ni ebawie eshi nɔ ni yaa nɔ lɛ. Shi Yehoiada kɛ famɔ hã bulɔi lɛ, ni amɛyagbe Atalia.—2 Maŋtsɛmɛi 11:1-16.
it-1 379 kk. 5
Fuu, Fuuhei
Afu Osɔfonukpa Yehoiada “yɛ David Maŋ lɛ mli yɛ he ni amɛfuɔ maŋtsɛmɛi lɛ yɛ lɛ” kɛwo ehiɛ nyam, ni lɛ pɛ ji mɔ ko ni jɛɛɛ maŋtsɛmɛi aweku lɛ mli ni ná hegbɛ nɛɛ.—2Kr 24:15, 16.
Pɛimɔ Ŋmalɛi Lɛ Amli Jogbaŋŋ
it-2 1223 kk. 13
Zakaria
12. Osɔfonukpa Yehoiada binuu. Yehoiada gbele sɛɛ lɛ, Maŋtsɛ Yehoash yabo ŋaawoo gbonyo moŋ toi fe ni ebaabo Yehowa gbalɔi lɛ toi, ni no hã egba afã kɛje anɔkwa jamɔ he. Zakaria, ni eji Yehoash nyɛkwɛ bi lɛ (2Kr 22:11), kɛ hiɛdɔɔ bɔ maŋbii lɛ kɔkɔ yɛ enɛ he shi amɛtsakeee amɛtsui, moŋ lɛ, amɛtswia lɛ tɛi yɛ sɔlemɔ shĩa lɛ kpo lɛ nɔ. Be ni Zakaria gboɔ lɛ, ekɛɛ akɛ: “Yehowa akwɛ, ni ewo he nyɔmɔ.” Yehowa bo gbalɔ nɛɛ nibimɔ lɛ toi, ejaakɛ Siria ye Yuda awui waa, ni Yehoash tsuji enyɔ hu gbe lɛ, “ejaakɛ eshwie osɔfo Yehoiada bihii lɛ alá shi.”—2Kr 24:17-22, 25.
MAY 22-28
NYƆŊMƆ WIEMƆ LƐ MLI JWETRII | 2 KRONIKA 25-27
“Yehowa Baanyɛ Ahã Bo Nɔ Ni Fe Nakai Aahu”
it-1 1266 kk. 6
Yehoash
Yuda maŋtsɛ lɛ yabɔ Yehoash asraafoi lɛ 100,000 apaa koni ekɛ Edombii lɛ ayawu. Yuda maŋtsɛ lɛ tsɔ hiɛ ehã asraafoi nɛɛ jwiɛtɛi talɛntai 100 (dɔlai 660,600), shi “anɔkwa Nyɔŋmɔ lɛ gbɔmɔ ko” wo lɛ ŋaa akɛ ehã amɛku amɛsɛɛ kɛya shĩa. Amɛmli fu waa, ekolɛ akɛni amɛyasusu akɛ eji amɛtee ta lɛ kulɛ amɛbaaná ta mli nii, shi bianɛ lɛ ebɔ amɛ lɛ hewɔ.—2Kr 25:6-10, 13.
JUNE 5-11
NYƆŊMƆ WIEMƆ LƐ MLI JWETRII | 2 KRONIKA 30-31
“Kɛ́ Wɔkpe Kutuu Lɛ Wɔnáa He Sɛɛ”
it-1 1103 kk. 2
Hezekia
Ekɛ ekãa babaoo to Levibii lɛ anitsumɔ lɛ he gbɛjianɔ, ni ekwɛ ni akɛ lalatswaa nibii lɛ bɔi nitsumɔ ekoŋŋ, ni abɔi yijiemɔ lalai lamɔ ekoŋŋ. Nisan, ni ji nyɔɔŋ ni akɛyeɔ Hehoo lɛ bashɛ, shi no mli lɛ, sɔlemɔ shĩa lɛ, osɔfoi lɛ, kɛ Levibii lɛ ahe tseee. Be ni shɛɔ Nisan gbi ni ji 16 lɛ, amɛfee sɔlemɔ shĩa lɛ krɔŋkrɔŋ, ni amɛkɛ emli nibii lɛ ewo jɛmɛ ekoŋŋ. Agbɛnɛ, ehe bahia ni ashã kpãtãmɔ afɔle srɔto ko ahã Israel fɛɛ. Klɛŋklɛŋ lɛ, lumɛi lɛ kɛ afɔlei lɛ ba, ni ji esha afɔlei kɛhã maŋtsɛyeli lɛ, jamɔhe lɛ, kɛ maŋbii lɛ, ni no sɛɛ lɛ, maŋbii lɛ shã shãa afɔlei akpei abɔ.—2Kr 29:1-36.
