Gbɛ ni Anyɛɔ Akɛtsuɔ Nii ni Akasaa He Ahaa Shiɛmɔyaa
1 Ani bei komɛi lɛ oshashaoɔ shi akɛ okɛ ohe aaawo shiɛmɔ nitsumɔ lɛ fa ko mli akɛni oleee nɔ ni obaakɛɛ lɛ hewɔ? Kɛji ofeɔ nakai Iɛ, no Iɛ wɔyɛ nɔmimaa akɛ ohiɛ baasɔ gbɛ ni wɔkɛbaatsu nii yɛ Wɔ Maŋtsɛyeli Sɔɔmɔ lɛ mli lɛ waa.
2 Kɛjɛ enɔ nɔ kɛyaa lɛ, Wɔ Maŋtsɛyeli Sɔɔmɔ lɛ kɛ ŋaawoi sɔrɔtoi babaoo baaha kɛha Maŋtsɛyeli lɛ he sane lɛ kɛhamɔ kɛji wɔmiitsu nii yɛ shia kɛ shia, wɔtee sɛɛsaramɔ aloo wɔmiifee Bibila mli nikasemɔ. Esa akɛ enɛɛmɛi akanya esusumɔ yɛ wiemɔi ni obaasumɔ ni okɛtsu nii yɛ shiɛmɔ mli lɛ he. Kɛji oosaa ohe kɛha sɔɔmɔ nitsumɔ lɛ, halamɔ shiɛmɔ wiemɔ ko ni baasa oshikpɔŋkuku lɛ jogbaŋŋ. No sɛɛ Iɛ, kpɛɛ oyiŋ kɛji okɛ wiemɔi ni awo he ŋaa yɛ sane lɛ mli lɛ pɛpɛɛpɛ baatsu nii aloo obaatsake wiemɔ lɛ mli fioo ni esa shihilɛ ni okɛbaakpe lɛ aloo bo diɛŋtsɛ onyɛmɔ. Kɛji owie yɛ bo diɛŋtsɛ owiemɔ mli tamɔ bɔ ni ofɔɔ wiemɔ lɛ, ebaaha wiemɔ lɛ afee tamɔ sanegbaa. Ani obaasumɔ ni olɛɛ osɔɔmɔ nitsumɔ lɛ mli yɛ gbɛ ko nɔ, ekolɛ ni okɛ ohe awo fai komɛi amli klɛŋklɛŋ kwraa? Ekolɛ ŋaawoi ni akɛha ni atsɔɔ mli faŋŋ lɛ ji nɔ pɛ ni he hiaa bo ni okɛje shishi.
3 Kɛji okwɛɔ asafoŋ kpeei kɛha shiɛmɔyaa lɛ ekome nɔ lɛ, no lɛ esa akɛ ole saji ni aŋmalaa yɛ Wɔ Maŋtsɛyeli Sɔɔmɔ lɛ mli lɛ jogbaŋŋ kɛmɔ shi. Kasemɔ bo diɛŋtsɛ onɔ lɛ jogbaŋŋ koni ogbala jwɛmɔ kɛba ŋaawoi ni ekolɛ ebaanyɛ eye omanye yɛ nyɛshikpɔŋkuku lɛ mli lɛ anɔ. Esa akɛ nɔkwɛlɔ lɛ atsɔ hiɛ ehala otii ni abaasusu he daa otsi.
4 Wɔ fɛɛ wɔnaa nibii ni wɔfeɔ lɛ jogbaŋŋ lɛ ahe miishɛɛ. Wɔhiɛ ka nɔ akɛ nɛkɛ gbɛ ni anyɛɔ akɛtsuɔ nii nɛɛ baaye abuɔ shiɛlɔi heei kɛ mɛi ni yɔɔ niiashikpamɔ lɛ fɛɛ ni amɛnitsumɔ amɔ shi ni amɛna miishɛɛ hu yɛ Maŋtsɛyeli sɔɔmɔ lɛ mli.