Ani Amanehulu Sɛɛ Baafo Be Ko?

NƆ NI BIBLIA LƐ KƐƆ

“Nyɔŋmɔ aaatsumɔ amɛhiɛaŋ yaafonui fɛɛ, ni gbele bɛ dɔŋŋ, ni ŋkɔmɔyeli ko kɛ bolɔmɔ ko kɛ nɔnaa ko hu bɛ dɔŋŋ.”—Kpojiemɔ 21:4, Ga Biblia.

BƆ NI OBAANYƐ ONÁ HE SƐƐ

Emaa nɔ mi ehãa wɔ akɛ jeee Nyɔŋmɔ ji mɔ ni hãa wɔkɛ naagbai kpeɔ.​—Yakobo 1:13.

Le ni wɔle akɛ Nyɔŋmɔ nuɔ he ehãa wɔ kɛ́ wɔmiina amanehulu lɛ shɛjeɔ wɔmii.​—Zakaria 2:8.

Hiɛnɔkamɔ yɛ akɛ amanehului fɛɛ asɛɛ baafo.​—Lala 37:9-11.

ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

• Nyɔŋmɔ nyɛɔ amanehulu kɛ jalɛsane ni ayeee. Susumɔ bɔ ni Yehowa Nyɔŋmɔ nu he ehã be ni awa ewebii ni hi shi yɛ Biblia beiaŋ lɛ ayi lɛ he okwɛ. Biblia lɛ kɛɔ akɛ edɔ lɛ waa yɛ “mɛi ni feɔ amɛ niseniianii lɛ” ahewɔ.​—Kojolɔi 2:18, Jeŋ Hee Shishitsɔɔmɔ.

  Nyɔŋmɔ náaa mɛi ni yeɔ mɛi krokomɛi awui lɛ ahe miishɛɛ. Akɛ nɔkwɛmɔnɔ lɛ, Biblia lɛ kɛɔ akɛ Nyɔŋmɔ miihi “niji ni shwieɔ mɔ ko ni efeko nɔ ko lɛ lá shi.”​—Abɛi 6:16, 17.

• Nyɔŋmɔ susuɔ wɔhe akɛ aŋkroaŋkroi. “Mɔ fɛɛ mɔ le lɛ diɛŋtsɛ ehaomɔ kɛ lɛ diɛŋtsɛ epiŋmɔ,” shi Yehowa hu le!​—2 Kronika 6:29, 30.

  Etsɛŋ ni Yehowa baatsɔ e-Maŋtsɛyeli lɛ nɔ efo amanehulu ni adesa fɛɛ adesa kɛkpeɔ lɛ sɛɛ. (Mateo 6:9, 10) Dani nakai be lɛ baashɛ lɛ, eshɛjeɔ mɛi ni jɛɔ amɛtsuiŋ amɛtaoɔ esɛɛgbɛ lɛ amii.​—Bɔfoi 17:27; 2 Korintobii 1:3, 4.