it-1 1103 kk. 3
Hezekia
Anyɛɛɛ aye Hehoo lɛ yɛ be ni ato lɛ nɔ ejaakɛ no mli lɛ maŋbii lɛ ahe tseee, ni no hewɔ lɛ, Hezekia kɛ mla ni ŋmɛɔ gbɛ ni mɛi ni he tseee lɛ aye Hehoo lɛ yɛ nyɔɔŋ kome sɛɛ lɛ tsu nii. Eŋmala woji ni ekɛtsu mɛi kɛtee Yuda kɛ Israel fɛɛ—kɛjɛ Beer-sheba kɛyashi Dan—kɛfɔ̃ amɛ nine ni amɛbaye Hehoo lɛ. Mɛi pii ye mɛi ni atsu lɛ ahe fɛo; shi mɛi komɛi ba amɛhe shi ni amɛba, titri lɛ, Asherbii, Manasebii, kɛ Zebulonbii lɛ; Efraimbii kɛ Isakarbii komɛi hu ba. Gbɔi ni jáa Yehowa lɛ ateŋ mɛi babaoo hu ba. Eeenyɛ efee akɛ, kooyigbɛ maŋtsɛyeli lɛ mli bii ni fi anɔkwa jamɔ sɛɛ lɛ náaa lɛ mlɛo akɛ amɛbaaya. Ekã shi faŋŋ akɛ, mɛi te shi amɛwo amɛ ni amɛŋmɔ amɛ tamɔ afee mɛi ni atsu lɛ, ejaakɛ no mli lɛ, wekui-nyɔŋma maŋtsɛyeli nɛɛ mli bii lɛ ajeŋba ekpɔtɔ kwraa, amɛkɛ amɛhe miiwo amale jamɔ mli vii, ni Asiriabii lɛ hu miihao amɛ.—2Kr 30:1-20; 4Mo 9:10-13.
it-1 1103 kk. 4-5
Hezekia
Hehoo lɛ sɛɛ lɛ, amɛye Blodo Ni Ashikishaŋ-sha Bɛ Mli Gbi Jurɔ lɛ gbii kpawo, ni akɛni amɛná miishɛɛ waa hewɔ lɛ, maŋbii lɛ fɛɛ kpɛ mli akɛ amɛbaaye gbi jurɔ lɛ gbii kpawo amɛfata he. Yɛ jaramɔ be ni tamɔ nakai lɛ mli po lɛ Yehowa jɔɔ amɛ, ni no hewɔ lɛ, “aná miishɛɛ waa yɛ Yerusalem, ejaakɛ kɛjɛ Israel maŋtsɛ Solomon, David binuu lɛ, gbii lɛ amli kɛbashi nakai beiaŋ lɛ, nɔ ko tamɔ nakai bako Yerusalem pɛŋ.”—2Kr 30:21-27.
