“Yehowa Mli Hekɛnɔfɔɔ” Kpokpaa Wulu Nɔ Kpee​—Kaaha Eeje Osɛɛ!

Gbii etɛ ni mli eyi obɔ kɛ tsɔsemɔ kɛ Kristofoi anaanyobɔɔ kpakpa he nyɔmɔwoo miimɛ bo yɛ Yehowa Odasefoi “Yehowa Mli Hekɛnɔfɔɔ” Kpokpaa Wulu nɔ kpee lɛ shishi. Ato kpeei sɔrɔtoi fe 10 he gbɛjianɔ yɛ December kɛ January mli yɛ Ghana, no hewɔ lɛ eko kɛ̃ baabɛŋkɛ maŋ ni oyɔɔ mli lɛ. Too gbɛjianɔ ni oba eshishijee yɛ Sohaa leebi 10:20 ni ohi jɛmɛ aahu kɛyashi Hɔgbaa shwane.

Wiemɔ ni kanyaa mɔ ni akɛbaaje shishi ji ‘Gbɔmɛi ni Atu Amɛ Ama Afa Kɛje Je Lɛ Mli.’ Yɛ shwane mli lɛ akɛ ŋaawoo ni akɛhaa tɛ̃ɛ baaha fɔlɔi kɛ obalaŋtai. Abaaye ebua obalaŋtai lɛ ni amɛkwa shihilɛ ni aaanyɛ atsɛ lɛ akɛ shihilɛi enyɔ lɛ. No sɛɛ lɛ akɛ drama ni taa mɔ tsuiŋ diɛŋtsɛ baama enɛ nɔ mi.

Nɔ ni baaba nɔ Hɔɔ leebi ji henɔjɔɔmɔ kɛ baptisimɔ wiemɔ lɛ kɛ agbɛnɛ tsɔsemɔ yɛ gbɛi anɔ ni wɔɔtsɔ wɔtsɔɔ akɛ wɔkɛ wɔhe fɔɔ Yehowa nɔ, koni ekɛ kpee lɛ yitso ekpe gbee. ‘Fɔmɔ ni Sɛɛnamɔ Yɔɔ He yɛ Naagbee Be nɛɛ Mli’ lɛ hu baafee wiemɔ titri yɛ shwane mli, ni nɔ ni akɛbaaba naagbee ji wiemɔi ni baatsara nɔ yɛ saneyitso “Nyɔŋmɔ Wiemɔ Iɛ Hiɛ Ka” shishi.

Nɔ ni abaanu Hɔgbaa hu ji ‘Jiemɔ Nyɛ̃ɛ Kpo Diɛŋtsɛ Otsɔɔ Je lɛ Hiɛgbele Gbɛ Lɛ,’ kɛ agbɛnɛ Biblia mli drama ni tsɔɔ bɔ ni wɔbe nɛɛ he hiaa waa ha lɛ. Maŋshiɛmɔ ni ji. ‘Namɔ Obaanyɛ Okɛ Ohe Afɔ Enɔ Diɛŋtsɛ, yɛ Wɔbei ni Gbeyeishemɔ Yɔɔ Mli Nɛɛ Mli? lɛ baaba nɔ yɛ shwane akɛ kpee lɛ shishi wiemɔ titri.

Okɛ Yehowa Odasefoi ni yɔɔ he ni oyɔɔ Iɛ agba sane koni ole be Iɛ kɛ kpee ni bɛŋkɛ bo lɛ hu.