Kɛ́ oona nɔ lɛ, te Nyɔŋmɔ nuɔ he ehãa tɛŋŋ?

Mɛi komɛi kɛɔ akɛ kɛ́ wɔmiina nɔ lɛ, Nyɔŋmɔ enaaa, ni esusuuu he hu.

SUSUMƆ NƆ NI BIBLIA LƐ KƐƆ LƐ HE OKWƐ

• Nyɔŋmɔ naa, ni esusuɔ he hu

  “Yehowa na akɛ gbɔmɔ nɔfɔŋfeemɔ lɛ efa babaoo yɛ shikpɔŋ lɛ nɔ . . . , ni ewerɛ ho ehe yɛ etsui mli.”​—1 Mose 6:5, 6.

• Nyɔŋmɔ baafo nɔnai fɛɛ asɛɛ

  “Eshwɛ be fioo kɛkɛ, ni onaŋ mɛi fɔji lɛ dɔŋŋ; obaayakwɛ he ni amɛyɔɔ lɛ, shi onaŋ amɛ yɛ jɛmɛ. Shi mɛi ni he jɔ lɛ, shikpɔŋ lɛ baatsɔ amɛnɔ, ni amɛmii baashɛ amɛhe waa yɛ toiŋjɔlɛ babaoo mli.”​—Lala 37:10, 11.

• Nɔ ni Nyɔŋmɔ sumɔɔ ni oná

  “‘Mi lɛ, mile jwɛŋmɔi ni mijwɛŋɔ yɛ nyɛhe lɛ jogbaŋŋ,’ Yehowa kɛɛ, ‘toiŋjɔlɛ jwɛŋmɔi ni, shi jeee sane fɔŋ, koni ahi ahã nyɛ wɔsɛɛ ni nyɛná hiɛnɔkamɔ. Ni nyɛbaatsɛ mi, ni nyɛbaaba nyɛbasɔle nyɛhã mi, ni mabo nyɛ toi.’”—Yeremia 29:11, 12.

  “Nyɛtsia nyɛbɛŋkɛa Nyɔŋmɔ, ni ebaatsi ebɛŋkɛ nyɛ.”​—Yakobo 4:8.