SANEYITSO LƐ MLITSƆƆMƆ | ANI OBAASUMƆ NI OKASE BIBLIA LƐ?

Ato Biblia Kasemɔ He Gbɛjianɔ Kɛhã Mɛi Fɛɛ

Ale Yehowa Odasefoi waa yɛ amɛshiɛmɔ nitsumɔ lɛ hewɔ. Shi ani ole hu akɛ wɔto gbɛjianɔ ni wɔkɛ mɛi kaseɔ Biblia lɛ yɛ jeŋ fɛɛ?

Nuu ko ni miikase Biblia lɛ yɛ enitsumɔhe

Yɛ afi 2014 lɛ, Odasefoi ni fa fe 8,000,000 ni yɔɔ maji 240 amli lɛ kɛ mɛi aaashɛ 9,500,000 kase Biblia lɛ daa nyɔɔŋ.a Kɛ́ akɛ mɛi ni wɔkɛkaseɔ Biblia lɛ to maji 140 komɛi ahe lɛ, mɛi ni wɔkɛ kaseɔ Biblia lɛ ayi fa kwraa fe mɛi ni yɔɔ maji nɛɛ eko fɛɛ eko nɔ!

Bɔ ni afee ni anyɛ atsu nitsumɔ nɛɛ lɛ, daa afi lɛ Yehowa Odasefoi kalaa Bibliai, woji, magazin srɔtoi, kɛ nibii krokomɛi ni akɛkaseɔ Biblia lɛ akpekpe toi akpe kome kɛ fã yɛ wiemɔi aaafee 700 mli! Yehowa Odasefoi pɛ bɔɔ mɔdɛŋ kɛkalaa woji babaoo nɛkɛ, ni enɛ hãa mɛi náa hegbɛ kɛkaseɔ Biblia lɛ yɛ wiemɔ ni amɛsumɔɔ mli.

“Be ni miyaa skul lɛ, misumɔɔɔ nikasemɔ kwraa, shi nikasemɔ nɛɛ ŋɔɔ waa. Ni nibii ni mikase lɛ hã mimii shɛ mihe waa!”—Katlego, South Africa.

“Miná misanebimɔi lɛ fɛɛ kɛ ekrokomɛi hu ahetoo yɛ nikasemɔ lɛ mli.”—Bertha, Mexico.

“Wɔfeɔ nikasemɔ lɛ yɛ mishĩa lɛ yɛ be ni hi hã mi lɛ mli. Nɔ ko nɔ ko bɛ ni hi fe enɛ!”—Eziquiel, Brazil.

“Wɔkɛ minitii 15 kɛmiimɔ 30 feɔ nikasemɔ lɛ, ni bei komɛi lɛ, nɔ ni fe nakai—wɔfeɔ yɛ be falɛ ni hi hã mi lɛ naa.”—Viniana, Australia.

“Aheee shika ko kwraa—eyɛ naakpɛɛ waa!”—Aimé, Benin.

“Mɔ ni kɛ mi kase Biblia lɛ to etsui shi waa ehã mi, ni emli hi hu. Wɔbatsɔmɔ nanemɛi.”—Karen, Northern Ireland.

“Akɛ mɛi pii kaseɔ Biblia lɛ, shi amɛbatsɔmɔɔɔ Odasefoi.”—Denton, England.

SAJI NI MƐI FƆƆ BIMƆ YƐ BIBLIA MLI NIKASEMƆ NI WƆKƐ MƐI FEƆ LƐ HE, KƐ AMƐHETOI

Te ato Biblia mli nikasemɔ lɛ he gbɛjianɔ ahã tɛŋŋ?

Wɔhalaa Biblia mli saji srɔtoi ni wɔkɛ ŋmalɛi ni kɔɔ nakai saji lɛ ahe lɛ susuɔ he. Akɛ nɔkwɛmɔnɔ lɛ, Biblia lɛ hãa sanebimɔi tamɔ nɔ ni nyiɛ sɛɛ nɛɛ ahetoo: Namɔ ji Nyɔŋmɔ? Te Nyɔŋmɔ su yɔɔ tɛŋŋ? Ani eyɛ gbɛ́i? Nɛgbɛ eyɔɔ? Ani wɔbaanyɛ wɔbɛŋkɛ lɛ? Kɛ̃lɛ, naagba lɛ ji, Biblia lɛ mli nɛgbɛ tuuntu wɔbaana hetoi lɛ yɛ?

Bei pii lɛ, wɔkɛ Mɛni Biblia lɛ Tsɔɔ Diɛŋtsɛ? wolo lɛ yeɔ ebuaa mɛi koni amɛná sanebimɔi nɛɛ ahetoo.b Yiŋtoo titri hewɔ ni afee wolo nɛɛ ji, ni eye ebua mɛi koni amɛnu Biblia mli shishijee tsɔɔmɔi lɛ ashishi. Tsɔɔmɔi nɛɛ ekomɛi kɔɔ Nyɔŋmɔ, Yesu Kristo, adesai anɔnaa, gbohiiashitee, sɔlemɔ, kɛ saji krokomɛi babaoo he.

Mɛɛ be, ni nɛgbɛ abaanyɛ afee nikasemɔ lɛ yɛ?

Abaanyɛ afee nikasemɔ lɛ yɛ be kɛ he ni hi hã bo.

Bei enyiɛ nikasemɔi lɛ eko fɛɛ eko heɔ?

