Wɔ Maŋtsɛyeli Sɔɔmɔ Iɛ He Nitsumɔ akɛ Yehowa Odasefoi
1 Akɛ Yehowa Odasefoi lɛ, wɔyɛ hegbɛ ni fe fɛɛ yɛ shikpɔŋ nɔ. Wɔdamɔɔ Yehowa najiaŋ yɛ jeŋ muu fɛɛ sane ko ni kɛ mɛi fɛɛ ni ajaa amɛ akɛ nyɔŋmɔi lɛ damɔɔ saneyeli he lɛ mli. (Yes. 41:1, 23; 43:12) Bɔni afee ni eye ebua wɔ ni wɔfa wɔhiɛnɔkamɔ lɛ he bɔ ni sa lɛ, Yehowa eha wɔ wojiatoo he ko ni woji babaoo yɔɔ mli. (1 Pet. 3:15) Watch Tower Publications Index lɛ ji dɛŋdade ko ni he hiaa kɛha saji ni he hiaa wɔ lɛ ataomɔ. Emli nibii otii lɛ ni wɔɔle jogbaŋŋ lɛ baaye ebua wɔ ni wɔhe asa waa yɛ ekɛ nitsumɔ mli.
2 Esa akɛ wɔteŋ mɔ fɛɛ mɔ ale saneyitso oti ni ji “Jehovah” (Yehowa) lɛ jogbaŋŋ. Kɛ okwɛ nakai yitso lɛ shishi yɛ 1986-1989 Index lɛ mli lɛ, ani onaa hei ni atsɛ yisɛɛ ni tsɔɔ nɔ hewɔ ni Yehowa eŋmɛ efɔŋfeemɔ gbɛ be fioo lɛ? Agbɛnɛ hu, obaana saneyitso ni ji ‘Name’ (Gbɛi) ni aŋma yɛ teŋ ni yɔɔ 1930-1985 Index lɛ kɛ Index hee lɛ hu mli lɛ. Abua saji fɛɛ ni atsɛ yisɛɛ ni kɔɔ nibii ni aŋmala yɛ gbɛi Yehowa lɛ he lɛ fɛɛ naa yɛ biɛ.
3 Yitso kroko ni he hiaa waa ji “Jehovah’s Witnesses” (Yehowa Odasefoi) . Abua saji fɛɛ ni atsɛ sɛɛ ni kɔɔ Yehowa Odasefoi ahe akɛ asafo lɛ naa. Ani ole shishinumɔ ni asafo lɛ hiɛ yɛ skul ni ayaa kɛshɛɔ shɔŋŋ, gbohii ni agbalaa amɛmli koni akɛkwɛ nɔ ni kɛ gbele lɛ ba, gbɔmɔgbee yɛ hefamɔ mli, aloo yelikɛbuamɔ ni akɛhaa maŋbii lɛ he? Obaana nibii ni atsɛ yisɛɛ yɛ sanebimɔi ni tamɔ enɛɛmɛi ahe lɛ yɛ yitso bibioo ni ji “attitude toward—” (nifeemɔ yɛ—he) lɛ shishi. Kɛ otsa nɔ kɛtee hiɛ hu lɛ, ato nibii ni kɔɔ Yehowa Odasefoi aŋmɛnɛŋmɛnɛ beaŋ yinɔsane he yɛ maji sɔrɔtoi amli lɛ anaa, ni obaana nibii babaoo ni awie yɛ Yehowa Odasefoi ahe lɛ hu yɛ yitso ni aŋma yɛ teŋ tuŋtu ni ji “Statement by Others” (Wiemɔ ni Mɛi Krokomɛi Ewie) lɛ shishi.
