Mɛni Biblia Lɛ Kɛɔ?

Ani be ko baashɛ ni toiŋjɔlɛ baahi shikpɔŋ lɛ nɔ?

Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

Yɛ Yesu Kristo nɔyeli lɛ shishi lɛ, “hejɔlɛ aaafa kɛyashi beyinɔ ni nyɔɔŋtsere bɛ dɔŋŋ”​—ni tsɔɔ akɛ, kɛmiiya naanɔ.​—Lala 72:7.

Mɛni hu wɔkaseɔ kɛjɛɔ Biblia lɛ mli?

• Abaakpãtã mɛi fɔji ahiɛ kɛje shikpɔŋ lɛ nɔ, ni no baahã gbɔmɛi kpakpai ‘amii ashɛ amɛhe yɛ hejɔlɛ babaoo mli.’​—Lala 37:10, 11.

• Nyɔŋmɔ baafo ta sɛɛ yɛ shihilɛ mli.—Lala 46:8, 9.

Ani wɔbaanyɛ wɔná toiŋjɔlɛ diɛŋtsɛ yɛ shihilɛ mli bianɛ?

Mɛi komɛi heɔ amɛyeɔ . . . akɛ bei abɔ ni piŋmɔ efa yɛ je lɛ mli, ni ayeee jalɛ sane hu nɛɛ, wɔtoiŋ nyɛŋ ajɔ wɔ kɔkɔɔkɔ. Te bo hu osusuɔ tɛŋŋ?

Nɔ ni Biblia lɛ kɛɔ

Yɛ wɔbei nɛɛ amli po lɛ, mɛi ni kɛ Nyɔŋmɔ bɔɔ gbagbalii lɛ baanyɛ aná “Nyɔŋmɔ toiŋjɔlɛ ni fe niiashishinumɔi fɛɛ lɛ.”​—Filipibii 4:6, 7.

Mɛni hu wɔkaseɔ kɛjɛɔ Biblia lɛ mli?

• Nyɔŋmɔ ewo shi akɛ ebaajie piŋmɔ kɛ jalɛ sane ni ayeee kɛje shihilɛ mli, ni ‘ebaafee nibii fɛɛ ehee.’​—Kpojiemɔ 21:4, 5.

• Kɛ́ wɔfee nibii ni Nyɔŋmɔ sumɔɔ lɛ, wɔtsui baanyɔ wɔmli.​—Mateo 5:3.