Sanebimɔ He

◼ Namɔ esa akɛ aha lɛ Wɔ Maŋtsɛyeli Sɔɔmɔ lɛ eko?

Afee Wɔ Maŋtsɛyeli Sɔɔmɔ lɛ ni akɛye abua mɛi ni kɛ amɛhe woɔ shiɛmɔ nitsumɔ lɛ mli lɛ koni akɛwo amɛ hewalɛ. No hewɔ lɛ, jeee mɔ fɛɛ mɔ esa akɛ aha lɛ eko. Esa akɛ aha shiɛlɔi ni abaptisi amɛ kɛ shiɛlɔi ni abaptisiko amɛ lɛ fɛɛ eko. Esa akɛ aha mɛi ni baa Sɔɔmɔ Kpee lɛ daa ni miiya amɛhiɛ koni amɛkɛ amɛhe awo shiɛmɔ nitsumɔ lɛ mli lɛ eko. (Mɛi hu ni abaanyɛ aha amɛ eko ji gbekɛbii ni edara bɔ ni amɛbaanyɛ amɛkɛtsu nii jogbaŋŋ.) Nyɛkwɛa ni nyɛkɔa eko kɛha nyɛ Maŋtsɛyeli Asa lɛ wojiatoohe lɛ. Esaaa akɛ ahaa mɛi ni ashwie amɛ yɛ asafo lɛ mli lɛ Wɔ Maŋtsɛyeli Sɔɔmɔ lɛ eko.

Asafoi komɛi ena akɛ sɛɛnamɔ yɛ he akɛ amɛaaŋmala mɛi fɛɛ ni esa akɛ aha amɛ eko lɛ agbɛi amɛshwie shi, kɛkɛ lɛ amɛjara mli yɛ Asafo Woloŋ Nikasemɔ kui lɛ anaa. Woloŋ nikasemɔ nɔkwɛlɔi lɛ baanyɛ amɛkɛ nɛkɛ gbɛi ni aŋmala ashwie shi nɛɛ atsu nii koni eha ejaa afee mlɛo, ni amɛbaanyɛ amɛtaipi aloo amɛŋmala mɔ fɛɛ mɔ gbɛi yɛ enɔ̃ nɔ fɛfɛo po. Esa akɛ mɔ fɛɛ mɔ ni nine shɛɔ Wɔ Maŋtsɛyeli Sɔɔmɔ lɛ eko nɔ lɛ abaa yi, ni esa akɛ atsɔse mɔ lɛ yɛ bɔ ni ekɛbaatsu nii kɛsaa ehe kɛha Sɔɔmɔ Kpee lɛ kɛ agbɛnɛ hu kɛha shiɛmɔ nitsumɔ lɛ. Mɛi babaoo eyɔse akɛ sɛɛnamɔ yɛ he akɛ amɛkɛ Wɔ Maŋtsɛyeli Sɔɔmɔ lɛ ni amɛnine shɛɔ nɔ lɛ baato heni amɛkɛ amɛteokrase woji toɔ kɛha wɔsɛɛ lɛ.