4 Obaanyɛ ona saji ni kɔɔ bɔ ni Yehowa Odasefoi ni yɔɔ ŋmɛnɛŋmɛnɛ beaŋ lɛ etsu amɛ Maŋtsɛyeli sɔɔmɔ lɛ he nii lɛ kɛtsɔ saneyitsei otii lɛ kɛ nitsumɔ nɔ. Kɛ okwɛ yitso ni ji “Dates” (Afii) shishi lɛ, obaana yitso kroko ni ji “Clarification of Beliefs” (Hemɔkɛyelii lɛ Amlitsɔɔmɔ) ni aŋma yɛ teŋ. Ato hei ni atsɛ yisɛɛ ni atsɔɔ shishinumɔ ni wɔhiɛ yɛ tsɔɔmɔi, gbalɛ, kɛ gbalɛ mli mfonirifeemɔi ahe yɛ lɛ naa yɛ afi mli ni amɛba lɛ naa. “Dates of Prophetic Significance” (Gbalɛ Mli Afii ni He Hiaa) tsa nɔ nɔŋŋ. Ni nomɛi ji afii ni gbalɛi loo gbalɛ mli mfonirifeemɔi ba mli aloo amɛbɔi mlibaa.
5 Yehowa sɔɔlɔi anɔkwafoi lɛ awala shihilɛ he saji ji ekaawoo kɛ gbɛtsɔɔmɔ kɛha wɔ. Ebaanyɛ eye ebua wɔ ni wɔna shishitoo ni ma shi shiŋŋ kɛha wɔsɛɛ yɛ wɔbii lɛ kɛ wɔ-Biblia kaselɔi lɛ amli. Obaana nɛkɛ wala shihilɛ he saji ni akɛ mɛi lɛ agbɛii kɛ saneyitsei lɛ eto naa aŋmala nɛɛ yɛ “Life Stories of Jehovah’s Witnesses” (Yehowa Odasefoi Awala Shihilɛ he Saji) shishi.
6 Nɔ kome ni akɛkadiɔ Yehowa webii waa ji Ŋmalɛ mli tsɔɔmɔ ni ji shihilɛ hei enyɔ ni yɔɔ kɛha mɛi ni Yehowa kpɛlɛɔ amɛnɔ lɛ—ŋwɛi nɔ kɛ shikpɔŋ nɔ nɔ. Saneyitso oti shishi ni wɔnaa hei ni atsɛ saji ni kɔɔ mɛi ni nine eshɛ “ŋwɛi tsɛmɔ lɛ” nɔ lɛ ahe yɛ ji “Congregation of God” (Nyɔŋmɔ Asafo lɛ) . (Heb. 3:1; Bɔfoi 20:28; 1 Tim. 3:15) Yitsei krokomɛi hu ji “Remnant” (Shwɛɛnii) kɛ “144,000.” Yitsei enyɔ, ni ji “Great Crowd” (Asafo Babaoo) kɛ “Other Sheep” (Tooi Krokomɛi) lɛ ji yitsei titrii ni gbalaa jwɛŋmɔ kɛyaa saji ni kɔɔ mɛi ni amɛhemɔkɛyeli ji naanɔ wala yɛ shikpɔŋ nɔ lɛ ahe lɛ nɔ.—Kpoj. 7:9; Yoh. 10:16.
7 Kɛji obalaŋtai ji wɔ jio, wɔdara jio, hegbɛ ni wɔna akɛ wɔɔfee Yehowa Odasefoi lɛ ateŋ mɔ kome lɛ saa wɔ shihilɛi amli nɔ fɛɛ nɔ he. Saji ni baaje kpo wɔsɛɛ yɛ Wɔ Maŋtsɛyeli Sɔɔmɔ lɛ mli lɛ baatsɔɔ wɔ bɔ ni index lɛ baanyɛ aye abua wɔ eha yɛ wɔsɔɔmɔ nitsumɔ lɛ mli, yɛ asafo lɛ mli, yɛ weku lɛ mli, kɛ agbɛnɛ yɛ shiɛmɔ nitsumɔ lɛ hu mli.