Sanebimɔ He

● Kɛji shiɛlɔ ko fa kɛtee he kroko lɛ, mɛni esa akɛ afee ni akɛye abua kɛha asafo hee lɛ mli yaa?

Kɛji shiɛlɔ ko jɛ asafo kroko mli eba nɔŋŋ pɛ lɛ, esa akɛ asafo lɛ woloŋmalɔ lɛ ahe asafo ni shiɛlɔ lɛ kɛbɔɔ tsutsu lɛ gbɛi kɛ agbɛnɛ nakai asafo lɛ woloŋmalɔ lɛ gbɛi kɛ edrɛs kɛjɛ shiɛlɔ lɛ dɛŋ. No sɛɛ lɛ esa akɛ eŋma wolo kɛyaha etsutsu asafo lɛ woloŋmalɔ lɛ, ni ebi ni akɛ shiɛlɔ lɛ Congregation’s Publisher Record wolo lɛ amaje kɛ wolo kroko ni tsɔɔ nɔ ni amɛyɔɔ kɛɛmɔ yɛ ehe. Esa akɛ woloŋmalɔ ni nine shɛɔ nibimɔ nɛɛ nɔ lɛ atsu he nii amrɔ nɔŋŋ. Sɔɔmɔ ajinafoi lɛ baanyɛ amɛkɛ amɛnine awo wolo lɛ shishi.​—Kwɛmɔ Organized to Accomplish Our Ministry wolo lɛ baafai 104-5.

Shiɛlɔ ni toɔ egbɛjianɔ ni eya he kroko lɛ hu baanyɛ aye abua kɛtsɔ kwɛmɔ ni eeekwɛ ni eŋma asafo ni eshiɔ mli lɛ gbɛi kɛ woloŋmalɔ lɛ hu gbɛi kɛ edrɛs jogbaŋŋ lɛ nɔ. Kɛkɛ lɛ, kɛ etee asafo hee lɛ mli lɛ, ebaanyɛ ekɛ saji ni eŋmala nɛɛ aha woloŋmalɔ ni yɔɔ jɛmɛ lɛ bɔni afee ni enyɛ etsu he nii oya nɔŋŋ. Abaanyɛ akɛ shiɛmɔ he akɔntaabuu ni ekɛbaaha shiɛmɔ he akɔntaabuu wolo lɛ nɔ. Yɛ no sɛɛ lɛ abaanyɛ aŋmala shiɛlɔ lɛ nitsumɔ yɛ ewolo lɛ nɔ ni akɛfata asafo lɛ akɔntaabuu kɛha nyɔŋ ni nyiɛ sɛɛ lɛ he.

Yɛ shihilɛi komɛi amli lɛ shiɛlɔ lɛ nyɛɔ eleɔ asafo hee ni eyaa mli lɛ woloŋmalɔ lɛ gbɛi kɛ edrɛs. Kɛji nakai lɛ, ehe ehiaaa ni onukpai lɛ amɛ ni asafo hee lɛ aŋma wolo kɛbabi amɛ nibii nɛɛ da. Abaanyɛ akɛ shiɛlɔ lɛ nitsumɔ he akɔntaabuu wolo kɛ wolo ni abaaŋma kɛtsɔɔ nɔ ni amɛyɔɔ kɛɛmɔ yɛ ehe lɛ amaje asafo ni shiɛlɔ lɛ kɛbɔɔ lɛ amrɔ nɔŋŋ.