Wɔ Maŋtsɛyeli Sɔɔmɔ Lɛ He Nii Ni Wɔɔtsu Yɛ Shiɛmɔ Mli
1 Suɔmɔ ni wɔyɔɔ kɛha Yehowa kɛ wɔnaanyo gbɔmɔ lɛ kanyaa wɔ koni wɔshiɛ Maŋtsɛyeli lɛ he sanekpakpa lɛ. Kɛ wɔkɛ anɔkwale lɛ tsu nii kɛ ŋaa lɛ, wɔbaanyɛ wɔtsɔmɔ “susumɔi kɛ nɔ fɛɛ nɔ ni kwɔ ni woɔ ehe nɔ eshiɔ Nyɔŋmɔ nilee lɛ” wɔbumɔ shi. (2 Kor. 10:5) Ato Watch Tower Publications Index lɛ he gbɛjianɔ ni eye ebua wɔ yɛ enɛ gbɛfaŋ.
2 Saneyitso titri ni akɛtaoɔ nibii ni kɔɔ wɔ maŋ shiɛmɔ nitsumɔ lɛ he lɛ ji ‘Shiɛmɔ Nitsumɔ’ lɛ. Awie nibii fɛɛ ni kɔɔ he lɛ ahe yɛ jɛmɛ, kɛ wɔ diɛŋtsɛ wɔ jeŋba, hiɛkpamɔ wiemɔi, bɔ ni wɔɔfee wɔye shitee-kɛwoi anɔ, bɔ ni wɔɔwie woji sɔrɔtoi ni wɔkɛhaa lɛ ahe wɔha, sɛɛsaramɔi, kɛ Biblia mli nikasemɔi hu. Ani obaasumɔ ni okɛ nɔkwɛmɔ nii enyɔ ko afee oti ko ni otaoɔ oma nɔ mi lɛ he mfoniri? Obaana nɔ ni otaoɔ lɛ yɛ yitso ni ji “Experiences” ‘Niiashikpamɔi’ shishi.
3 Ani mɔ ko ewie eshi akɛ Biblia lɛ teɔ shi woɔ ehe, ni ekolɛ etsɛ ŋmalɛi komɛi ni tamɔ nɔ ni kɛ amɛhe kpaaa gbee? Kɛ okwɛ yitso ni ji “Bible Authenticity” shishi lɛ, yitsei bibii niji ‘nibii ni akɛɛ eji ‘tɔmɔi’ kɛ ‘gbeekpamɔ’ tsɔɔ hei ni asusu nɛkɛ shitee-kɛ-woo wiemɔi nɛɛ ahe yɛ. Kɛ okwɛ yitso bibioo ni ji ‘ŋmalɛi ni kɛ amɛhe kpaa gbee’ shishi lɛ. Obaana ŋmalɛ mli kukuji babaoo ni tamɔ nɔ ni kɛ amɛhe kpaaa gbee kɛ hei ni atsɔɔ ni agbala mli faŋŋ yɛ.
4 Yɛ hei komɛi lɛ, esa akɛ wɔbutu susumɔi ni damɔ Kristendom shishijee amale tsɔɔmɔi anɔ, tamɔ Triniti, hɛl la,kɛ susuma ni gbooo lɛ. Yitsei otii yɛ kɛha eko fɛɛ eko. Kɛ okwɛ ‘Triniti’ kɛ ‘Susuma ni gbooo’ shishi lɛ, obaana yitso bibioo ni ji ‘ŋmalɛi ni atsɔmɔɔ ni akɛfiɔ sɛɛ.’ Ebaatsɔɔ bo hei ni oyakwɛ ni agbala nakai ŋmalɛi lɛ amli yɛ. Anaa nɔ kroko ni tamɔ nakai nɔŋŋ yɛ ‘Hɛl’ shishi, kɛ eyitso bibioo ni ji ‘ŋmalɛi ni atsɔɔ shishi bɔ ni ejaaa.’
