Sanebimɔ He

◼ Nɛgbɛ esa akɛ fɔlɔi ni ji Kristofoi lɛ abii bibii lɛ kɛ amɛhe awo sɔɔmɔ nitsumɔ lɛ mli kɛyashɛ dani abu amɛ akɛ shiɛlɔi ni abaptisiko amɛ?

Fɔlɔi ni ji Kristofoi miisumɔ ni amɛbii adara ni amɛtsɔmɔ Yehowa tsuji ni amɛtsɔmɔ amɛhe amɛha lɛ. (1 Sam. 2:​18, 26; Luka 2:40) Esa akɛ gbekɛbii ni yɔɔ Kristofoi ashiai amli ajɛ amɛgbekɛbiiashi tɔŋŋ amɛta amɛhemɔkɛyeli ni damɔ Biblia lɛ nɔ lɛ he yɛ faŋŋ mli. Gbekɛbii amumɔŋ dalɛ yaa hiɛ oyayaayai yɛ be mli ni amɛlalaa amɛfɔlɔi ahe yɛ sɔɔmɔ nitsumɔ lɛ mli kɛjeɔ amɛgbekɛbiiashi tɔŋŋ lɛ. Shi ehe miihia ni gbekɛbii lɛ ana tsuiŋ kanyamɔ kɛ amɛaana miishɛɛ yɛ sɔɔmɔ nitsumɔ lɛ mli, amɛsumɔ akɛ amɛaatsɔmɔ shiɛlɔi ni abaptisi amɛ, ni amɛya nɔ amɛkɛ amɛhe awo Maŋtsɛyeli-shiɛmɔ nitsumɔ lɛ mli. Bii nɛɛ ni fɔlɔi aaatsɔse amɛ jogbaŋŋ lɛ he miihia. (1 Tim. 4:6: 2 Tim. 2:15) Shiɛlɔi krokomɛi ni he esa baanyɛ aye abua yɛ bei komɛi amli kɛ fɔlɔi lɛ kpɛlɛɔ nɔ.​—Kwɛmɔ Our Ministry wolo lɛ baafai 99-100.

Yɛ be mli ni gbekɛbii ni baa amɛjeŋ jogbaŋŋ lɛ fataa amɛfɔlɔi Kristofoi lɛ ahe yɛ shia kɛ shia nitsumɔ lɛ mli lɛ, belɛ amɛmiikase bɔ ni amɛaafee ni amɛ hu amɛkɛ amɛhe awo sɔɔmɔ lɛ mli. Shi abuŋ amɛ akɛ shiɛlɔi ni abaptisiko amɛ Ja amɛ diɛŋtsɛ lɛ amɛhe esa kɛyashɛ he ko da. Fɔlɔi Kristofoi lɛ baanyɛ atsɔɔ he ni gbɛkɛ lɛ baanyɛ ana odaseyeli lɛ mli gbɛfaŋnɔ kɛyashɛ yɛ be mli ni amɛtsuɔ nii kutuu lɛ. Esaaa akɛ gbekɛbii ni akpɛlɛko amɛnɔ akɛ shiɛlɔi ni abaptisiko amɛ lɛ kome yaa sɛɛsaramɔi anɔ loo amɛfataa gbekɛbii krokomɛi ahe kɛyaa shiɛmɔ. Fɔlɔi baanyɛ asaa amɛbii lɛ kɛha shiɛmɔ ni amɛŋmɛ amɛ gbɛ ni amɛkɛ amɛhe awo mli yɛ gbɛi sɔrɔtoi anɔ. tamɔ ŋmalɛ kanemɔ, dɛhiɛmɔ wolo loo wolo tɛtrɛɛ ko kɛhamɔ. aloo ni ekɛ wolo lɛ mli mfoniri ko aaatsɔɔ shiatsɛ lɛ. Beni gbekɛ lɛ daa ni etsɔɔ onukpa lɛ, ebaanyɛ ekɛ ehe awo sanegbaa lɛ mli babaoo.

Kɛ atsɔse obalaŋtai nɛɛ jogbaŋŋ lɛ, amɛleɔ bɔ ni sɔɔmɔ nitsumɔ lɛ he hiaa waa ha yɛ be mli ni amɛboɔ amɛfɔlɔi agbɛtsɔɔmɔi atoi ni amɛbaa amɛjeŋ jogbaŋŋ lɛ. Esaaa akɛ fɔlɔi shiɔ amɛbii ni abuuu amɛ akɛ shiɛlɔi ni abaptisiko amɛ lɛ yɛ hei ni akpeɔ kɛhaa shiɛmɔyaa lɛ kɛkɛ, ni amɛmiikpa gbɛ akɛ mɛi krokomɛi baakwɛ amɛnɔ. Fɔlɔi ni susuɔ saji ahe lɛ yɔseɔ gbɛnaa nii ni ka amɛnɔ akɛ amɛkwɛ amɛbii lɛ anifeemɔ nɔ lɛ. Eyɛ mli akɛ shiɛlɔi ni anyɛɔ akɛ he fɔɔ amɛnɔ lɛ baasumɔ ni amɛye amɛbua ni atsɔse obalaŋtai ni yɔɔ asafo lɛ mli ni jieɔ Yehowa sɔɔmɔ he miishɛɛ diɛŋtsɛ kpo lɛ yɛ sɔɔmɔ nitsumɔ lɛ mli.