Sanebimɔ He

◼ Ani esa akɛ asafo lɛ ana file loo wolo ni akɛ Wɔ Maŋtsɛyeli Sɔɔmɔ toɔ mli?

Atsɔɔ yɛ September 1972 Wɔ Maŋtsɛyeli Sɔɔmɔ lɛ mli akɛ, ehi akɛ aaana file yɛ Maŋtsɛyeli Asa woji atoo he lɛ koni daa nyɔŋ nɔ lɛ akɛ Wɔ Maŋtsɛyeli Sɔɔmɔ ni baa lɛ ekome ahɔ mli koni kɛ sane ko ataoɔ lɛ ni agbele mli ana lɛ oya. Ehi lolo akɛ aaaya nɔ ana file tamɔ nɛkɛ yɛ Maŋtsɛyeli Asa fɛɛ asa woji atoo he koni onukpai lɛ kɛ shiɛlɔi lɛ fɛɛ kɛtsu nii.

Kɛ wolo loo file ni tamɔ nɛkɛ yɛ lɛ, shiɛlɔi lɛ baanyɛ agbele ni amɛna saji ni kɔɔ shiɛmɔi, Biblia mli nikasemɔ feemɔ, sɛɛsaramɔ feemɔ, kɛ saji krokomɛi ahe. Abaanyɛ ana saj kpakpai ni abaanyɛ akɛtsu nii yɛ sɔɔmɔ lɛ mli lɛ yɛ mli. Yɛ bei kɛ bɛi amli lɛ. Wɔ Maŋtsɛyeli Sɔɔmɔ heei lɛ gbalaa jwɛŋmɔ kɛyaa nɔ ni akala dani shiɛlɔi lɛ ekomɛi kɛ asafo lɛ bɔi bɔɔ lɛ anɔ. Kɛ akɛ woji ni tamɔ nɛkɛ to lɛ ehe baaba sɛɛnamɔ aha mɛi heei ni kɛ amɛhe bɔɔ asafo lɛ he lɛ. Wolo kotokui heei komɛi ni afee ni akɛ Buu-Mɔɔ lɛ ahɔlɔ mli lɛ baanyɛ afee nɔ ni hi jogbaŋŋ ni akɛ Wɔ Maŋtsɛyeli Sɔɔmɔ ni eho lɛ aaato mli yɛ Maŋtsɛyeli Asa lɛ nɔ.

Onukpai lɛ baanyɛ ato gbɛjianɔ ni akɛ nitsumɔ nɛɛ awo Teokrase Sɔɔmɔ Skul Nɔkwɛlɔ lɛ loo asafoŋ sɔɔlɔ ko ni he esa dɛŋ koni ekwɛ ni ekɛ daa nyɔŋ nɔ nɔ́ ni baa lɛ eko ato mli. Yɛ be mli ni saji ni jeɔ kpo yɛ Wɔ Maŋtsɛyeli Sɔɔmɔ lɛ mli lɛ ji ŋaawoo shi jeee mlai ni yɔɔ keketee lɛ, eka he eji saji ataomɔ jɛɛhe kpakpa ni esa akɛ efee nɔ ko ni fata Maŋtsɛyeli Asa woji atoo he lɛ woji ahe. Anyɛŋ ashɛ Wɔ Maŋtsɛyeli Sɔɔmɔ ni eho lɛ kɛjɛ Asafo lɛ dɛŋ.