Yesu Shihilɛ kɛ Esɔɔmɔ Nitsumɔ

Nɔ Ni Elaaje Iɛ Taomɔ

YESU miibɔ mɔdɛŋ koni etao ni ena mɛi ni kɛ heshibaa baasɔmɔ Nyɔŋmɔ. No hewɔ Iɛ etao mɛi, ni ekɛ mɔ fɛɛ mɔ wie Maŋtsɛyeli lɛ he, ni efɔŋfeelɔi ni ale amɛ jogbaŋŋ lɛ po fata he. Agbɛnɛ gbɔmɛi nɛɛ tsi amɛbɛŋkɛ Iɛ koni amɛbo Iɛ toi.

Ni Farisifoi kɛ woloŋmalɔi lɛ yoo enɛ lɛ, amɛwie amɛshi Yesu akɛ ekɛ gbɔmɛi ni amɛbuɔ amɛ akɛ amɛsaaa lɛ miibɔ naanyo. Amɛwie huhuuhu akɛ: “Mɔ nɛ ŋɔɔ eshafeelɔi ni ekɛ amɛ yeɔ nii.” Kwɛ bɔ ni yɛ amɛhenɔwomɔ hewɔ Iɛ enɛ esaaa amɛ kwraa ha! Farisifoi kɛ woloŋmalɔi Iɛ buɔ gbɔmɛi krokomɛi tamɔ amɛnaji ahe mulu. Yɛ anɔkwale mli lɛ, amɛkɛ Hebri wiemɔ ni ji ‛am ha·’aʹrets, “shikpɔŋ Iɛ nɔ gbɔmɛi” Iɛ tsuɔ nii ni amɛkɛtsɔɔ bulɛ ni amɛbɛ kɛha amɛ.

Shi yɛ gbɛ kroko nɔ lɛ, Yesu kɛ mɔ fɛɛ mɔ yeɔ kɛ bulɛ, mlihilɛ, kɛ mɔbɔnalɛ. Yɛ enɛ hewɔ lɛ, mɛi ni abuuu amɛ nɛɛ ateŋ mɛi pii, kɛ mɛi ni ale amɛ akɛ amɛfeɔ eshai Iɛ miitao ni amɛbo lɛ toi. Shi mɛni ji nɔ ni abaanyɛ akɛɛ yɛ wiemɔ ni Farisifoi Iɛ kɛshi Yesu akɛ ebɔɔ mɛi ni abuɔ amɛ akɛ amɛsaaa lɛ ahe mɔdɛŋ Iɛ he?

Yesu tsɔ niianaatsɔɔmɔ ko nɔ eha amɛshitee-kɛ-woo lɛ hetoo. Ewie yɛ bɔ ni Farisifoi lɛ susuɔ nii ahe Iɛ naa, akɛ jalɔi ji amɛ ni amɛyɛ shweshweeshwe yɛ Nyɔŋmɔ kuu lɛ mli, yɛ be mli ni mɛi ni anyɛɔ amɛ ni ji ‛am ha·’aʹrets ni egbɛ eshwa Iɛ tamɔ mɛi ni elaaje. Bo toi yɛ be mli ni ebiɔ amɛ akɛ:

“Nyɛteŋ namɔ ni kɛ eyɛ toi oha ni amɛteŋ ekome laaje lɛ, eshiŋ nyɔŋmai nɛɛhu kɛ nɛɛhu lɛ yɛ ŋa lɛ nɔ, ni eyatao nɔ ni elaaje lɛ kɛyashi beyinɔ ni eeena Iɛ? Ni kɛ ena lɛ lɛ, ewoɔ Iɛ etswaa ekɔŋ, ni enaa miishɛɛ; ni kɛ eba shia lɛ, etsɛɔ eshieŋtsɛmɛi Iɛ kɛ ekuuŋbii Iɛ kɛkpeɔ, ni ekɛɔ amɛ akɛ: Nyɛkɛ mi anaa miishɛɛ, ejaakɛ mina mitoo Iɛ ni laaje lɛ.”

Kɛkɛ ni Yesu tsɔɔ ewiemɔ Iɛ shishi ni ekɛɛ akɛ: “Miikɛɛ nyɛ akɛ, nakai nɔŋŋ miishɛɛ aaaba yɛ ŋwɛi yɛ eshafeelɔ kome ni tsakeɔ etsui Iɛ hewɔ fe jalɔi nyɔŋmai nɛɛhu kɛ nɛɛhu ni tsuitsakemɔ he ehiaaa amɛ lɛ.”