5 Ani ooshwe ni oje Biblia mli nikasemɔ shishi? Aloo oyɛ eko ni tamɔ nɔ ni eyaaa hiɛ? Kɛ okwɛ yitso ni ji ‘Biblia Mli Nikasemɔi’ shishi lɛ, obaana yitsei bibii ni ji ‘shishijee’ kɛ ‘nitsɔɔmɔ,’ ni eko fɛɛ eko etsɔɔ he ni obaana yelikɛbuamɔ yɛ koni ofee Biblia mli nikasemɔ ni yaa hiɛ. Susumɔ yitsei bibii ni ji ‘nɔ ni wooo yibii lɛ asɛɛfoo,’ kɛ ‘kpamɔ’ he, koni eye ebua bo ni ole be mli ni esa akɛ ofo nikasemɔ ko sɛɛ.
6 Ani oshweɔ akɛ oooya ohiɛ kɛshɛ sɔɔmɔ hegbɛi babaoo ahe yɛ shiɛmɔ nitsumɔ lɛ mli? Yitsei ni ji ‘Be-Fɛɛ Sɔɔ mɔ,’ ‘Gbɛgbalɔi Awalɔi,’ ‘Gbɛgbalɔi,’ ‘Maŋsɛɛ Sanekpakpa Shiɛlɔi’ kɛ ‘Ni Aaasɔmɔ yɛ He ni Hiamɔ Yɔɔ’ lɛ baatsɔ bo hei ni oyakwɛ kɛha gbɛi ni oootsɔ ni oshɛ otii nɛɛ ahe kɛ agbɛnɛ kɛha niiashikpamɔi ni yɔɔ miishɛɛ ni jɛ mɛi ni efe nakai momo lɛ aŋɔɔ.
7 “Wɔ Maŋtsɛyeli sɔɔmɔ lɛ he nii n wɔɔtsu yɛ shiɛmɔ mli lɛ kɛ tsui ni nyɔɔ mɔ mli babaoo baa. (Yoh. 4:34) Watch Tower Publications Index lɛ baanyɛ aye abua bo beni okɛ ohe woɔ nitsumɔ ni miishɛɛ yɔɔ mli nɛɛ mli lɛ.
Mankind’s Search for God (Cont’d)
wolo Iɛ he. Akɛni Japanbii pii kɛɔ akɛ amɛyɛ Buddha jamɔ kɛ Shinto jamɔ lɛ mli hewɔ lɛ. amɛbaana mfonirii ni yɔɔ baafai 190 kɛ 195 ni wieɔ yitso ni ji “Shinto—Nyɔŋmɔ Sɛɛ Gbɛ ni Japan Taoɔ” lɛ he lɛ he miishɛɛ waa.
8 Kɛ wɔkɛ mɛi ni yɔɔ Yuda jamɔ mli lɛ kpe yɛ shikpɔŋkuku ko mli lɛ, yitso 9, ni ji “Yuda Jamɔ—Nyɔŋmɔ Sɛɛ Gbɛ Taomɔ Kɛtsɔ Ŋmalɛi kɛ Blema Saji Anɔ” lɛ baanyɛ atee amɛmiishɛɛ shi. Yɛ be babaoo mli lɛ amɛnyaa nikasemɔ he, ni no hewɔ lɛ mɛi babaoo baana wolo muu lɛ fɛɛ he miishɛɛ. Wɔkɛ mɛi ni heee Nyɔŋmɔ nɔ amɛyeee kɛ mɛi ni kɛɔ akɛ anyɛŋ ale akɛ eyɛ lɛ hu kpeɔ, ni amɛteŋ mɛi ni ji anɔkwafoi lɛ baana yitso 14, ni ji “Ŋmɛnɛŋmɛnɛ Beaŋ Hemɔkɛyeli ni Abɛ-Ani Esa Akɛ Taomɔ lɛ Aya Nɔ?,” lɛ he miishɛɛ. Anaa naataomɔi ni mɛi ni wieɔ akɛ esa akɛ ahe Nyɔŋmɔ nɔ aye lɛ kɛhaa lɛ kɛjɛɔ baafa 334 kɛyaa.
