Kasemɔ Obaanyɛ Ohi Shi kɛ Ekome ni Afee Kɛmiija Woji Iɛ

¹ Dɛhiɛmɔ woji, woji bibii, woji tɛtrɛbii, kɛ woji wuji​—abaanyɛ akɛ fɛɛ atsu nii ni akɛ mɛi ni yɔɔ wiemɔ lɛ he miishɛɛ lɛ aje shia Biblia mli nikasemɔi ashishi. Akɛni aja Gbɔmɔ ni Fe Fɛɛ ni Ehi Shi Pɛŋ wolo lɛ babaoo ni mɛi nyaa he hu hewɔ lɛ akɛje shia Biblia mli nikasemɔi ashishi. Eka shi faŋŋ akɛ esa akɛ awo hewalɛ ni mɔ fɛɛ mɔ akane ni ekase hu. Wɔfee enɛ kɛtsɔ wɔhe ni wɔsaa kɛtee Asafo Woloŋ Nikasemɔ daa lɛ nɔ.

² Kɛlɛ, woji pɔtɛɛ enyɔ komɛi yɛ ni esa akɛ wɔkɛ mɛi heei akase ni wɔye wɔbua amɛ ni amɛnu Biblia lɛ shishijee tsɔɔmɔi kɛ jalɛ tɛi ni sa akɛ Kristofoi ahi shi yɛ naa lɛ shishi. Woji lɛ ji: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ kɛ Ekome ni Afee Kɛmiija Anɔkwa Nyɔŋmɔ kome Lɛ. Nɔni ajieɔ yi ji akɛ mɛi ni kɛ woji krokomɛi feɔ shia Biblia mli nikasemɔi lɛ atsake woji lɛ ni amɛkɛ woji ni atsi ta nɛɛ ateŋ ekome afee shia Biblia mli nikasemɔ yɛ be ni sa mli. Kɛ akɛ Gbɔmɔ ni Fe Fɛɛ wolo lɛ miifee shia Biblia mii nikasemɔ lɛ, wo nikaselɔ lɛ hewalɛ koni lɛ diɛŋtsɛ eya nɔ ekane wolo lɛ. Esa akɛ aya nɔ afee shia Biblia mli nikasemɔ kɛyashi be mli ni aaagbe Obaanyɛ Ohi Shi kɛ Ekome ni Afee Kɛmiija woji lɛ anaa, kɛ aaabaptisi mɔ lɛ po dani agbe wolo ni ji enyɔ lɛ naa. Gbɛ ni tamɔ nɛkɛ ni akɛtsuɔ nii lɛ baaha Biblia kaselɔ lɛ ana sanesɛɛkɔmɔ babaoo kɛ mumɔŋ shidaamɔ kpakpa.