Akpei Nyɔŋmai Enumɔ kɛ Kpaanyɔ!
No ji shiɛlɔi ayibɔ ni wɔbaasumɔ ni wɔna ni amɛmiibu amɛshiɛmɔ he akɔntaa yɛ Ghana kɛha August 1998. Ani wɔyɛ nyɛmɔ ni wɔkɛaashɛ he? Hɛɛ, wɔyɛ nyɛmɔ! Asafoi ayibɔ ni wɔyɔɔ bianɛ yɛ maŋ lɛ mli lɛ tsɔɔ akɛ kɛ́ abua naa lɛ, wɔyɛ shiɛlɔi 57,767. Ni kɛlɛ, yifalɛ ni fe fɛɛ ni abɔ he amaniɛ yɛ nyɔŋ kome ko nɔ ji 54,842 yɛ February 1998. Te wɔɔfee tɛŋŋ wɔho nakai yibɔ ni fe fɛɛ lɛ he lɛ? Abaanyɛ afee enɛ kɛ́ shiɛlɔ fɛɛ shiɛlɔ ni yɔɔ asafo lɛ mli to gbɛjianɔ pɔtɛɛ ko ni ekɛ ehe wo shiɛmɔ nitsumɔ lɛ mli yɛ August mli, ni ebu nakai nitsumɔ lɛ he akɔntaa amrɔ nɔŋŋ. Kɛfata he lɛ, esa akɛ onukpai fɛɛ, titri lɛ asafoŋ woloŋmalɔ lɛ abɔ mɔdɛŋ waa koni ekɛ akɔntaabuu lɛ amaje mra. Akɛni klɛŋklɛŋ gbii enyɔ yɛ nyɔŋ lɛ mli lɛ ji Hɔɔ kɛ Hɔgbaa hewɔ lɛ, mɛni hewɔ otooo gbɛjianɔ koni okɛ ohe awo shiɛmɔ nitsumɔ lɛ mli yɛ nakai otsi lɛ shishijee mli? Kɛ obaaya kpee lɛ, ekolɛ obaanyɛ oye trukaa odase yɛ maŋtiase ni abaafee kpee lɛ yɛ mli lɛ mli, koni no sɛɛ lɛ ofata osafo lɛ he yɛ shiɛmɔ nitsumɔ lɛ mli yɛ otsi naagbee ni nyiɛ sɛɛ lɛ mli. Kɛ wɔje shishi mra yɛ nyɔŋ lɛ mli lɛ, wɔbaaná be babaoo yɛ odaseyeli nitsumɔ lɛ mli yɛ August mli. Kɛ wɔ fɛɛ wɔfee ekome kɛtsu nii kutuu lɛ, wɔbaaná shiɛlɔi ayifalɛ hee ni fe fɛɛ ni baaho 58,000 loo 60,000 yibɔ lɛ he nɔ ni ji klɛŋklɛŋ kwraa yɛ Ghana. Mɛɛ yijiemɔ ni jijeɔ enɛ baaji eha Yehowa nɛkɛ!—Lala 47:2.Ga Bible