Nyɛshɛa Woji Tɛtrɛbii Nyɛhaa Tafaa Krɛdɛɛ Lɛ

Nɔ ni baaje kpo yɛ April kɛ May Buu-Mɔɔ lɛ mli lɛ ji saji ni mli wawai ni kpaa Babilon kpeteŋkpele lɛ he mama. Agbɛnɛ akɛ yiŋkpɛɛ ni Yehowa Odasefoi kpɛlɛ nɔ yɛ “Ŋwɛi Jalɛsaneyeli” Kpokpaa Wulu nɔ Kpeei lɛ ashishi lɛ baawo April 15 Buu-Mɔɔ lɛ mli. Wɔmiisumɔ ni wɔja enɛ babaoo kɛ woji tɛtrɛbii krokomɛi lɛ hu yɛ nɛkɛ nyɔji enyɔ woji tɛtrɛbii ashɛɛ tafaa nɛɛ mli.

Kɛfata mɔdɛŋ krɛdɛɛ ni shiɛlɔi fɛɛ baabɔ koni amɛja Buu-Mɔɔ lɛ kɛ Awake! woji tɛtrɛbii lɛ he lɛ, ŋwanejee ko bɛ he akɛ nyɛmimɛi pii kɛ amɛhe baawo gbɛgbalɔi awamɔ sɔɔmɔ lɛ mli ni amɛbaatao woji tɛtrɛbii krokomɛi amɛfata he yɛ tafaa nɛɛ mli. Yɛ be mli ni amɛsaa amɛhe amɛhaa tafaa krɛdɛɛ nɛɛ lɛ, asafoi lɛ asusu nɔ ni he baahia amɛ ni amɛbaashɛ amɛfata April kɛ May nɔ lɛ ahe ni amɛshɛ nɔ ni fa kɛtsɔ nɛkɛ tafaa nɛɛ hiɛ.