Farisifoi lɛ buɔ amɛhe akɛ jalɔi no hewɔ lɛ tsuitsakemɔ he ehiaaa amɛ. Yɛ be ko mli aaafee afii enyɔ dani eshɛ nɛkɛ be nɛɛ mli beni Farisifoi lɛ wie amɛshi Yesu akɛ ekɛ toohelɔi kɛ eshafeelɔi yeɔ nii lɛ, ekɛɛ amɛ akɛ: “Miba, jeee ni mibatsɛ jalɔi, shi moŋ eshafeelɔi.” Farisifoi ni buɔ amɛhe jalɔi, ni amɛnaaa akɛ ehe miihia ni amɛtsake amɛtsui nɛɛ haaa miishɛɛ aba ŋwɛi. Shi mɛi ni tsakeɔ amɛtsui yɛ anɔkwale mli lɛ feɔ nakai.

Yesu gba sane kroko ni ji enyɔ ni ekɛma oti lɛ nɔ mi akɛ eshafeelɔi ni tsakeɔ amɛtsui lɛ haa miishɛɛ baa ŋwɛi. Ekɛɛ akɛ: “Mɛɛ yoo ni yɔɔ jwiɛtɛii kukuji nyɔŋma, ni kɛji kuku kome laaje lɛ, ni esuŋ la ni ebɛɛ shia lɛ ni etao fitsofitso kɛyashi beyinɔ ni eeena? Ni kɛ ena lɛ, etsɛɔ eshieŋtsɛmɛi kɛ ekuuŋbii kɛkpeɔ ni ekɛɔ akɛ: Nyɛkɛ mi anaa miishɛɛ, ejaakɛ mina jwiɛtɛi kuku ni laaje lɛ.”

Yesu kɛ niiahetoo ni tamɔ enɛ tsɔɔ mli akɛ: “Nakai nɔŋŋ, miikɛɛ nyɛ akɛ, miishɛɛ baa yɛ Nyɔŋmɔ bɔfoi lɛ ahiɛ yɛ eshafeelɔ kome ni tsakeɔ etsui lɛ hewɔ.”

Kwɛ bɔ ni miishɛɛ ni Nyɔŋmɔ bɔfoi Iɛ naa yɛ heremɔ ni aaahere eshafeelɔ ni elaaje lɛ ayiwala lɛ sa yijiemɔ ha! Ni enɛ baa mli nakai titri lɛ akɛni nɛkɛ gbɔmɛi ni be ko Iɛ amɛji ‛am ha·’aʹrets’ ni abuuu amɛ Iɛ ebatsɔmɔ mɛi ni naa Nyɔŋmɔ ŋwɛi Maŋtsɛyeli lɛ mli gbɛfaŋnɔ akɛ emlibii Iɛ. Yɛ enɛ hewɔ lɛ, amɛnaa hegbɛ ko ni nɔ kwɔ yɛ ŋwɛi ni amɛnɔ kwɔlɔɔ fe ŋwɛibɔfoi lɛ tete po! Shi ni ŋwɛibɔfoi lɛ aaaye awuŋa loo amɛaawo amɛhe nɔ moŋ lɛ, amɛkɛ heshibaa kpɛlɛɔ anɔkwale ni eji akɛ nɛkɛ gbɔmɛi nɛɛ kɛ shihilɛi ni baasaa amɛ koni amɛsɔmɔ akɛ ŋwɛi maŋtsɛmɛi kɛ osɔfoi ni yɔɔ mlihilɛ kɛ mɔbɔnalɛ Iɛ ekpe yɛ amɛshihilɛ be mli ni amɛye nɔ kunim lɛ nɔ. Luka 15:​1-10; Mateo 9:​13; 1 Korintobii 6: 2, 3; Kpojiemɔ 20:⁠6.

◆ Mɛni hewɔ Yesu kɛ eshafeelɔi ni ale amɛ lɛ bɔ lɛ, ni mɛɛ wiemɔi Farisifoi lɛ wie kɛshi lɛ?

◆ Te Farisifoi Iɛ buɔ mɛi krokomɛi ni tamɔɔɔ amɛ lɛ tɛŋŋ?

◆ Mɛɛ sane naatsɔɔmɔi Yesu kɛtsu nii, ni mɛni wɔ baanyɛ wɔkase kɛjɛ mli?

◆ Mɛni hewɔ miishɛɛ ni ŋwɛibɔfoi Iɛ naa lɛ sa kadimɔ lɛ?