Feemɔ Sɛɛsaramɔ ni Mɔɔ Shi Jogbaŋŋ
1 Sɛɛsaramɔ feemɔ ji wɔsɔɔmɔ akɛ “Nyɔŋmɔ hefatalɔi nitsulɔi” lɛ fa ko ni he hiaa waa. (1 Kor. 3:6-9) Ehe ehiaaa ni wɔna jwɛŋmɔ gbonyo yɛ bɔ ni shiatsɛ lɛ baahere nɔ eha lɛ he, ejaakɛ mɔ ni wɔyaa eŋɔɔ lɛ ji mɔ ko ni ejie anɔkwale lɛ he miishɛɛ kpo momo. Wɔhe ni wɔɔsaa jogbaŋŋ dani wɔya lɛ baajie bɔ ni wɔyɔɔ mɔ ni wɔyaa eŋɔɔ lɛ he miishɛɛ wɔɔ wɔhaa Iɛ kpo, beni wɔkɛ lɛ susuɔ Biblia mli sane ko ni enaa he miishɛɛ Iɛ he lɛ.
2 Wiemɔ oti pɔtɛɛ ko he, okɛ ŋaa abi lɛ saji.
Obaanyɛ ojɛ nibii ni okadi beni otee jɛmɛ klɛŋklɛŋ lɛ mli obi lɛ akɛ:
◼ “Ani osusu Nyɔŋmɔ shiwoo ni ekɛha akɛ ebaaye shikpɔŋ lɛ nɔ yɛ jalɛ mli lɛ he jogbaŋŋ okwɛ?”
Sanebimɔ kroko ni ji:
◼ “Kɛjɛ nyɛsɛɛ otsi lɛ ni wɔgba Biblia mli sane lɛ kɛbaa nɛɛ,ani onuɔ he akɛ shishinumɔ babaoo eba sɔlemɔ ni osɔleɔ akɛ Nyɔŋmɔ Maŋtsɛyeli lɛ aba lɛ he?”
Hiɛ su ni tsɔɔ miishɛɛ kɛ naanyobɔɔ, kɛ gbee ni wɔkɛwieɔ lɛ he hiaa waa yɛ bɔ ni wɔjieɔ ehe miishɛɛ kpo, beni wɔbiɔ lɛ saji nɛɛ lɛ mli.
3 Kaaye Oyai; Bo nɔ ni Shiatsɛ lɛ hu Yɔɔ Kɛɛmɔ Toi. Kɛji wɔbo nɔ ni shiatsɛ lɛ kɛɔ lɛ toi, ni wɔsusu he jogbaŋŋ dani wɔha hetoo lɛ, no lɛ ehe miishɛɛ diɛŋtsɛ ni wɔyɔɔ akɛ mɔ aŋkro lɛ baajɛ kpo faŋŋ. Obaanyɛ odamɔ nɔ ni ebaakɛɛ lɛ nɔ okɛ lɛ asusu Ŋmalɛ mli oti ko ni kɔɔ oklɛŋklɛŋ saramɔ lɛ he lɛ he. Feemɔ klalo akɛ obaatsɔɔ shiatsɛ lɛ nii hee be fɛɛ bɛ ni obaaya jɛmɛ. Kɛji ekɛ sane hee ko ba krukaa lɛ, ŋɔɔ hegbɛ lɛ ni okɛkɔ o-Reasoning wolo lɛ koni otao sane ni he hiaa lɛ nɛɛ.
4 Kɛji okɛ May 1, 1992 “Buu-Mɔɔ” lɛ ha lɛ, obaanyɛ okɛɛ akɛ:
◼ “Nyɛsɛɛ lɛ, wɔwie afi niji 1914 he. Ta ni je shishi yɛ nakai afi lɛ mli lɛ kɛ tsakemɔi ba nɔyelii pii amli. Ni kɛjɛ nakai beaŋ kɛbaa nɛɛ fɛɛ, aaya nɔ afee tsakemɔi pii lolo. Shi ani tsakemɔi nɛɛ eko, aloo fɛɛ po eha gbɔmɛi anine eshɛ nɔ ni amɛtao diɛŋtsɛ lɛ nɔ, aloo amɛbaanyɛ amɛma toiŋjɔlɛ ni baahi shi daa nɔ mi? [Ŋmɛɛ gbɛ ni eha hetoo.] Kwɛmɔ bɔ ni Yesu tsɔɔ esɛɛnyiɛlɔi lɛ ni amɛsɔle amɛha, kɛha nɔyeli ni baanyɛ ana naagbai wuji ni wɔ kɛkpeɔ ŋmɛnɛ lɛ anaa tsabaa diɛŋtsɛ. [Kanemɔ Mateo 6: 9, 10.] Mɛni osusuɔ akɛ Nyɔŋmɔ Maŋtsɛyeli lɛ baatsu?[Ŋmɛɛ gbɛ ni eha hetoo.] Bɔ ni Biblia lɛ hu tsɔɔ mli ehaa lɛ yɛ miishɛɛ waa diɛŋtsɛ.” No sɛɛ lɛ kanemɔ Daniel 2:44. Ekolɛ obaasumɔ ni oka mfoniri ni yɔɔ Obaanyɛ Ohi Shi Kɛya Naanɔ wolo lɛ baafai 12 kɛ 13 atsu nii ni okɛtsɔɔ lɛ shihilɛ ni wɔkpaa gbɛ yɛ Nyɔŋmɔ Maŋtsɛyeli lɛ shishi. Kɛji woji tɛtrɛbii lɛ mli ekroko okɛtsuɔ nii lɛ, no lɛ obaanyɛ otsake owiemɔ lɛ mli koni onyɛ okɛtsa emli sane lɛ nɔ.
5 Kɛji okɛ May 8, 1992 “Awake!” lɛ ha lɛ, obaanyɛ okɛɛ akɛ:
“Nyɛsɛɛ beni mibasara bo lɛ, wɔgba gbɔmɛi ni eshi amɛ diɛŋtsɛ amɛmaji amli, bɔni afee ni amɛkɛjo jalɛsane ni ayeee kɛ amanehulu naa foi lɛ ahe sane. Ani osusuɔ akɛ Nyɔŋmɔ susuɔ nibii ni adesai kɛkpeɔ yɛ amɛshihilɛ mli, yɛ amɛnanemɛi adesai nɔŋŋ adɛŋ lɛ he lɛlɛŋ?” Obaanyɛ odamɔ bɔ ni mɔ lɛ baajie naa eha lɛ nɔ okɛ lɛ asusu Jajelɔ 4:1 loo Lala 72:12-14 he. Kɛkɛ lɛ, obaanyɛ ogbele “Naa! Miifee Nii Fɛɛ Ehee” wolo bibioo lɛ baafa 15 koni okane kukuji etɛ ni yɔɔ nakai baafai lɛ otsɔɔ lɛ, aloo ogba lɛ emli sane kuku, ni nyɛsusu kukuji lɛ ahe sanebimɔi lɛ ahe.
6 Nyɛhaa wɔyaa nɔ wɔjea miishɛɛ kpo yɛ gbɔmɛi lɛ ahe ni wɔha Biblia mli saji ni amɛaana amɛhesusumɔ he miishɛɛ lɛ ahi wɔjwɛŋmɔ mli bɔni afee ni eha wɔsɛɛsaramɔ lɛ aye omanye.