Nɔ Hewɔ Ni Esa Akɛ Oya “Ŋwɛi Toiŋjɔlɛ” Kpee Lɛ

Beni nɔfɔŋfeemɔ, maŋ hiɛ atuatsemɔ yɛ ekaa naa, kɛ ta ji nɔ ni yaa nɔ ŋmɛnɛ lɛ, kwɛ bɔ ni ehi jogbaŋŋ akɛ kɛjɛ nɛkɛ nyɔŋ nɛɛ nɔ kɛyaa lɛ, obaanyɛ oya “Ŋwɛi Toiŋjɔlɛ” kpee ni Yehowa Odasefoi feɔ lɛ shishi! Jeee akɛ onine baanyɛ ashɛ Kristofoi atsɔsemɔ ni kɔɔ toiŋjɔlɛ ni aaahiɛ mii ni anyɛɔ atsuɔ he nii lɛ nɔ kɛkɛ, shi moŋ, wɔbaana mɛi akpei abɔ ni kɛ nɛkɛ famɔi nɛɛ miitsu nii.

Hii jɛmɛ kɛjɛ kpee lɛ shishijee Soo leebi. Obaanu mɛi ni ejaje toiŋjɔlɛ kɛjɛ jeeŋmɔ lɛ ahe. Agbɛnɛ hu obaakase osharai ni yɔɔ hiɛtserɛjiemɔ mli kɛ gbɛ ni oootsɔ nɔ okwa enɛɛmɛi. Yɛ kpee lɛ naagbee lɛ, onine baashɛ nɔ ko ni jeee akɛ eyɛ fɛo kɛkɛ, shi moŋ ehe yɛ sɛɛnamɔ ni obaanyɛ okɛye mɛi krokomɛi odase lɛ nɔ.

Sohaa leebi gbɛjianɔtoo lɛ hiɛ wiemɔ oti ni ji “Ŋwɛi Toiŋjɔlɛ Kɛha Mɛi ni Yehowa Etsɔɔ Amɛ Nii.” Ni drama ni ji “Wala Yibaamɔ Yɛ Hɔmɔ Be Mli” lɛ baana enɔ hewalɛ waa. Kaaha enɛ miiho ohe!

Yɛ Hɔɔ lɛ, nɔkwɛmɔ nii, sanebimɔi kɛ hetoi kɛ tsɔsemɔ wiemɔi ni anyɛɔ atsuɔ he nii ni baakudɔo koni wɔhiɛ toiŋjɔlɛ mli yɛ weku kɔkrɔɔ Iɛ mli lɛ baaya nɔ. Gbɛjianɔtoo lɛ baaba naagbee kɛ wiemɔ ni he hiaa, “Shweshweeshwe Shihilɛ yɛ Je Muu Fɛɛ yɛ ‘Toiŋjɔlɛ Lumɔ’ lɛ Shishi.”

Hɔgbaa leebi drama lɛ haa wɔkɛ sane kpeɔ hiɛ kɛ hiɛ ni eji drama ni kɔɔ ŋmɛnɛŋmɛnɛ beaŋ nifeemɔ he ni emaa bɔ ni esa akɛ wɔtao Nyɔŋmɔ jalɛ kɛha yibaamɔ nɔ mi. Shwane lɛ, maŋshiɛmɔ ni mli wa lɛ baaje kpo, “Yɛ Naagbee lɛ Toiŋjɔlɛ Baa​—Beni Nyɔŋmɔ Wieɔ Lɛ,” enɛ baafee nɔ titri yɛ kpee lɛ shishi.

Akɛni ato kpeei sɔrɔtoi 10 he gbɛjianɔ yɛ maŋ muu lɛ fɛɛ mli hewɔ lɛ, kpee lɛ eko bɛ ni kɛ wɔteŋ baajɛkɛ tsɔ. Bi Yehowa Odasefoi ni amɛtsɔɔ bo be lɛ kɛ kpee ni bɛŋkɛ bo lɛ.