Nyɛhãa “Wɔwowoo Wɔhe Hewalɛ”

Kɛ́ wɔyɛ wɔnyɛmimɛi lɛ ateŋ lɛ, wɔhemɔkɛyeli lɛ mli waa, ni ewajeɔ wɔ. Shi nibii komɛi yɛ ni wɔbaanyɛ wɔfee koni wɔná nɛkɛ be nɛɛ he sɛɛ jogbaŋŋ kɛmɔ shi. Biblia lɛ hãa wɔnaa akɛ esa akɛ wɔwowoo wɔhe hewalɛ ni wɔtswa wɔhemɔkɛyeli lɛ wɔma shi. (Rom. 1:​11, 12) Te wɔbaafee tɛŋŋ wɔfee nakai lɛ?

Okɛ owiemɔi awo nyɛmimɛi lɛ hewalɛ. Kɛ́ wɔtee asafoŋ kpee ni wɔmiihã sane hetoo lɛ, esa akɛ wɔkwɛ jogbaŋŋ koni ekafee akɛ daa nɛɛ wɔmiigbala jwɛŋmɔ kɛmiiba wɔnɔ. Moŋ lɛ, esa akɛ wɔgbala jwɛŋmɔ kɛya Yehowa, e-Wiemɔ lɛ, kɛ wɔnyɛmimɛi krokomɛi lɛ anɔ. Agbɛnɛ hu, kɛ́ wɔkɛ nyɛmimɛi lɛ miigba sane lɛ, esa akɛ nibii ni wɔbaawie he lɛ afee nibii ni tswaa mɔ emaa shi.

Okɛ onifeemɔi awo nyɛmimɛi lɛ hewalɛ. Akɛ nɔkwɛmɔnɔ lɛ, wɔnyɛmimɛi lɛ ekomɛi kɛ naagbai miikpe shi fɛɛ sɛɛ lɛ, amɛmiiya nɔ amɛmiitsu be fɛɛ sɔɔmɔ nitsumɔ lɛ. Nyɛmimɛi komɛi yɛ ni nitsumɔ ni amɛtsuɔ lɛ hãa etɔɔ amɛ waa, shi fɛɛ sɛɛ lɛ, amɛmiaa amɛhiɛ amɛbaa otsi teŋ kpee lɛ. Nyɛmimɛi komɛi hu yɛ ni amɛmiiye hela ko ni naa wa, shi fɛɛ sɛɛ lɛ, amɛmiaa amɛhiɛ amɛbaa asafoŋ kpee. Kɛ́ wɔna enɛ lɛ, ewoɔ wɔ hewalɛ waa.

Bi ohe akɛ, ‘Ani miwiemɔi kɛ minifeemɔi woɔ minyɛmimɛi lɛ hewalɛ? Kɛ́ nyɛmimɛi lɛ tsɔ amɛwiemɔi kɛ amɛnifeemɔi anɔ amɛwo mi hewalɛ lɛ, ani minaa?’