Ani Oyɛ Woji Tɛtrɛbii lɛ Yibɔ ko ni Oheɔ Daa?
1 Ani otee kpee kɛha shiɛmɔyaa ni ona akɛ obɛ woji tɛtrɛbii lɛ eko yɛ oshiɛmɔyaa baagi lɛ mli dã? Ojogbaŋŋ, kaimɔ nɔ ni aŋma ahɔ September 1995 Wɔ Maŋtsɛyeli Sɔɔmɔ lɛ mli ni yitso ji “Okɛ Wɔ Woji Tɛtrɛbii lɛ Atsu Nii Jogbaŋŋ” lɛ. Ekɛɛ wɔ akɛ ‘wɔná woji tɛtrɛbii ayibɔ ko ni wɔheɔ daa,’ ni ewie akɛ: “Okɛ nyɛmi nuu ni kwɛɔ woji tɛtrɛbii anɔ lɛ ato gbɛjianɔ kpakpa ko kɛha ekomekomei ni baa lɛ fɛɛ eko yibɔ ko ni tsakeee. Kɛtsɔ nɛkɛ gbɛ nɔ lɛ, bo kɛ oweku lɛ baaná woji tɛtrɛbii ni akɛhaa nyɛ lɛ yibɔ ni sa daa.” Ani ofee enɛ?
2 Mɛni hewɔ ohaaa ale woji tɛtrɛbii lɛ eko fɛɛ eko ni baaba lɛ yibɔ ko ni obaahe daa lɛ? Ebaaha onu he akɛ esa akɛ oja woji tɛtrɛbii lɛ daa otsi, ni nakai feemɔ baaha omiishɛɛ afa. Kɛ oyɛ woji tɛtrɛbii lɛ yibɔ ko ni oheɔ daa lɛ, saamɔ osusu he ekoŋŋ okwɛ akɛ, ani nɔ ni oheɔ lɛ nɔŋŋ he hiaa bo nyɔŋ fɛɛ nyɔŋ nɔ yɛ shiɛmɔ nitsumɔ lɛ mli lo. Shi kɛlɛ, esa akɛ wɔkɛ anɔkwayeli ahe nɔ ni wɔheɔ daa nyɔŋ lɛ, ní wɔnu he akɛ ehe miihia ni wɔfee nakai. Kɛ obaashi asafo lɛ mli kɛyaye be fioo yɛ he ko lɛ, ha woji tɛtrɛbii anɔkwɛlɔ lɛ ale kɛji ekolɛ, obaasumɔ ni ekɛ owoji lɛ aha mɔ kroko kɛyashi be mli ni obaaba.
3 Wolo ni aŋma ahɔ mli ni atsɛ yisɛɛ yɛ yiteŋgbɛ lɛ nɔŋŋ kɛɛ akɛ, esa akɛ ‘wɔto woji tɛtrɛbii agbi ni wɔkɛbaatsu nii daa he gbɛjianɔ.’ Ani obaanyɛ ofi daa otsi Woji Tɛtrɛbii Agbi lɛ sɛɛ? Taakɛ atsɔɔ mli yɛ 1999 Calendar of Jehovah’s Witnesses lɛ mli lɛ, enɛ ji afi lɛ mli daa Hɔɔ! Kaabu hiamɔ ni ehe hiaa ní wɔja Buu-Mɔɔ kɛ Awake! lɛ akɛ nɔ ko bibioo. Kɛ́ wɔkɛ mɔdɛŋbɔɔ ná gbɛfaŋ nɔ yɛ woji tɛtrɛbii lɛ ajaa mli kɛmɔ shi lɛ, ehaa wɔkɛ ‘nɔ ko kpakpa he sanekpakpa bahaa’ wɔkutsoŋbii lɛ.—Yes. 52:7.