Nibii ni tee nɔ yɛ no sɛɛ lɛ hãa wɔnaa faŋŋ akɛ, maŋbii lɛ tsĩɛ anɔkwa jamɔ hiɛ ekoŋŋ lɛɛlɛŋ, ni jeee akɛ henumɔ ko kɛkɛ tsirɛ amɛ ni amɛyaye gbi jurɔ lɛ. Dani mɛi ni ba gbi jurɔ lɛ baaku amɛsɛɛ kɛya amɛmaji lɛ amli lɛ, amɛje kpo kɛtee Yuda kɛ Benyamin fɛɛ, kɛ Efraim kɛ Manase po, ni amɛyakumɔ wɔŋ tɛi lɛ, hei grɔŋŋi lɛ kɛ afɔleshaa latɛi lɛ, ni amɛyafolɔ wɔŋ tsei ni yɔɔ jɛmɛ lɛ. (2Kr 31:1) Hezekia jwara akɔɔble onufu ni Mose fee lɛ, ejaakɛ maŋbii lɛ jáa akɔɔble onufu lɛ ni amɛshãa lasu afɔle amɛhãa lɛ, ni nɔ ni efee lɛ ji nɔkwɛmɔnɔ kpakpa. (2Ma 18:4) Be ni aye gbi jurɔ kpele lɛ agbe naa lɛ, Hezekia to osɔfoi lɛ anitsumɔ lɛ he gbɛjianɔ, ni eto gbɛjianɔ hu koni maŋbii lɛ aye abua ni nitsumɔi ni atsuɔ yɛ sɔlemɔ shĩa lɛ aya nɔ; ewo maŋbii lɛ hewalɛ ni amɛye mla ni kɔɔ nibii amlijai nyɔŋma mli ekomekomei kɛ klɛŋklɛŋ yibii ni esa akɛ akɛhã Levibii lɛ kɛ osɔfoi lɛ nɔ, ni amɛkɛ amɛtsui fɛɛ bo toi. Hezekia fee enɛɛmɛi fɛɛ koni anɔkwa jamɔ ama shi shiŋŋ.—2Kr 31:2-12.
JUNE 12-18
NYƆŊMƆ WIEMƆ LƐ MLI JWETRII | 2 KRONIKA 32-33
“Yɛ Haomɔ Beiaŋ Lɛ, Feemɔ Nibii Ni Baawo Mɛi Hewalɛ”
it-1 204 kk. 5
Asiria
Senakerib. Senakerib, ni eji Sargon II lɛ binuu lɛ, yatutua Yuda maŋtsɛyeli lɛ yɛ Hezekia nɔyeli afi ni ji 14 (afi 732 D.Ŋ.B.) lɛ nɔ. (2Ma 18:13; Yes 36:1) Kulɛ, Hezekia papa Ahaz sɔmɔɔ Asiriabii lɛ, shi Hezekia tse amɛhiɛ atua. (2Ma 18:7) Enɛ hewɔ Senakerib yatutua Yuda maŋtsɛyeli lɛ, ni eye maji 46 anɔ kunim (okɛto Yes 36:1, 2 lɛ he); eyabɔ nsara yɛ Lakish, ni ejɛ jɛmɛ etsu ni ayakɛɛ Hezekia akɛ ehã lɛ shika tsuru talɛntai 30 (aaafee dɔlai 11,560,000) kɛ jwiɛtɛi talɛntai 300 (aaafee dɔlai 1,982,000). (2Ma 18:14-16; 2Kr 32:1; okɛto Yes 8:5-8 lɛ he.) Eyɛ mli akɛ Hezekia wo nyɔmɔ nɛɛ moŋ, shi Senakerib tsu enaawielɔi ni amɛyakɛɛ lɛ akɛ lɛ kɛ Yerusalembii lɛ aŋmɛɛ amɛhe amɛhã lɛ.—2Ma 18:17–19:34; 2Kr 32:2-20.
JUNE 19-25
NYƆŊMƆ WIEMƆ LƐ MLI JWETRII | 2 KRONIKA 34-36
“Ani Ooná Nyɔŋmɔ Wiemɔ Lɛ He Sɛɛ Kɛmiimɔ Shi?”
it-1 1157 kk. 4
Hulda
Be ni asaa sɔlemɔ shĩa lɛ, Osɔfonukpa Hilkia yana “Mla wolo lɛ,” ni ayakane atsɔɔ Yosia, ni no hewɔ lɛ, etsu ni ayabi Yehowa nii ahã lɛ. Mɛi ni atsu lɛ tee Hulda ŋɔɔ, ni lɛ hu ehã amɛle nɔ ni Yehowa yɔɔ kɛɛmɔ; ekɛɛ amɛ akɛ, akɛni maŋ lɛ ekwa Yehowa jamɔ lɛ hewɔ lɛ, amanehului fɛɛ ni awie yɛ “wolo” lɛ mli akɛ ebaaba amɛnɔ lɛ baaba amɛnɔ.—2Ma 22:8-20; 2Kr 34:14-28.