Maŋtsɛyeli Jajelɔi Bɔ Amaniɛ

“Ŋmalɛ Fɛɛ Ŋmalɛ ni Yoo Iɛ Kane lɛ Sa Mitsui He”

BƆFO Paulo kɛɛ “ejaakɛ Nyɔŋmɔ wiemɔ Iɛ hiɛ ka ni eyɛ hewalɛ.” (Hebribii 4:12) Enɛ bafee anɔkwale yɛ yoo ko ni jɛ Vietnam ni atsɔse lɛ akɛ Buddhanyo lɛ shihilɛ mli. Esane Iɛ nɛ.

“Mifɔlɔi, ni ka he amɛyɔɔ Vietnam lolo Iɛ ji mɛi ni ale amɛ akɛ Buddhabii kɛkɛ, no hewɔ lɛ atsɔse mi akɛ Buddhanyo aahu kɛyashi mibote gbalashihilɛ mli beni miye afii 22. Miwu wekumɛi lɛ bɔ mɔdɛŋ akɛ amɛaanyɛ minɔ ni maha abaptisi mi yɛ Katolek Sɔlemɔ Iɛ mli. Amɛkɛɛ aatsi mishaayoo ni egbo Iɛ naa ni ekaya ŋwɛi akɛni miji Buddhanyo Iɛ hewɔ! Klɛŋklɛŋ lɛ, mikpɛlɛɛɛ ni mifeɔ nakai, shi sɛɛ mli lɛ, miha abaptisi mi koni amɛtsui anyɔ amɛmli. Shi kɛlɛ, minu he yɛ mitsuiŋ akɛ eha mibatsɔ mɔ ko ni he yɔɔ ŋmɔlɔ, ejaakɛ minyɛɔ osatofeemɔ ni yɔɔ Katolek Sɔlemɔ Iɛ mli lɛ. Sɔrɔto-feemɔ ko bɛ ekɛ Buddha jamɔ Iɛ mli. Amɛkɛ amɛhe woɔ tai kɛ maŋkwramɔ mli nakai nɔŋŋ, ni jamɔi enyɔ lɛ fɛɛ woɔ blemabii ni egboi ajamɔ he hewalɛ.

“Eji mihi Vietnam kulɛ, hegbɛ bibioo ko pɛ mana ni mikɛaakase anɔkwale lɛ. Mida yɛ be mli ni maŋkwramɔŋ bei miiya nɔ yɛ hei babaoo yɛ Vietnam Wuoyigbɛ fɛɛ, ni maŋ nɔ he ni mihi Iɛ kɛ Salgon jɛkɛ waa diɛŋtsɛ. No hewɔ lɛ eji jɔɔmɔ kpele akɛ minyɛ mije mli kɛyahi Australia.

“Miji mɛi ni he ba nii akɛ amɛkɛ lɛlɛ aaaya lɛ ateŋ mɔ kome. Mihiɛ mibi abifao ni eye nyɔji enyɔ lɛ yɛ midɛŋ, ni ebi ni majo foi yɛ duŋ mli kɛjɛ polisifoi lɛ adɛŋ kɛyabote wuoyaa lɛlɛ bibioo ko mli. Beni wɔye gbii kpawo yɛ ŋshɔ hiɛ sɛɛ lɛ, wɔyashɛ Malaysia, ni wɔhi jɛmɛ nyɔji fioo ko yɛ abobalɔi aŋsra ko mli dani wɔba Australia.

“Beni wɔhi Australia afii enyɔ kɛ fa sɛɛ lɛ, Yehowa Odasefoi ba miŋɔɔ yɛ amɛ shia-kɛ-shia sɔɔmɔ Iɛ mli. Beni amɛba miŋɔɔ klɛŋklɛŋ kwraa lɛ, mikpɛlɛ Biblia mli nikasemɔ ni akɛ mi aaafee daa lɛ nɔ ejaakɛ mina enɛ akɛ hegbɛ fɛfɛo ko ni mina ni mikɛbaakase Ŋleshi Blɔfo. Shi Odasefonyo ni bana mi Iɛ jeŋba kɛ anɔkwale ni etsɔɔ mi lɛ sa mihiɛ waa diɛŋtsɛ. Ŋmalɛ fɛɛ ŋmalɛ ni yoo lɛ kane Iɛ sa mitsui he, ni minaaa osatofeemɔ ko kwraa yɛ Yehowa asafo lɛ mli. Beni mikɛ afi kɛ fa ekase Biblia lɛ sɛɛ lɛ, mijɔɔ miwala nɔ miha Yehowa ni abaptisi mi.

“Manyɛ makɛɛ akɛ anɔkwale Iɛ etsake shishinumɔ ni miyɔɔ yɛ shihilɛ he lɛ kwraa. Miwu jeee heyelilɔ, shi Yehowa eye ebua mi ni ewaje mi, kɛ miweku bibioo Iɛ hu fɛɛ. Ebafee mi-Tsɔɔlɔ Kpele ni etsɔɔ mi nii ni eha mitsɔ ŋa kɛ nyɛ kpakpa. Miyaa nɔ midaa Yehowa shi akɛ eye ebua mi kɛje kpo kɛjɛ mumɔŋ duŋ mli kɛba Biblia mli anɔkwale Ia Iɛ mli.”

Lɛlɛŋ, Nyɔŋmɔ Wiemɔ ni jɛ mumɔŋ lɛ na hewalɛ kpakpa yɛ enɔ yɛ sane nɛɛ mli. Biblia Iɛ kasemɔ kɛ nibii ni akaseɔ lɛ kɛ nitsumɔ haa shishinumɔ kɛ yiŋtoo baa shihilɛ mli ni ekɛ mɔ yaa naanɔ wala mli yɛ Nyɔŋmɔ jeŋ hee lɛ mli. Taakɛ Nyɔŋmɔ kɛ mumɔ tsirɛ Mose ni eŋma lɛ, “jeee wiemɔ folo ji ha nyɛ, shi moŋ nyɛyiwala ni.”​—5 Mose 32:⁠47.