Bɔ Ni Index Lɛ He Aaanyɛ Aba Sɛɛnamɔ Kɛha Weku Lɛ Yɛ
1 Beni ewieɔ weku lɛ mlibii ahe lɛ, 1 Timoteo 5:4, (NW) jaje akɛ: “Amɛkase Nyɔŋmɔ jamɔ hetuu-kɛhamɔ yɛ amɛ diɛŋtsɛ amɛwe tsutsu.” Lɛlɛŋ, ebiɔ ni wɔkase bɔ ni wɔɔfee wɔkɛ Nyɔŋmɔ jamɔ hetuu-kɛhamɔ atsu nii yɛ bɔ ni wɔkɛ weku lɛ mlibii yeɔ haa lɛ mli. Ni ŋwɛi gbɛtsɔɔmɔ he miihia wɔ yɛ enɛ gbɛfaŋ. ejaakɛ wɔweku lɛ mlibii ahiamɔ nii ni wɔɔtsu he nii lɛ ji wɔ Kristofoi agbɛnaa nii lɛ fa. Watch Tower Publications Index lɛ baanyɛ aye abua wɔ ni wɔna gbɛtsɔɔmɔ yɛ shihilɛi sɔrɔtoi ni baa yɛ weku lɛ mli lɛ he.
2 Weku baa shihilɛ mli kɛji nuu kɛ yoo bote gbalashihilɛ mli. (1 Mose 2:24) Ani okɛ hiɛdɔɔ miisusu gbalashihilɛ mlibotemɔ he? Kɛ okwɛ yitso ni ji “Marriage” (gbalashihilɛ) shishi lɛ. Obaana yitso bibioo ni ji “selecting a mate” (hefatalɔ halamɔ) . Hei ni atsɛ yisɛɛ lɛ baatsɔɔ bo he ni obaana ŋaawoo ni yeɔ ebuaa lɛ yɛ nɛkɛ mɔdɛŋbɔɔ ni bei komɛi lɛ ehe nitsumɔ wa nɛɛ he. Index lɛ hu yɛ yitsei bibii ni kɔɔ “husband’s role” (wu gbɛnaa nii) kɛ “wife’s role” (ŋa gbɛnaa nii) he, ni eko fɛɛ eko etsɔɔ he ni abaanyɛ ana saji ni he baanyɛ aba sɛɛnamɔ aha mɛi ni taoɔ amɛbote gbalashihilɛ mli kɛ mɛi ni ebote mli momo lɛ yɛ. Kɛfata he lɛ, yitsei bibii tamɔ “basis for happiness” (nɔdaamɔ nɔ kɛha miishɛɛ namɔ) , “communication” (sanegbaa) , kɛ “faithfulness” (anɔkwayeli) gbalaa jwɛŋmɔ kɛyaa saji ni baaha miishɛɛ ahi gbalashihilɛ mli lɛ anɔ. Kɛ naagbai te shi lɛ, yitso bibioo ni ji “problems” (naagbai) lɛ baanyɛ atsɔɔ bo hei ni ŋaawoo ni hi jogbaŋŋ ni baanyɛ aye abua ni anyɛ atsu he nii lɛ yɔɔ.
3 Musuŋ bii ji gboshinii ni jɛɔ Yehowa ŋɔɔ. (Lala 127:3) Te fɔlɔi aaafee tɛŋŋ amɛlɛ amɛbii lɛ “yɛ Nuŋtsɔ lɛ [Yehowa] tsɔsemɔ kɛ ŋaawoo lɛ mli.” (Efes. 6:4) Nɔ ni he hiaa waa yɛ enɛ mli ji gbɛtsɔɔmɔ ni Yehowa kɛhaa kɛtsɔɔ e-Wiemɔ lɛ kɛ tsulɔ anɔkwafo kuu lɛ nɔ lɛ. Ehe miihia ni fɔlɔi ana sanesɛɛkɔmɔ yɛ bɔ ni amɛbii lɛ nuɔ nii ahe amɛhaa kɛ amɛhiamɔ nii ahe. Abaanyɛ ana ŋaawoo ni yeɔ ebuaa kɛtsɔ Index lɛ mli yitsei ni ji “Children” (Gbekɛbii) kɛ “Youths” (Obalaŋtai) nɔ. Ni Yehowa mla lɛ ni wɔɔdũ wɔwo gbekɛbii lɛ atsuii amli lɛ hu? Yitso ni ji “Child Training” (Bii Atsɔsemɔ) lɛ hu gbalaa jwɛŋmɔ kɛyaa hei fɛɛ ni asusu gbekɛbii atsɔsemɔ he saji ahe yɛ lɛ nɔ, kɛ bɔ ni aaafee aye abua amɛ ni amɛna amɛkɛ Yehowa teŋ wekukpaa kpakpa ni amɛna suɔmɔ amɛha anɔkwale lɛ hu.—1 Pet. 2:2.
4 Weku Biblia mli sanegbaa ni atsɔ hiɛ ato he gbɛjianɔ momo he miihia kɛha weku lɛ omanyeyeli. (5 Mose 6:6-9; Yes. 54:13; Efes. 5:25, 26) Atsɔɔ hei ni abaanyɛ ana gbɛi ni atsɔɔ nɔ ahaa weku sanegbaa feɔ miishɛɛ lɛ yɛ yitso ni ji “Families” (Wekui) shishi. Yitsei bibii ni ji “Bible Study” (Biblia Kasemɔ) kɛ “teaching children from Infancy” (gbekɛbii anitsɔɔmɔ kɛjɛ be mli ni amɛji abifabii) ni yɔɔ 1980-1985 Index lɛ mli lɛ etsɔɔ hei babaoo ni abaanyɛ ana gbɛi ni atsɔɔ nɔ afeɔ weku nikasemɔ yɛ gbɛ ni mɔɔ shi nɔ, ni kɛlɛ anaa he miishɛɛ lɛ yɛ. Agbɛnɛ hu, mɛni hewɔ nyɛsusuuu Yehowa Odasefoi lɛ ekomɛi ashihilɛ he saji ahe yɛ be kɛ bei amli? Abaanyɛ ana nɛkɛ saji nɛɛ yɛ yitsei tamɔ “Full Time Ministry,” “Missionaries,” kɛ “Pioneers” kɛ ekrokomɛi ashishi. Atsɔɔ hei sɔrɔtoi lɛ fɛɛ yɛ yitso ni ji “Life Stories of Jehovah’s Witnesses” shishi, kɛ shihilɛ he saji ni hiɛ yitsei tamɔ ‘Yiŋkpɛi ni Eye Ebua ni Eha Mishihilɛ Efee Miishɛɛ,’ ‘Miyɛ Miishɛɛ, yɛ Migbɔmɔtsoŋ Gbɔjɔmɔ lɛ Fɛɛ Sɛɛ.’ kɛ ‘Ni Aaasɔmɔ Nyɔŋmɔ Akɛ Weku.’
5 Watch Tower Publications Index lɛ ji dɛŋdade ko ni hi jogbaŋŋ kɛha ŋaawoo kɛ saji ni kɔɔ weku shihilɛ he lɛ ataomɔ. Eba akɛ eeeye ebua bo ni ona miishɛɛ babaoo yɛ be mli ni otsuɔ gbɛnaa nii ni ka onɔ yɛ weku lɛ mli lɛ he nii lɛ.