9 Yɛ shikpɔŋkukuji komɛi amli lɛ, wɔkɛ mɛi ni yɔɔ Muslim jamɔ lɛ mli lɛ kpeɔ. Yitso 12, “Islam—Gbɛ ni Akɛyaa Nyɔŋmɔ Ŋɔɔ Kɛtsɔ Heshibaa Nɔ” lɛ baatee Muslimbii pii amiishɛɛ shi. Yitso bibioo ni ji “Nyɔŋmɔ nɔ Kwɔ Fe Fɛɛ, Jeee Yesu,” ni yɔɔ baafa 295 lɛ baaye abua Muslimbii ni amɛna sɔrɔtofeemɔ ni yɔɔ Kristendom tsɔɔmɔi lɛ kɛ anɔkwa Kristofoi anɔ lɛ teŋ. Enɛ baanyɛ aha ana gbeekpamɔ yɛ oti ko he bɔni afee ni egbele amɛjwɛŋmɔ kɛha enɛ kɛ saji krokomɛi ni jɛ Biblia lɛ mli lɛ ahe sanegbaa. Ebaafee Muslimnyo naakpɛɛ ni ebaaŋɔɔ enaa hu akɛ ebaana Mecca kɛ Ka‘bah lɛ he mfonirii ni ato naa yɛ baafa 289 lɛ kɛ wiemɔi ni atsɛ kɛjɛ Qur’ãn lɛ mli yɛ baafa 288 kɛ hei krokomɛi lɛ.
10 Mɔ fɛɛ mɔ ni kɛɔ akɛ eyɛ Kristendom jamɔi lɛ eko mli lɛ baana yitso 10 he miishɛɛ. Baafa 236 biɔ sane nɛɛ akɛ “Yesu—Mɛni Ekɛtsɔɔ Mɔ ni Eji?” Baafai 243 kɛ 251 feɔ naakpɛɛ nibii ni Yesu fee lɛ enyɔ ahe mfoniri. Te wɔfeɔ tɛŋŋ wɔleɔ akɛ Yesu na Nyɔŋmɔ nɔkpɛlɛmɔ hu? Mfoniri ni yɔɔ baafa 253 lɛ haa nakai sanebimɔ lɛ hetoo.
11 Eka shi faŋŋ akɛ, bɔni afee ni wɔtsake wɔshiɛmɔ lɛ mli wɔha mɔ fɛɛ mɛ lɛ, ehe miihia ni wɔle wolo lɛ mli saji n wɔle bɔ ni ato yitsei lɛ kɛ mfonirii lɛ anaa aha lɛ jogbaŋŋ. (Kɛha ŋaawoo babaoo lɛ kwɛmɔ Reasoning From the Scriptures baafai 21-4.) Kɛ wɔfee nakai lɛ no lɛ wɔɔnyɛ wɔdu anɔkwale dumɔwui lɛ kɛtsɔ nɛkɛ wolo hee nɛɛ kɛha mɔ yɛ ŋaa mli lɛ nɔ. (1 Kor. 9:19-23 Kol. 4:5, 6) Akɛni afɔɔ Biblia lɛ mli wiemɔi asɛɛ tsɛmɔ ni akɛtoɔ nii ahe yɛ wolo lɛ mli fɛɛ hewɔ lɛ, yiŋtoo kpakpa yɛ ni aaadamɔ nɔ aje Biblia mli nikasemɔ shishi. Sane kroko ni baaje kpo yi sɛɛ mli lɛ baatsɔɔ gbɛ ni wɔɔtsɔ nɔ wɔ fee sɛɛsaramɔ bɔni afee ni wɔkɛ gbɔmɛi ni hiɛ hemɔkɛyelii sɔrɔtoi lɛ aje nikasemɔ shishi.