Okɛ Ohe Awo Shiɛmɔ Nitsumɔ lɛ Mli Daa
1 Ani wɔtoɔ gbɛjianɔ kpakpa koni wɔkɛ wɔhe awo shiɛmɔ nitsumɔ lɛ mli daa? Ani wɔkaiɔ daa ni wɔkɛ wɔ shiɛmɔyaa he akɔntaabuu lɛ haa mra yɛ Maŋtsɛyeli Asa lɛ nɔ daa nyɔŋ nɔ? Eji nɔ ko ni esa akɛ wɔteŋ mɔ fɛɛ mɔ abɔ mɔdɛŋ ni efee, ni wɔkaha nyɔŋ ko miiho ni wɔjajeee wɔhemɔkɛyeli lɛ yɛ tɛŋŋ mli yɛ gbɛ ko nɔ.—Rom. 10:9, 10.
2 Kɛfata shiɛmɔ ni wɔ diɛŋtsɛ wɔɔya daa lɛ he lɛ esa akɛ wɔhiɛ ani wɔhe nɔ hi wɔye wɔbua mɛi krokomɛi hu ni amɛkɛ amɛhe awo shiɛmɔ nitsumɔ lɛ mli. (Fil. 2:4) Mɛɛ gbɛ nɔ wɔɔtsɔ wɔfee enɛ? Wɔbaanyɛ wɔfɔ shiɛlɔi ni abaptisiko amɛ ni kpaako amɛjɛɔ shiɛmɔyaa shishi lɛ nine ni amɛfata wɔhe kɛya. Sɔɔmɔ nitsumɔ lɛ he gbɛjianɔtoo kpakpa ni amɛaaná lɛ baaye abua amɛ ni eha anɔkwale lɛ ahe shi jogbaŋŋ yɛ amɛtsuii amli.
3 Yaa shiɛmɔ daa. Okɛ anɔkwayeli atsu nii ni okɛ oshiɛmɔyaa he akɔntaabuu Iɛ aha daa nyɔŋ nɔ. Ye Obua mɛi krokomɛi hu ni amɛya shiɛmɔ daa. ‘Na suɔmɔ oha nyɛmimɛi asafo muu lɛ fɛɛ.’—1 Pet: 2:17.