Mɛi komɛi halaa akɛ daa otsi lɛ, amɛkɛ ŋmɛlɛtswaa kome loo nɔ baakase Biblia lɛ. Abɛ be pɔtɛɛ ni nikasemɔ lɛ heɔ. Wɔkɛ be falɛ ni baahi kɛhã bo baafee. Mɛi komɛi kɛ minitii 10 loo 15 pɛ kaseɔ Biblia lɛ daa otsi.

Shika enyiɛ awoɔ kɛhã nikasemɔ lɛ?

Awooo nikasemɔ lɛ kɛ woji ni akaseɔ lɛ he nyɔmɔ. Enɛ kɛ gbɛtsɔɔmɔ ni Yesu kɛhã esɛɛnyiɛlɔi lɛ kpãa gbee; ekɛɛ amɛ akɛ: “Yaka nyɛná, yaka nyɛŋɔhãa.”—Mateo 10:8.

Bei enyiɛ nikasemɔ muu lɛ fɛɛ baahe?

Bei abɔ ni nikasemɔ muu lɛ fɛɛ baahe lɛ damɔ onɔ. Saneyitsei 19 yɔɔ Mɛni Biblia lɛ Tsɔɔ Diɛŋtsɛ? wolo lɛ mli. Obaanyɛ okase yitsei lɛ ekomɛi loo fɛɛ yɛ bei falɛ ni baahi kɛhã bo lɛ naa.

Ani esa akɛ matsɔ Yehowa Odasefonyo?

Dabi. Wɔkpɛlɛɔ nɔ akɛ mɔ fɛɛ mɔ yɛ hegbɛ akɛ eheɔ nɔ fɛɛ nɔ ni esumɔɔ lɛ eyeɔ. Kɛ̃lɛ, kɛ́ mɛi ná amɛle Biblia mli shishijee tsɔɔmɔi lɛ, amɛbaanyɛ amɛfee nihalamɔ ni ja.

Kɛ́ miitao male Yehowa Odasefoi ahe saji babaoo lɛ, nɛgbɛ mana yɛ?

Obaana nɔ ni Yehowa Odasefoi heɔ amɛyeɔ kɛ nibii ni amɛfeɔ lɛ he saji yɛ jw.org/gaa Wɛb saiti lɛ nɔ.

Te mafee tɛŋŋ mabi ni akɛ mi akase Biblia lɛ?

Mɛi miitsɔ gbɛi srɔtoi anɔ amɛmiibi ni akɛ amɛ akase Biblia lɛ: Intanɛt lɛ, woloŋmaa nɔ, kɛ omaŋ lɛ woji ni ato tɛlifoŋ nɔmbai anaa yɛ mli lɛ nɔ

Bi kɛtsɔ www.jw.org/gaa lɛ nɔ.
Tsɔ adrɛs ni yɔɔ wolo nɛɛ baafa enyɔ lɛ eko nɔ oŋma kɛbi.
Bi Yehowa Odasefoi ni yɔɔ he ni oyɔɔ lɛ. Obaanyɛ otao “Yehowa Odasefoi” lɛ atɛlifoŋ nɔmba yɛ omaŋ lɛ woji ni ato tɛlifoŋ nɔmbai anaa yɛ mli lɛ mli koni otswa amɛBi Yehowa Odasefoi ni yɔɔ he ni oyɔɔ lɛ. Obaanyɛ otao “Yehowa Odasefoi” lɛ atɛlifoŋ nɔmba yɛ omaŋ lɛ woji ni ato tɛlifoŋ nɔmbai anaa yɛ mli lɛ mli koni otswa amɛ.

a Bei pii lɛ, akɛ aŋkroaŋkroi loo kui bibii kaseɔ Biblia lɛ.

b Yehowa Odasefoi ji mɛi ni fee wolo nɛɛ. Akala wolo nɛɛ nɔ ni fa fe akpekpei 230 yɛ wiemɔi 260 mli.

YELIKƐBUAMƆ KƐHÃ WEKUI

“Be ni akɛ miŋa bɔi Biblia lɛ kasemɔ lɛ, miyɔse tsakemɔi wuji yɛ eshihilɛ mli. Wɔweku shihilɛ lɛ bahi fe tsutsu lɛ. Akɛni miitao male nibii ni akɛlɛ kaseɔ lɛ hewɔ lɛ, mi hu mihã akɛmi bɔi Biblia lɛ kasemɔ. Nɔ ni mikase lɛ hã mitsɔ gbɔmɔ kpakpa. Biblia lɛ ni akɛwɔ kase lɛ hã wɔweku lɛ fee ekome.”—Eziquiel.

“Be ni mibɔi Biblia lɛ kasemɔ lɛ, mikpa tsofai kɛnitsumɔ yɛ gbɛ ni ejaaa nɔ, mikpa dãa tɔɔ, ni minyɛ mibɔi mimlifu nɔyeli. Amrɔ nɛɛ mishĩa lɛ efee falefale. Mibasumɔ miweku lɛ waa, ni mifeɔ nibii ni baahã amɛná miishɛɛ. Bianɛ lɛ, miyɛ miishɛɛ waa.”—Karen.

“Be ni mibɔi Biblia lɛ kasemɔ lɛ, mɛi komɛi wie amɛshi mi. Shi miwu fĩ misɛɛ, ni ekɛɔ akɛ: ‘Nɔ ni mɛi baawie lɛ gbaaa minaa. Tsakemɔ ni obaatsake lɛ ji nɔ ni he hiaa mi. Yaa nɔ okase Biblia lɛ.’ Wɔweku shihilɛ lɛ efee miishɛɛ fe be fɛɛ ni eho!”—Viniana.