Saamɔ Ohe Kɛha Buu-Mɔɔ Shɛɛ He Tafaa

Akɛni aakpa Buu-Mɔɔ shɛɛ he tafaa ni fe fɛɛ gbɛ yɛ May kɛ June mli hewɔ lɛ. Asafo lɛ miisaa Buu-Mɔɔ lɛ kɛ Awake! lɛ krɛdɛɛ nɔ ni abaana he miishɛɛ. Emli saji otii lɛ baatsu saji sɔrɔtoi ni yɔɔ gbɔmɛi ni yɔɔ he fɛɛ he lɛ ajwɛŋmɔi amli titri lɛ ahe nii.

Buu-Mɔɔ lɛ baawie saji nɛɛ ahe: “Ani Ekpe Sɛɛ Tsɔ Fe Bɔ Ni Osusuɔ?” (April 1) . “Mɛɛ Be Toiŋjɔlɛ Diɛŋtsɛ Baaba?” (April 15) , “Efɔŋfeemɔ Naa ni Aaadamɔ yɛ Basabasa Jeŋ Ko Mli” (May 1) , kɛ “Okɛ Nyɔŋmɔ Aye Klɛŋklɛŋ Gbɛhe yɛ Oweku Shihilɛ Mli!” (May 15) . Awake! mli saji lɛ baawie nɛkɛ saji nɛɛ ahe: ‘Beni Gbɔmɔ kɛ Kooloi Hiɔ Shi yɛ Toiŋjɔlɛ Mli’ (April 8) , ‘Yelikɛbuamɔ kɛha Gbekɛbii ni amɛ Fɔlɔi Etse Gbala Mli’ (April 22) . ‘Loto He Sɛkɛyeli Lɛ​—Namɔ Yeɔ? Namɔ Yeee?’ (May 8) , kɛ ‘Televishin​—Adeka ni Tsake Je Lɛ’ (May 22) .

Esa akɛ shiɛlɔi fɛɛ, titri lɛ gbɛgbalɔi lɛ ale yibɔ ni he hiaa amɛ kɛha nitsumɔ ni yaa hiɛ yɛ eshɛɛ lɛ kɛhamɔ kɛ woji tɛtrɛbii lɛ ekomekomei kɛhamɔ mli. Kɛ woji tɛtrɛbii ni baa lɛ faaa lɛ, wɔbaanyɛ ni wɔkɛ wɔ diɛŋtsɛ wɔnɔ lɛ atsɔɔ ni wɔkɛtee shiatsɛ lɛ miishɛɛ shi. Esa akɛ woloŋmalɔi lɛ akwɛ koni eshɛɛ he woji bibii lɛ saŋŋ ahi shi kɛha tafaa lɛ.