Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Sept. 15

“Mɛni he hiaa koni aná jeŋ ní hi, ní miishɛɛ yɔɔ mli? [Ŋmɛɛ gbɛ ní eha hetoo.] Adesai eka nɔyelii srɔtoi abɔ amɛkwɛ aahu kɛtsara nɔ koni akɛha nibii ahi. Shi kadimɔ bɔ ni Nyɔŋmɔ susuɔ yɛ enɛ he. [Kanemɔ Yeremia 10:23.] Sane ní aŋma nɛɛ jieɔ ‘Nɔ Diɛŋtsɛ ni kɛ Jeŋ ni Miishɛɛ Yɔɔ Mli Baa’ lɛ kpo, ni etsɔɔ bɔ ni etsɛŋ kwraa ni enɛ baaba mli.”

Awake! Sept. 22

“Ani okɛ mi baakpã gbee akɛ etamɔ nɔ ni gbɔmɛi ní yɔɔ ŋmɛnɛ lɛ yɛ nɔnyɛɛ babaoo shishi fe be ko ní eho? [Ŋmɛɛ gbɛ ní eha hetoo.] Biblia lɛ egba enɛ efɔ̃ shi. [Kanemɔ 2 Timoteo 3:1.] Shihilɛ lɛ mli ewa waa eha mɛi pii, aahu akɛ eha amɛnijiaŋ eje wui kwraa. Shi wolo tɛtrɛɛ nɛɛ kɛ hewalɛwoo diɛŋtsɛ haa. Etsɔɔ bɔ ni aaafee awuu ashi nijiaŋwujee ní aná shihilɛ mli miishɛɛ.”

Buu-Mɔɔ Oct. 1

Beni otsĩ adafitswaa ko ní haoɔ mɔ tã lɛ sɛɛ lɛ, bi akɛ: “Mɛni hewɔ gbɔmɛi feɔ nibii fɔji ní tamɔ nɛkɛ lɛ? Esa akɛ wɔteŋ mɔ fɛɛ mɔ ale nɔ ni ja kɛ nɔ ni ejaaa, shi gbɔmɛi miiya nɔ amɛmiifee nibii fɔji lolo. Mɛni hewɔ? [Yɛ enaajiemɔ lɛ sɛɛ lɛ, kanemɔ Kpojiemɔ 12:9.] Wolo tɛtrɛɛ nɛɛ tsɔɔ bɔ ni wɔɔfee ní wɔbu wɔhe kɛtsɔ wɔhenilee yibaamɔ nɔ.”

Awake! Oct. 8

“Ekolɛ okɛ mi baakpã gbee akɛ wɔyɛ yiwalɛ bei amli. [Yɛ enaajiemɔ lɛ sɛɛ lɛ, kanemɔ 2 Timoteo 3:3.] Bei pii lɛ, afeɔ ‘yiwalɛ’ nibii komɛi yɛ weku kɔkɔrɔɔ lɛ po mli. Sane ní aŋma nɛɛ, ni ji ‘Help for Battered Women,’ (Yelikɛbuamɔ Kɛha Yei ní Ayiɔ Amɛ) lɛ kɛ hiɛnɔkamɔ shɛɛ sane haa. Ekolɛ ole mɔ ko hu ní obaanyɛ okɛ lɛ agba emli sane.”