Maŋtsɛyeli Jajelɔi Bɔ Amaniɛ

Maŋtsɛyeli Sanekpakpa Ni Jɛ Australia

YEHOWA Odasefoi ni yɔɔ Australia lɛ miijaje Maŋtsɛyeli Iɛ he sanekpakpa Iɛ kɛ ekaa taakɛ afeɔ yɛ shikpɔji krokomɛi 211 nɔ Iɛ. Odasefoi fe 49,000 ni yɔɔ jɛmɛ lɛ miina jɔɔmɔi babaoo mli ŋɔɔmɔ Gbɔmɛi ni jɛ maji sɔrɔtoi anɔ efa kɛyahi jɛmɛ afii babaoo nɛ, no hewɔ lɛ amrɔ nɛɛ asafoi ni wieɔ wiemɔi sɔrɔtoi 58 buɔ amɛsɔɔmɔ nitsumɔ he akɔntaa yɛ jɛmɛ. Buu Mɔɔ Asafo lɛ nitsumɔ he nine Iɛ gbaa wɔ niiashikpamɔi ni woɔ mɔ hewalɛ.

Vietnamnyo Abobalɔ

Vietnamnyo abobalɔ ko, ni amrɔ nɛɛ eyɔɔ Australia lɛ da akɛ mɔ ni akɛ Confusio, kɛ Buddha jamɔ kɛ blematsɛmɛi ajamɔ kɛ agbɛnɛ Bokagbɛ kɛ Anaigbɛ jeŋ nilee etsɔse Iɛ. Dani 1975 aaashɛ Iɛ, no mli lɛ eji asraafonyo yɛ South Vietnam asraafoi Iɛ ateŋ. Yɛ 1979 mli lɛ, afo enine abɛku yɛ nɔ ko ni fuu yɛ enineshi lɛ hewɔ. Akɛni eeshwe ni eye ehe hewɔ Iɛ, ejo foi kɛjɛ Vietnam yɛ 1983, kɛ mɛi krokomɛi 24 yɛ lɛlɛ bibioo ko mli. Yɛ be mli ni amɛkɛ ŋshɔ hiɛ ojotswalɔi ni he yɔɔ gbeyei lɛ ekpe shii abɔ Iɛ, lɛlɛ bibioo ni amɛta mli lɛ bafee nɔ ni eka South China Ŋshɔ lɛ hiɛ ni miikpalaŋŋ kɛmiiya kɛkɛ gbii ekpaa, kɛyashi yɛ naagbee lɛ, amɛyashɛ Malaysia. Yɛ be mli ni ehi abobaa ŋsra ko mli nyɔji enumɔ lɛ, aŋmɛ Iɛ gbɛ ni ebote Australia. Nyɔji etɛ sɛɛ Iɛ ekɛ anɔkwale Iɛ bakpe. Yesu Wiemɔ ni yɔɔ Yohane 8:32 lɛ ha bɔ ni eshweɔ heyeli babaoo ha lɛ hetoo: “Ni nyɛaale anɔkwale Iɛ, ni anɔkwale Iɛ aaaha nyɛye nyɛhe.” Nyɛmimɛi Iɛ jie suɔmɔ babaoo kpo amɛtsɔɔ lɛ. Ŋmɛnɛ eji Yehowa Odasefonyo ni etsɔ dɛŋdade ko ni miiye kɛmiibua gbɔmɛi pii ni wieɔ Vietnam wiemɔ lɛ koni amɛkase anɔkwale ni haa mɔ yeɔ ehe lɛ.

Australia Shikwɛ̃ɛnyo Here Anɔkwale Iɛ Nɔ

Nyɛminuu obalanyo gbɛgbalɔ ko kɛ ehefatalɔ yanina Australia Shikwɛ̀ɛnyo ni ji yoo yɛ Australia shikpɔŋ lɛ kooyi-anaigbɛ yɛ he ni weku nɛɛ mlibii yɔɔ ni atsɛɔ jɛmɛ woolshed (loo he ni akwɛɔ toi yɛ) Iɛ. Yɛ be mli ni yoo nɛɛ enu nɔ hewɔ ni amɛba eŋɔɔ lɛ, yoo Iɛ jie samfee ko ni tsotsoro ekuɛ ni ekɛgbele dade adeka agbo ko. Nɔ ni fee nyɛmimɛi Iɛ anaakpɛɛ ji, nɔ ni fata enibii fioo lɛ ahe ji Buu-Mɔɔ woji bibii enyɔ kɛ Biblia momo ko. Amɛtara shikpɔŋ, ni amɛnyɛ amɛkɛ woji bibii Iɛ ateŋ ekome je nikasemɔ shishi. Eyɛ mli akɛ yoo nɛɛ nyɛɛɛ akane ni asaŋ enyɛɛɛ eŋma hu, shi ebu woji bibii ni enine eshɛ nɔ momo Iɛ akɛ sɛɛnamɔ babaoo yɛ he. Akɛ yoo nɛɛ miikase nii bianɛ ni eena he miishɛɛ.

Telifon ni Atswa ni Jeee Gbɛ Aje

Yɛ Sydney maŋtiase ni emlibii shɛɔ aaafee gbɔmɛi akpekpei etɛ Iɛ mli lɛ, gbekɛyoo fioo ko ni eye afii etɛ kɛ telifon miishwɛ ni eetswa yibɔ ko kɛkɛ bɔ ni esumɔɔ Trukaa ni nɔ ni etswa Iɛ yafee Odasefonyo ko nɔ. Nyɛmiyoo ko wo nɔ ni eha hetoo, klɛŋklɛŋ Iɛ esusu akɛ enabi ko ji mɔ ni tswaa telifon lɛ. Kɛkɛ ni enu onukpa gbee. Gbekɛyoo bibioo Iɛ nyɛ ni, ni yoo lɛ kpa fai kɛha ebiyoo Iɛ. Sanegbaa je shishi, kɛkɛ ni nyɛmiyoo lɛ ye odase. Yoo Iɛ wie akɛ: “Mihiɛ ka nɔ akɛ Odasefoi Iɛ baaba mishia nɛɛ ekoŋŋ. Miisumɔ ni mafee Yehowa Odasefoi lɛ ateŋ mɔ kome!” Yoo lɛ tee nɔ ekɛɛ akɛ nyɔji enyɔ pɛ ni etee eyasara Peru ni enyɛkwɛ ko ni amrɔ nɛɛ ebatsɔ Yehowa Odasefoi Iɛ ateŋ mɔ kome Iɛ kɛ eweku shihilɛ miifee Iɛ fɛo. Yoo Iɛ kɛɛ: “Kulɛ miwekunyo Iɛ bii lɛ ji abonsamii bibii, shi amrɔ nɛɛ amɛji ŋwɛibɔfoi bibii!” Ato gbɛjianɔ koni akɛ lɛ akase Biblia lɛ, ni yoo ni na anɔkwale lɛ he miishɛɛ lɛ miishwere kɛmiiya ehiɛ​—fɛɛ jɛ telifon ni ebiyoo bibioo ko tswa ni jeee gbɛ eje Iɛ hewɔ.