Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 15

“Wɔfɔɔ wiemɔi tamɔ akɛ, ‘Yesu hereɔ mɔ yiwala’ aloo ‘Yesu gbo kɛha wɔ’ lɛ numɔ. [Tsɛ́ Yohane 3:16.] Ani osusu bɔ ni aaafee ni gbɔmɔ kome gbele aaanyɛ ahere wɔ fɛɛ wɔyiwala lɛ he pɛŋ? [Ŋmɛɛ gbɛ ni eha hetoo.] Biblia lɛ kɛ hetoo ni mli ka shi faŋŋ haa nɛkɛ sanebimɔ nɛɛ, ni sane ni aŋma ni ji, ‘Yesu Hereɔ Mɔ Yiwala—Yɛ Mɛɛ Gbɛ Nɔ?’ nɛɛ tsɔɔ mli faŋŋ.”

Awake! Nov. 22

“Yɛ osusumɔ naa lɛ, ani adesai miifee nɔ fɛɛ nɔ ni amɛaanyɛ ni amɛkɛbaa amɛshihilɛhei ayi? [Ŋmɛɛ gbɛ ni eha hetoo.] Mɛi pii susuɔ kɛji shihilɛ ni ebɔle adesai ahe ni haa wala ŋmɛɔ pɛpɛɛpɛ yɛ shikpɔŋ nɔ lɛ baanyɛ ahi shi kɛya naanɔ ni aleee lɛ he. Yɛ heniianaa lɛ, Nyɔŋmɔ yɛ enɛ he miishɛɛ waa. [Kanemɔ Nehemia 9:6.] Awake! lɛ gbaa naagbai ni mɛi susuɔ he ni kɔɔ shihilɛhei lɛ kɛ nɔ ni shihilɛ yɛ shikpɔŋ nɔ lɛ baaji aha yɛ wɔsɛɛ be mli lɛ he.”

Buu-Mɔɔ Dec. 1

“Gbɔmɛi babaoo kɛ amɛhe ewo nikee kɛ ejurɔfeemɔ nibii amli waa yɛ nɛkɛ be nɛɛ mli yɛ afi lɛ mli. Enɛ haa wɔkaiɔ Mla Kpakpa lɛ ni Yesu jaje yɛ Mateo 7:12 lɛ. [Kanemɔ] Ani osusuɔ akɛ abaanyɛ ahi shi yɛ nakai mla lɛ naa afi muu lɛ fɛɛ mli? [Ŋmɛɛ gbɛ ni eha hetoo.] Wolo tɛtrɛɛ nɛɛ kɛ nɔ ko ni abaanyɛ asusu he yɛ sane ni ji ‘Mla Kpakpa Lɛ—Ani Anyɛɔ Atsuɔ He Nii Lolo?’ lɛ he haa.”

Awake! Dec. 8

“Shiwoo ni Biblia lɛ kɛhaa ji akɛ gbi ko baaba ni mɔ ko mɔ ko nyɛŋ akɛɛ akɛ, ‘Migbɔjɔ!’ [Kanemɔ Yesaia 33:24.] Yɛ nakai shiwoo lɛ kɛ gbeekpamɔ naa lɛ, Awake! nɛɛ gbalaa jwɛŋmɔ kɛyaa hela ko ni piŋɔ adesai akpekpei abɔ lɛ nɔ, gbekɛbii kɛ onukpai fɛɛ. Eyitso ji ‘Hope for Arthritis Sufferers’ (Hiɛnɔkamɔ ni Yɔɔ Kɛha Mɛi ni Yeɔ Sasabro). Miheɔ miyeɔ akɛ obaaná saji babaoo ni tsɔɔ mɔ nii kɛjɛ mli.”