Mɛni Manyɛ Makɛɛ ni Mikɛkanya Miishɛɛ Pii Lolo?

¹ Yiŋtoo hewɔ ni wɔshiɛɔ sanekpakpa lɛ fa titri ji ni wɔfee kaselɔi. Jeee ni wɔshi woji wɔha mɛi kɛkɛ. No hewɔ lɛ kɛ wɔna mɔ ni yɔɔ wiemɔ lɛ he miishɛɛ lɛ, esa akɛ wɔdi sɛɛ ni wɔshwa dumɔwui ni atɛo lɛ anɔ nu, ni wɔfee bɔ ni wɔɔnyɛ ni wɔha shihilɛi kpakpai ni Yehowa baanyɛ aye abua mɔ lɛ yɛ mli ni eda yɛ mumɔŋ ahi shi. (1 Kor. 3:⁠8) Mɛni obaanyɛ okɛɛ akɛ nɔ ni nyiɛɔ shishijee wiemɔi ni atsɔɔ yɛ yiteŋgbɛ nɛɛ sɛɛ? Naa ŋaawoi komɛi kɛha shihilɛi sɔrɔtoi ni ekolɛ okɛbaakpe.

² Miishɛɛ ni Ana Iɛ ni Aaadi Sɛɛ: “Beni wɔ wie wiemɔ kuku ko nyɛsɛɛ lɛ, no mli lɛ obɛ deka kwraa, shi ohe be ni okɛtsɔɔ bɔ ni osusuɔ wɔsɛɛ be he ohaa. Taakɛ obaakai lɛ, wɔkane Kpojiemɔ 1:3 yɛ Blblia lɛ mli akɛ ‘be ni ato lɛ eshɛ eta.’ Enɛ kɔɔ wɔ fɛɛ wɔ wɔsɛɛ be he diɛŋtsɛ. Kadimɔ nɔ ni wolo nɛɛ yɔɔ kɛɛmɔ yɛ ŋmalɛ lɛ he. [Kanemɔ Kpojiemɔ wolo lɛ kɛjɛ ebaafa 17 kuku 11.] Nɛkɛ wolo nɛɛ tsɔɔ gbalɛi ni yɔɔ Biblia mli wolo ni ji Kpojiemɔ lɛ fɛɛ mli ni etsɔɔ bɔ ni ehe aaaba sɛɛnamɔ aha wɔ diɛŋtsɛ. Ani obaasumɔ ni okase babaoo?”

³ Kpojiemɔ Wolo lɛ ni Akɛaaje Biblia Kasemɔ Shishi: “Eŋɔɔ minaa akɛ mina bo ekoŋŋ. Sane kroko yɛ ni fata he ni masumɔ ni wɔgba he sane yɛ wolo ni mishi miha bo lɛ mli, ni ewoɔ mɔ hewalɛ waa. Biblia lɛ wieɔ ‘wala wolo’ he ni ekɛtoɔ mɛi ni baahi shi kɛya naanɔ lɛ ahe. Ani obaasumɔ ni ole gbɛi ni yɔɔ nakai wolo lɛ mli lɛ?” Gbelemɔ Kpojiemɔ wolo lɛ baafa 298. Kanemɔ kuku 11, ni obi saji ni kɔɔ nakai kuku lɛ he lɛ. Beni nyɛsusu kukuji pii ahe sɛɛ lɛ, tsɔɔmɔ akɛ obaasumɔ ni oba ni nyɛbatsa sanegbaa lɛ nɔ.

⁴ Wolo Kroko ni Akɛaaje Biblia Kasemɔ Shishi: “Eŋɔɔ minaa akɛ mibanina bo yɛ shia ŋmɛnɛ. Beni wɔkpe nyɛsɛɛ ni wɔgba sane lɛ, wɔ fɛɛ wɔkane Biblia mli shiwoo ni yɔɔ Kpojiemɔ 1:3 lɛ [Kanemɔ ekoŋŋ.] Kadimɔ akɛ miishɛɛ ni awieɔ he lɛ baaa trukaa. Nibii enyɔ ataoɔ: Esa akɛ wɔkane nɔ ni Bibila lɛ kɛɔ lɛ ni agbɛnɛ wɔye nɔ ni aŋma lɛ nɔ, loo wɔtsu he nii. Wolo bibioo nɛɛ, ‘Naa! Mifee Nii Fɛɛ Ehee’ nɛɛ baaha wolo ni mishi miha bo lɛ kanemɔ afee nɔ ni ŋɔɔ, ejaakɛ etsɔɔ nɔ ni Nyɔŋmɔ taomɔ nii ji lɛ mli kuku. Ato sanebimɔi 12 ni mɛi pii biɔ lɛ anaa yɛ baafa 30. Te emli nɔ ni obaasumɔ ni aha hetoo lɛ?” Kɛ shiatsɛ Iɛ ha hetoo lɛ, obaanyɛ ogbele he ni aha hetoo lɛ yɛ lɛ ni oje Biblia kasemɔ shishi.

⁵ Okɛ Mfonirii lɛ Atee Miishɛɛ Shi: Mfonirii fɛfɛji ni mli ka shi faŋŋ yɛ Kpojiemɔ wolo lɛ mli. Abaanyɛ amamɔ enɛɛmɛi anɔ mi ni akɛtee miishɛɛ shi. Akɛ nɔkwɛmɔ nɔ lɛ, kɛ wɔmiifee sɛɛsaramɔ lɛ, wɔbaanyɛ wɔgbele baafa 7. Tsɔɔmɔ lɛ Yohane ni yɔɔ Patmo ŋshɔkpɔ lɛ nɔ lɛ mfoniri lɛ. Kpojiemɔ 1:3 maa nɔ mi akɛ kpojiemɔ ni akɛha Yohane lɛ ji miishɛɛ sane. Te aaafee tɛŋŋ ni enɛ aaaba lɛ nakai yɛ be mli ni Kpojiemɔ wieɔ kooloi ni he yɔɔ gbeyei kɛ hiɛkpatamɔi he lɛ? Susumɔ kukuji 1 kɛ 2 ni yɔɔ wolo lɛ baafa 6 lɛ he. Abaanyɛ akɛ mfonirii loo nɔkwɛmɔ nii ni yɔɔ wolo lɛ naagbee gbɛ lɛ atsu nii, kɛ agbɛnɛ mfonirii ni tsɔɔ shikpɔŋ nɔ Paradeiso mli nibii ni yɔɔ baafai 302, 308, kɛ 309 lɛ hu.

⁶ Yɛ sɛɛsaramɔi amli lɛ, esa akɛ wɔkɛ wɔwiemɔ lɛ adamɔ nɔ ni wɔgba he sane yɛ klɛŋklɛŋ be mli kwraa ni wɔtee mɔ lɛ ŋɔɔ lɛ nɔ. Ni wɔɔsusu wɔ sɔɔmɔ nitsumɔ lɛ fa nɛɛ he jogbaŋŋ lɛ kɛ jɔɔmɔi babaoo baajɛ Yehowa ŋɔɔ abaha wɔ kɛ mɛi ni boɔ wɔ toi lɛ fɛɛ.​—1 Tim 4:⁠16.