Maŋtsɛyeli Jajelɔi Bɔ Amaniɛ
Jeŋba ni Wulaa Wɔ Kristofoi Asɔɔmɔ Lɛ
BƆFO Petro woɔ Kristofoi aŋaa akɛ: “Nyɛbaa nyɛjeŋ jogbaŋŋ yɛ jeŋmajiaŋbii Iɛ ateŋ.” (1 Petro 2:12) Bɔfo Paulo tsɔɔ akɛ, wɔtsɔ wɔjeŋba kpakpa Iɛ nɔ “[wɔ] wula Nyɔŋmɔ ni ji wɔyiwalaherelɔ Iɛ tsɔɔmɔ Iɛ.” (Tito 2:10) Yehowa Odasefoi ni yɔɔ je lɛŋ fɛɛ lɛ yɛ gbɛi kpakpa yɛ jeŋba kpakpa ni amɛyɔɔ Iɛ hewɔ. Kadimɔ nɔkwɛmɔ nii komɛi.
Bɔ ni Tsɔɔlɔ Ko Hiɛ Sɔ Jeŋba Kpakpa Eha
◻ Buu-Mɔɔ Asafo Iɛ nitsumɔ he nine ni yɔɔ Costa Rica Iɛ bɔɔ amaniɛ akɛ obalaŋtai babaoo ni yɔɔ nakai maŋ lɛ mli Iɛ feɔ nɔkwɛmɔ nɔ kpakpa waa. Nyɛminuu ko gba nɔ ni gbala Iɛ kɛba anɔkwale Iɛ mli lɛ. Ekɛɛ: “Nɔ ni gbala mi waa fe fɛɛ ji jeŋba kpakpa ni obalaŋtai kɛ onukpai fɛɛ yɔɔ lɛ, shi titri Iɛ obalaŋtai Iɛ. Beni mitsuɔ nii akɛ tsɔɔlɔ lɛ, mina hegbɛ akɛ makwɛ bɔ ni Odasefoi ni yɔɔ miskul lɛ ji jogbaŋŋ. Ni akɛni mikɛ Yehowa Odasefoi aweku ko hu jeɔ husu hewɔ lɛ, mikwɛ gbekɛbii ni yɔɔ jɛmɛ lɛ hu ajeŋba jogbaŋŋ.
“Mijeee he ŋwane ko kwraa akɛ mina sɔrɔto-feemɔ agbo yɛ nikaselɔi ni ji Odasefoi kɛ nikaselɔi krokomɛi ni yɔɔ miskul Iɛ ateŋ. Odasefoi lɛ yeɔ be nɔ pɛpɛɛpɛ ni amɛbaa amɛjeŋ jogbaŋŋ hu, amɛmaleee kɔkɔɔkɔ, ni amɛtsuɔ nitsumɔ ni ahaa amɛ Iɛ be fɛɛ be. Ni mikpa shi mina hu akɛ, kɛ aafee kaa lɛ amɛyeɔ anɔkwa, eyɛ mli akɛ efɔɔ kaa akɛ nikaselɔi krokomɛi ni eshwɛ lɛ juɔ. Ni kɛfata he lɛ, amɛwieɔ kɛ bulɛ ni amɛbuɔ mi waa akɛ amɛtsɔɔlɔ. Akɛni mihiɛ esɔ Odasefoi obalaŋtai ni yɔɔ miskul lɛ kɛ shia ni mikɛ amɛ jeɔ husu lɛ mli lɛ waa hewɔ lɛ, mibɔi nɛkɛ jamɔ nɛɛ mli taomɔ jogbaŋŋ, ni yɛ naagbee Iɛ mibakpɛlɛ anɔkwale lɛ nɔ.”
Nibii Kpakpai ni Jɛɔ Kristofoi Ajeŋba yɛ Kpee Shishi lɛ Mli Baa
◻ Yehowa Odasefoi lɛ ateŋ mɔ kome ni yɔɔ asafo ko mli yɛ EI Salvador anaigbɛ Iɛ bana he miishɛɛ akɛ eeewie Maŋtsɛyeli lɛ he sanekpakpa Iɛ he etsɔɔ eheloonaa nyɛmimɛi enyɔ. Mɔ kome bo toi ni ekɛ Yehowa Odasefoi bɔi Biblia lɛ kasemɔ. Enyɛminuu kroko lɛ yaa Evangelical sɔlemɔ ni atsɛɔ Iɛ Prince of Peace lɛ, ni ekɛɛ enyɛminuu Iɛ akɛ: “Okɛ mi akawie; ootsu nii kɛmiiha Abonsam.”
Beni be bashɛ ni abaafee kpokpai wuji anɔ kpee lɛ, mɔ ni kaseɔ nii lɛ fɔ enyɛminuu Iɛ nine ni efata ehe kɛya kpee Iɛ. Enyɛminuu lɛ kɛɛ: “Ojogbaŋŋ, mikɛ bo baaya; miiya ni miyakwɛ he ni kɛ miitao Odasefoi lɛ, minine baanyɛ ashɛ amɛnɔ yɛ.” No hewɔ lɛ nyɛmimɛi hii enyɔ nɛɛ tee kpee lɛ kutuu. Nyɛmimɛi babaoo ni ba kɛ bɔ ni ato kpee Iɛ he gbɛjianɔ jogbaŋŋ pɛpɛɛpɛ Iɛ fee mɔ ni yaa Evangelical sɔlemɔ lɛ fɛo, ni ekɛɛ enako nɔ ko ni tamɔ nakai da. Beni amɛba shia lɛ, ekɛɛ enyɛminuu Iɛ akɛ: “Taa midɛŋ.” Ni enyɛminuu lɛ bi Iɛ akɛ: “Mɛni sane eba?” Eha Iɛ hetoo akɛ: “Bo lɛ, taa midɛŋ da.” Ni amɛtataa amɛdɛŋ, ni nyɛminuu ni yaa Evangelical sɔlemɔ lɛ jaje akɛ: “Kɛjɛ ŋmɛnɛ nɔ kɛyaa lɛ, mikɛ Yehowa Odasefoi baakase nii. Yɛ anɔkwale mli lɛ, mileee kwraa akɛ nɔ ko miiŋmɛɛ mi nɛkɛ.” Amrɔ nɛɛ lɛ hu ebatsɔ Nyɔŋmɔ Maŋtsɛyeli Iɛ he sanekpakpa lɛ shiɛlɔ ni yɔɔ ekaa.