Mɛni Ji Yiŋtoo ní Yɔɔ Sɛɛ?
1 Mɛni hewɔ wɔfeɔ shia Biblia mli nikasemɔi lɛ? Ani no ji ní wɔha mɛi aná nilee, ní amɛshihilɛi aya hiɛ, aloo ní wɔha amɛná gbɛkpamɔi kpakpai kɛha wɔsɛɛ? Dabi. Oti titri ní ma wɔhiɛ ji ní wɔfee amɛ Yesu Kristo kaselɔi! (Mat. 28:19; Bɔf. 14:21) No hewɔ ni ehe hiaa ní mɛi ní wɔkɛkaseɔ nii lɛ kɛ asafo lɛ abɔ lɛ. Amɛ mumɔŋ hiɛyaa kɛ hiɛsɔɔ ní amɛaaná amɛha Kristofoi asafo lɛ yɛ tsakpaa tɛ̃ɛ diɛŋtsɛ.
2 Gbɛ ní Aaatsɔ Nɔ Afee: Kɛjɛ shishijee beebe lɛ, yaa nɔ owo nikaselɔ lɛ hewalɛ be fɛɛ be ní eba asafoŋ kpeei. (Heb. 10:24, 25) Tsɔɔmɔ lɛ bɔ ni kpeei nɛɛ baawaje ehemɔkɛyeli, ní eye ebua lɛ yɛ Nyɔŋmɔ suɔmɔnaa nifeemɔ mli, ní eha enyɛ ekɛ mɛi krokomɛi ní sumɔɔ ní amɛ hu amɛjie Yehowa yi lɛ aná naanyobɔɔ kpakpa. (Lala 27:13; 32:8; 35:18) Suɔmɔ kɛ hiɛsɔɔ wiemɔi ní kɔɔ asafo lɛ kɛ kpeei ahe ní bo diɛŋtsɛ ooowie lɛ baakanya miishɛɛ ní eeena akɛ eba kpee lɛ.
3 Ehe miihia ní mɛi heei lɛ anu shishi akɛ Yehowa gbɛjianɔtoo lɛ ji majimaji ateŋ nyɛmifeemɔ. Jiemɔ Jehovah’s Witnesses—The Organization Behind the Name kɛ Our Whole Association of Brothers vidioi lɛ otsɔɔ amɛ. Ye obua amɛ ní amɛnu shishi akɛ Yehowa kɛ gbɔmɛi akpekpei abɔ ní ejɔɔ amɛhe nɔ miitsu nii yɛ jeŋ fɛɛ koni ekɛha esuɔmɔnaa nii aba mli. Ha mɛi heei nɛɛ ale akɛ aafɔ̃ nine aatsɛ amɛ ní amɛ hu amɛbasɔmɔ Nyɔŋmɔ.—Yes. 2:2, 3.
4 Eji miishɛɛ kpele diɛŋtsɛ akɛ wɔɔna akɛ Biblia kaselɔ ko ebatsɔ Yesu anɔkwa kaselɔ. No ji oti ní ma wɔhiɛ lɛ!—3 Yoh. 4.