Kɛ Ooonyɛ Ohi Shi Kɛya Naanɔ Lɛ Ani Obaasumɔ?

Obaanyɛ ohi shi lɛlɛŋ kɛya naanɔ yɛ Paradeiso yɛ shikpɔŋ nɔ, taakɛ wolo bibioo nɛɛ tsɔɔ faŋŋ lɛ. Nyɔŋmɔ yiŋtoo kɛha nɛkɛ shihilɛi nɛɛ baaba mli bɔ fɛɛ bɔ ni fee! Shi esa akɛ ohala akɛ ooohi shi kɛya naanɔ.

Yesu Kristo tsɔɔ akɛ, esa akɛ nɔ ni wɔhala lɛ adamɔ Nyɔŋmɔ he anɔkwa nilee nɔ. Afee nɛkɛ wolo bibioo nɛɛ koni eye ebua bo ni ona nakai nilee lɛ. Obaanyɛ ona yelikɛbuamɔ babaoo lolo kɛjɛ Yehowa Odasefoi aŋɔɔ. Amɛbaana he miishɛɛ akɛ amɛbasara bo yɛ be ni baahi aha bo mli, yɛ he ni osumɔɔ. Ni kɛ obaasumɔ ni akɛ bo afee shia Biblia mli nikasemɔ ni aheee bo nɔ ko lɛ, obaanyɛ oŋma wolo kɛya Jehovah’s Witnesses yɛ adrɛs sɔrɔtoi ni yɔɔ shishigbɛ nɛɛ ateŋ nɔ ni sa, ni okɛha ale enɛ.